လံာ်ပှၤစံၣ်ညီၣ်ကွီၢ် 20:23 - Sgaw Karen Common Bible

²³ လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:35

ဒီတနံၤညါန့ၣ်ပှၤဂီၢ်မုၢ်ကျဲးစၢးဝဲဒ်သိးစီၤဒၤဝံးကအီၣ် တၢ်တမံၤမံၤဘၣ်ဆၣ်အဝဲမၤတၢ်ဆိၣ်သညူးသပှၢ်တမံၤ, “ယမ့ၢ်အီၣ်တၢ်တမံၤမံၤတချုးမုၢ်လီၤနုာ်န့ၣ်မ်ကစၢ်ယွၤ မၤသံယၤတက့ၢ်.”

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်ပှၤစံၣ်ညီၣ်ကွီၢ် 1:1

ဖဲစီၤယိၤၡူသံဝံၤအလီၢ်ခံန့ၣ်ပှၤအံၣ်စရ့လးဖိသံကွၢ်တၢ်လၢယွၤ, “မ့ၢ်မတၤလၢပပှၤအဒူၣ်တဖၣ်အကျါကြၢးမ့ၢ်ပှၤအဆိကတၢၢ်တဒူၣ်လၢ ကလဲၤထီၣ်ဒုးပှၤကနၤဧၣ်ဖိတဖၣ်လဲၣ်.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:22

တုၤနုၤတစု, ပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ် ဒီးသူၣ်အုးသးအုးလၢယွၤအမဲာ်ညါတုၤမုၢ်ဟါလီၤတစုန့ၣ်လီၤ. အဝဲသ့ၣ်သံကွၢ်ယွၤ, “ဂ့ၤပလဲၤကဒီးတစုဒီးဒုးတၢ်ထီဒါ ပဒီပုၢ်ဝဲၢ်ပှၤဘံၣ်ယၤမံၣ်ဖိတဖၣ်ဧါ.” ဒီးယွၤစံးဝဲဒၣ်, “လဲၤထီဒါအီၤတက့ၢ်.”

လံာ်ပှၤစံၣ်ညီၣ်ကွီၢ် 20:24

အဝဲသ့ၣ်လဲၤထီၣ်ထီဒါဘံၣ်ယၤမံၣ်အသုးမုၢ်ခံစုတစုန့ၣ်လီၤ.

လံာ်ပှၤစံၣ်ညီၣ်ကွီၢ် 21:2

ဒီးပှၤအံၣ်စရ့လးဖိတဖၣ်လဲၤဆူဘ့ၤသ့လးဒီးဆ့ၣ်နီၤဖဲန့ၣ် လၢကစၢ်ယွၤအမဲာ်ညါတုၤလၢမုၢ်ဟါလီၤတစုန့ၣ်လီၤ. ဒီးဟီၣ်ဝဲယၢၤဝဲဒိၣ်ဒိၣ်ကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:3

နကလဲၤတၢ်ဖဲန့ၣ်တုၤလၢနဟဲတုၤဆူသ့ၣ်စီဆှံလၢဝ့ၢ်တၤဘိၣ် ဖဲနကဘၣ်သဂၢၢ်ဒီးပှၤသၢဂၤလၢအလဲၤတၢ်ဒ်သိးကလုၢ်ထီၣ်တၢ်လုၢ်တၢ်ပာ်တမံၤ ဆူယွၤအအိၣ်လၢဝ့ၢ်ဘ့ၤသ့လးန့ၣ်လီၤ. လၢအကျါတဂၤန့ၣ်ကဆှၢမဲာ်တဲးလဲးသးစၢ်ဖိသၢဒု, အဂၤတဂၤန့ၣ်ကစိာ်ကိၣ်သၢဖျၢၣ်ဒီးသၢဂၤတဂၤန့ၣ်ကအိၣ်ဒီးထၢၣ် တၢ်ဖံးပှဲၤဒီးစပံးထံတထၢၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:4

ပှၤစိာ်တၢ်ကစီၣ်တဖၣ်ဟဲတုၤဝဲလၢဝ့ၢ်ကံးဘဧၤဖဲစီၤစီလူး အိၣ်ဆိးဝဲဒီးဖဲအဝဲသ့ၣ်တဲဘၣ်တၢ်ကစီၣ်န့ၣ်, ပှၤဂီၢ်မုၢ်စးထီၣ်ဟီၣ်ဝဲ ယၢၤဝဲလၢတၢ်သးဟးဂီၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)