လံာ်ပှၤစံၣ်ညီၣ်ကွီၢ် 20:28 - Sgaw Karen Common Bible

²⁸ ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.

လံာ်ပှၤစံၣ်ညီၣ်ကွီၢ် 20:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:3

အဝဲသ့ၣ်ဟံးထီၣ်အီၤလၢစီၤအဘံနဒၤအဟံၣ်လၢအအိၣ်ဝဲလၢ ကစၢၢ်ဒီခိၣ်န့ၣ်ဒီးပာ်ထီၣ်အီၤလၢလ့ၣ်အသီတဆိအလိၤန့ၣ်လီၤ. စီၤအဘံနဒၤအဖိခွါတဖၣ်လၢအမ့ၢ် စီၤဧူးစၤဒီးစီၤအဃံယိၤ ဆှၢလ့ၣ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

လံာ်တၢ်ဟးထီၣ်ကွံာ် 6:25

ဒီးစီၤအၤဟရိၣ်အဖိခွါစီၤအလၤဧစၢ်န့ၣ်, ဟံးန့ၢ်အမါလၢစီၤပူတံၤ အ့လးအဖိမုၣ်တဖၣ်အကျါတဂၤဒီးအဝဲဒၣ်ဆံးစၢ်န့ၢ်အီၤ လၢစီၤဖံနဃၣ်လီၤ. အဝဲသ့ၣ်န့ၣ်မ့ၢ်လ့ၤဝံအဒူၣ်အခိၣ်အနၢ်တဖၣ် ဒီးအစၢၤအသွဲၣ်တဖၣ်န့ၣ်လီၤ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်သိၣ်လီၤသီလီၤတၢ် 18:5

လၢကယဲၢ်သုဒူၣ်တဖၣ်ခဲလၢာ်အကျါန့ၣ်, ယွၤဃုထၢတ့ၢ်လ့ၤဝံ အဒူၣ်ဒ်သိးကမၤအတၢ်ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီ လီၤ.

လံာ်စီၤယိၤၡူ 22:13

အန့ၣ်ဒီး, ပှၤအံၣ်စရ့လးဖိတဖၣ်မၢလီၤပှၤလုၢ်တၢ်အခိၣ် စီၤအလၤဧစၢ်အဖိခွါစီၤဖံၤနဃၣ်ဆူပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်အအိၣ်လၢကီၢ်ကံးလဧးန့ၣ်လီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်ပှၤစံၣ်ညီၣ်ကွီၢ် 1:2

ဒီးယွၤစံးဝဲဒၣ်, “ယူဒၤအဒူၣ်ကလဲၤလၢညါလီၤ. ယဟ့ၣ်လီၤကီၢ်တဘ့ၣ်န့ၣ်လၢအတၢ်ပၢအဖီလာ်လီၤ.”

လံာ်ပှၤစံၣ်ညီၣ်ကွီၢ် 19:16

ဖဲအဝဲသ့ၣ်အိၣ်ဖဲန့ၣ်အဖၢမုၢ်ပှၤသးပှၢ်လၢအမၤတၢ်လၢစံာ်ပျီပူၤတဂၤဟဲက့ၤဖဲမုၢ်ဟါလီၤအကတီၢ်န့ၣ်လီၤ. အဝဲအထံးအခံမ့ၢ်ဝဲလၢအ့ဖရဲၣ်အကစၢၢ်ကလိဘၣ်ဆၣ်ဒီးခဲအံၤ အိၣ်ဝဲဖဲဝ့ၢ်ကံဘဧၤန့ၣ်လီၤ. (ပှၤအဂၤတဖၣ်လၢတၢ်လီၢ်ဖဲန့ၣ်မ့ၢ်ပှၤဘံၣ်ယၤမံၣ်ဖိန့ၣ်လီၤ.)

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:37

မၤသးဒ်န့ၣ်ဒီး, စီၤစီလူးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ်ဧါ. မ့ၢ်နကဟ့ၣ်ပှၤတၢ်မၤနၢၤဧါ.” ဘၣ်ဆၣ်ဒီးလၢမုၢ်နံၤအဝဲန့ၣ်ကစၢ်ယွၤတစံးဆၢတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”