လံာ်ပှၤစံၣ်ညီၣ်ကွီၢ် 20:46 - Sgaw Karen Common Bible

⁴⁶ လၢမုၢ်တနံၤန့ၣ်ပှၤဘံၣ်ယၤမံၣ်ဖိဘၣ်တၢ်မၤသံကွံာ်အီၤခဲလၢာ် အဂၤခံကလးယဲၢ်ကထိလီၤ. အဝဲသ့ၣ်မ့ၢ်ပှၤသုးဖိအဒူတဖၣ်ကိးဂၤဒဲးလီၤ.

လံာ်ပှၤစံၣ်ညီၣ်ကွီၢ် 20:46 Iomraidhean Croise

လံာ်ပှၤစံၣ်ညီၣ်ကွီၢ် 20:15

အဝဲသ့ၣ်ကိးထီၣ်ပှၤသုးဖိခံကလးဃုကထိလၢအဝ့ၢ်တဖၣ် အပူၤလၢမုၢ်နံၤအဝဲန့ၣ်လီၤ. လၢန့ၣ်မဲာ်ညါကံဘဧၤအဝ့ၢ်ဖိတဖၣ်ပာ်ဖှိၣ်ပှၤပိာ်ခွါလၢအစု စ့ၣ်ဆူၣ်နွံကယၤဂၤလၢအဘၣ်တၢ်ဃုထၢအီၤလီၤဆီန့ၣ်လီၤ.

လံာ်ပှၤစံၣ်ညီၣ်ကွီၢ် 20:35

ယွၤဟ့ၣ်အံၣ်စရ့လးလၢကမၤနၢၤဘံၣ်ယၤမံၣ်အသုးမုၢ်လီၤ. ပှၤအံၣ်စရ့လးမၤသံကွံာ်အဒုၣ်အဒါခံကလးယဲၢ်ကထိတကယၤဂၤ လၢမုၢ်နံၤအဝဲန့ၣ်အပူၤလီၤ.

လံာ်ပှၤစံၣ်ညီၣ်ကွီၢ် 20:45

သုးဖိအဂၤတဖၣ်ဃၣ်တရံးအသးဒီးဃ့ၢ်ဆူတၢ်ပျီပူၤဖဲလ့ရံးမိၣ် အလီၢ်န့ၣ်လီၤ. ဒီးလၢအကျါပှၤအဂၤယဲၢ်ကထိ ဘၣ်တၢ်မၤသံကွံာ်အီၤလၢကျဲမုၢ်ဖီခိၣ်လီၤ. ပှၤအံၣ်စရ့လးဖိတဖၣ်လူၤ အဝဲသ့ၣ်ဆူညါတုၤလၢဝ့ၢ်ကံဒိၣ်ဒီးမၤသံပှၤအဂၤခံကထိလီၤ.

လံာ်ပှၤစံၣ်ညီၣ်ကွီၢ် 20:47

ဘၣ်ဆၣ်ဒီးပှၤအဂၤဃုကယၤဂၤဃ့ၢ်ပူၤဖျဲးကွံာ်ဆူတၢ်ပျီပူၤ ဖဲလ့ရံးမိၣ်အလီၢ်လီၤ. ဒီးအိၣ်ဝဲဖဲန့ၣ်လွံၢ်လါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:21

စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”