လံာ်ပှၤစံၣ်ညီၣ်ကွီၢ် 20:5 - Sgaw Karen Common Bible

⁵ ဒီးပှၤကံဘဧၤဖိတဖၣ်ဟဲကဝီၤဃးဟံၣ်လၢမုၢ်နၤန့ၣ်လၢကမၤန့ၢ် ယၤအဂီၢ်လီၤ. အဝဲသ့ၣ်တိာ်သူၣ်ပာ်သးလၢကမၤသံယၤနာ်သက့ အဝဲသ့ၣ်မၤတရီတပါယသံၣ်မါဒီးပိာ်မုၣ်န့ၣ်သံဝဲလီၤ.

လံာ်ပှၤစံၣ်ညီၣ်ကွီၢ် 20:5 Iomraidhean Croise

လံာ်တၢ်ဘူၣ်ထီၣ်ဘါထီၣ် 18:24

မၤဘၣ်အၢသုသးလၢတၢ်တဖၣ်အံၤနီတမံၤတဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ်ကွံာ်လၢသုမဲာ်ညါန့ၣ်မၤဘၣ်အၢအသးလၢ တၢ်တဖၣ်အံၤန့ၣ်လီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 22:24

သုကဘၣ်ထုးထီၣ်ကွံာ်အဝဲသ့ၣ်ဆူဝ့ၢ်အချၢဒီးကွံာ်သံအီၤလၢလၢၢ်န့ၣ်လီၤ. ပိာ်မုၣ်ဖိန့ၣ်ကဘၣ်သံဝဲမ့ၢ်လၢအဝဲတကိးထီၣ်ဃ့လၢတၢ်မၤစၢၤအဂီၢ်, ဖဲအဝဲအိၣ်ဒၣ်လၢဝ့ၢ်တဖျၢၣ်အပူၤ, တၢ်လီၢ်ဖဲအဝဲကိးပှၤနၢ်ဟူအီၤသ့ဝဲအဃိန့ၣ်လီၤ. ဒီးပိာ်ခွါန့ၣ်ကဘၣ်သံဝဲမ့ၢ်လၢအမံဃုာ်အိၣ်ဃုာ်ဒီးပိာ်မုၣ် ဖိတဂၤလၢအမၤတၢ်တ့တၢ်ဖျီအတၢ်အၢၣ်လီၤဝံၤလံအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီၤအံၤန့ၣ်လီၤ.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်ပှၤစံၣ်ညီၣ်ကွီၢ် 19:28

ဒီးအဝဲစံး, “ဂဲၤဆၢထၢၣ်ဒီးမ်ပလဲၤသကိးတက့ၢ်.” ဘၣ်ဆၣ်ဒီးတၢ်စံးဆၢတအိၣ်ဘၣ်နီတမံၤဘၣ်. ဒီးပာ်ထီၣ်အသံၣ်မါ လၢကသ့ၣ်ယီၤအလိၤ ဒီးစးထီၣ်အတၢ်လဲၤဆူဟံၣ်လီၤ.

လံာ်ပှၤစံၣ်ညီၣ်ကွီၢ် 20:4

ပှၤလ့ၤဝံဖိလၢအသံၣ်မါဘၣ်တၢ်မၤသံအီၤန့ၣ်စံးဆၢဝဲဒၣ်, “ယၤဒီးယသံၣ်မါပလဲၤဆူဝ့ၢ်ကံဘဧၤအိၣ်လၢကီၢ်ဘံၣ်ယၤမံၣ် အပူၤဒ်သိးပကအိၣ်ကတီၢ်ဖဲန့ၣ်တနၤလီၤ.