လံာ်ပှၤစံၣ်ညီၣ်ကွီၢ် 20:25 - Sgaw Karen Common Bible

²⁵ ဒီးပှၤဘံၣ်ယၤမံၣ်ဖိတဖၣ်ဟဲထီၣ်လၢကံဘဧၤခံစုတစုဒီးအအံၤ တဘျီန့ၣ် မၤသံကွံာ်ပှၤအံၣ်စရ့လးအသုးမုၢ်ဒီးသိၣ်လိတ့ၢ်အသးတဖၣ်ခဲလၢာ် တကလးဃိးကထိန့ၣ်လီၤ.

လံာ်ပှၤစံၣ်ညီၣ်ကွီၢ် 20:25 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်တၢ်ကဲထီၣ်အခီၣ်ထံး 49:27

စီၤဘံၣ်ယၤမံၣ်လီၤဂာ်ဒီးထွံၣ်မံၤလၢအအၢအသီတဒုလီၤ. လၢဂီၤဒီးလၢဟါန့ၣ်အဝဲမၤသံတၢ်ဒီးအီၣ်ဂီၤကွံာ်တၢ်လီၤ.”

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

လံာ်ပှၤစံၣ်ညီၣ်ကွီၢ် 20:21

ဘံၣ်ယၤမံၣ်အသုးမုၢ်ဟဲထီၣ်ဆူဝ့ၢ်အချၢဒီးတချုးမုၢ်လီၤနုာ် န့ၣ်မၤသံကွံာ်အံၣ်စရ့လးအသုးဖိခံကလးခံကထိန့ၣ်လီၤ.

လံာ်ပှၤစံၣ်ညီၣ်ကွီၢ် 20:24

အဝဲသ့ၣ်လဲၤထီၣ်ထီဒါဘံၣ်ယၤမံၣ်အသုးမုၢ်ခံစုတစုန့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.