လံာ်ပှၤစံၣ်ညီၣ်ကွီၢ် 20:45 - Sgaw Karen Common Bible

⁴⁵ သုးဖိအဂၤတဖၣ်ဃၣ်တရံးအသးဒီးဃ့ၢ်ဆူတၢ်ပျီပူၤဖဲလ့ရံးမိၣ် အလီၢ်န့ၣ်လီၤ. ဒီးလၢအကျါပှၤအဂၤယဲၢ်ကထိ ဘၣ်တၢ်မၤသံကွံာ်အီၤလၢကျဲမုၢ်ဖီခိၣ်လီၤ. ပှၤအံၣ်စရ့လးဖိတဖၣ်လူၤ အဝဲသ့ၣ်ဆူညါတုၤလၢဝ့ၢ်ကံဒိၣ်ဒီးမၤသံပှၤအဂၤခံကထိလီၤ.

လံာ်ပှၤစံၣ်ညီၣ်ကွီၢ် 20:45 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:77

ဟံၣ်ဒူၣ်ဃီထၢတဖၣ်လၢအအိၣ်လီၤတဲာ်လၢပှၤမရၤရံၤဖိ အဒူၣ်ထၢပူၤန့ၣ်ဘၣ်တၢ်ဟ့ၣ်လီၤအီၤလၢဝ့ၢ်လၢလာ်တဖၣ်အံၤဃုာ် ဒီးတၢ်အီၣ်ဆၣ်အလီၢ်လါဟ့အိၣ်ဝးတရံးအီၤတဖၣ်န့ၣ်လီၤ. လၢပှၤစဘူလိၣ်ဖိအိၣ်ဆိးလီၢ်အပူၤန့ၣ်ဝ့ၢ်ရံးမိၣ်ဒီးဝ့ၢ်တၤ ဘိၢ်န့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်စီၤယိၤၡူ 15:32

လဘၤအိသး, ၡံလဃံၣ်, ဧ့ၣ်, ဒီးရံးမိၣ်န့ၣ်လီၤ. ခဲလၢာ်မ့ၢ်ဝဲခံဆံခွံဝ့ၢ်ဃုာ်ဒီးဝ့ၢ်ဖိ လၢအအိၣ်ဝးတရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:44

ဘံၣ်ယၤမံၣ်အသုးဖိအဂ့ၤကတၢၢ်အဂၤတကလးဃိးကထိဘၣ် တၢ်မၤသံကွံာ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:46

လၢမုၢ်တနံၤန့ၣ်ပှၤဘံၣ်ယၤမံၣ်ဖိဘၣ်တၢ်မၤသံကွံာ်အီၤခဲလၢာ် အဂၤခံကလးယဲၢ်ကထိလီၤ. အဝဲသ့ၣ်မ့ၢ်ပှၤသုးဖိအဒူတဖၣ်ကိးဂၤဒဲးလီၤ.

လံာ်ပှၤစံၣ်ညီၣ်ကွီၢ် 21:13

တုၤနုၤတစု, ပှၤဂီၢ်မုၢ်အတၢ်အိၣ်ဖှိၣ်ဒီဖုန့ၣ်ဆှၢလီၤတၢ်ကစီၣ်ဆူ ပှၤဘံၣ်ယၤမံၣ်ဖိအိၣ်လၢလ့ရံးမိၣ်လၢတၢ်ဆိကတီၢ်ကွံာ်တၢ်ဒုးတၢ်ယၤအဂီၢ်လီၤ.