လံာ်ပှၤစံၣ်ညီၣ်ကွီၢ် 20:7 - Sgaw Karen Common Bible

⁷ သုဝဲလၢအအိၣ်ဖဲအံၤခဲလၢာ်မ့ၢ်ပှၤအံၣ်စရ့လးဖိတဖၣ်လီၤ. ဘၣ်ဃးဒီးတၢ်ဂ့ၢ်အံၤန့ၣ်ပကမၤအီၤဒ်လဲၣ်.”

လံာ်ပှၤစံၣ်ညီၣ်ကွီၢ် 20:7 Iomraidhean Croise

တၢ်ကတိၤဒိ. 20:18

မၤန့ၢ်တၢ်ဟ့ၣ်ကူၣ်အဂ့ၤဒီးနကမၤန့ၢ်မၤနၢၤတၢ်လီၤ. တၢ်တိာ်တၢ်ကျဲၤတမံၤတအိၣ်ဘၣ်ဒီးနုာ်လီၤသဖှိဆူတၢ်ဒုးတၢ်ယၤ အပူၤတဂ့ၤ.

တၢ်ကတိၤဒိ. 24:6

ဒ်ပစံးတၢ်အသိးန့ၣ်, တချုးလၢနဒုးတၢ်ဒံးဘၣ်ဒီး, နကဘၣ်ကူၣ်ကျဲၤတၢ်လီၤတံၢ်လီၤဆဲးလီၤ. နမၤန့ၢ်တၢ်ဟ့ၣ်ကူၣ်ဒံးအါနကမၤနၢၤတၢ်ဒံးလီၤတံၢ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

လံာ်သိၣ်လီၤသီလီၤတၢ် 4:6

စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်ပှၤစံၣ်ညီၣ်ကွီၢ် 19:30

ဒီးပှၤကိးဂၤဒဲးလၢအထံၣ်တၢ်န့ၣ်စံးဝဲ, “ပတနၢ်ဟူတ့ၢ်တၢ်မၤအသးဒ်အံၤနီတစုဘၣ်. တၢ်မၤအသးဒ်အံၤန့ၣ်စးထီၣ်လၢပှၤအံၣ်စရ့လးဖိဟးထီၣ်လၢကီၢ်အဲၤကူပတူးအပူၤလံၤလံၤ တမၤတ့ၢ်အသးနီတစုဘၣ်. ဘၣ်ဃးဒီးတၢ်ဂ့ၢ်အံၤပကဘၣ်မၤတၢ်တမံၤမံၤ လီၤ. ကမ့ၢ်တၢ်မနုၤတမံၤလဲၣ်.”

လံာ်ပှၤစံၣ်ညီၣ်ကွီၢ် 20:8

ဒီးပှၤဂီၢ်မုၢ်ခဲလၢာ်ဆၢထၢၣ်ဒီးစံး, “ပဝဲလၢအအိၣ်လၢဒဲ အပူၤမ့ၢ်ဂ့ၤ, ဟံၣ်အပူၤမ့ၢ်ဂ့ၤ, တက့ၤဘၣ်ဆူဟံၣ်နီတဂၤဘၣ်.