လံာ်ပှၤစံၣ်ညီၣ်ကွီၢ် 20:22 - Sgaw Karen Common Bible

²² တုၤနုၤတစု, ပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ် ဒီးသူၣ်အုးသးအုးလၢယွၤအမဲာ်ညါတုၤမုၢ်ဟါလီၤတစုန့ၣ်လီၤ. အဝဲသ့ၣ်သံကွၢ်ယွၤ, “ဂ့ၤပလဲၤကဒီးတစုဒီးဒုးတၢ်ထီဒါ ပဒီပုၢ်ဝဲၢ်ပှၤဘံၣ်ယၤမံၣ်ဖိတဖၣ်ဧါ.” ဒီးယွၤစံးဝဲဒၣ်, “လဲၤထီဒါအီၤတက့ၢ်.”

လံာ်ပှၤစံၣ်ညီၣ်ကွီၢ် 20:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:25

စီၤဒၤဝံးစံးဘၣ်ပှၤစိာ်တၢ်ကစီၣ်န့ၣ်, “ဟ့ၣ်ဆူၣ်ထီၣ်စီၤယိၤအာ်အဂံၢ်အဘါ ဒီးတဲဘၣ်အီၤလၢအသုတသးဘၣ်တံာ်တာ်တဂ့ၤ. အဂ့ၢ်ဒ်အံၤ, မတၤမတၤကသံလၢတၢ်ဒုးတၢ်ယၤအပူၤလဲၣ်န့ၣ်နတဲတသ့ဘၣ်. တဲဘၣ်အီၤလၢကမၤဆူၣ်အါထီၣ်တၢ်ဒုးတဘျီလၢဝ့ၢ်န့ၣ်အဖီခိၣ် ဒီးမၤန့ၢ်ကွံာ်အီၤန့ၣ်တက့ၢ်.”

စံးထီၣ်ပတြၢၤ 64:5

အဝဲသ့ၣ်ဟ့ၣ်ဆူၣ်ထီၣ်လိာ်အသးတဂၤဒီးတဂၤလၢ တၢ်ကူၣ်အအၢအသီတဖၣ်အဂီၢ်, ကူၣ်ကျဲၤတၢ်လီၢ်ဖဲကပာ်လီၤခူသူၣ်ပျံၤသကွီၤ, ဒီးစံးဝဲဒၣ် “မ့ၢ်မတၤထံၣ်ပှၤကသ့လဲၣ်,”

လံာ်ပှၤစံၣ်ညီၣ်ကွီၢ် 20:15

အဝဲသ့ၣ်ကိးထီၣ်ပှၤသုးဖိခံကလးဃုကထိလၢအဝ့ၢ်တဖၣ် အပူၤလၢမုၢ်နံၤအဝဲန့ၣ်လီၤ. လၢန့ၣ်မဲာ်ညါကံဘဧၤအဝ့ၢ်ဖိတဖၣ်ပာ်ဖှိၣ်ပှၤပိာ်ခွါလၢအစု စ့ၣ်ဆူၣ်နွံကယၤဂၤလၢအဘၣ်တၢ်ဃုထၢအီၤလီၤဆီန့ၣ်လီၤ.

လံာ်ပှၤစံၣ်ညီၣ်ကွီၢ် 20:17

ဒီးအံၣ်စရ့လးအဒူၣ်အဂၤတဖၣ်ပာ်ဖှိၣ်ထီၣ်ပှၤသုးဖိလၢဒိးသိၣ်လိတ့ၢ်အသး အဂၤလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:21

ဘံၣ်ယၤမံၣ်အသုးမုၢ်ဟဲထီၣ်ဆူဝ့ၢ်အချၢဒီးတချုးမုၢ်လီၤနုာ် န့ၣ်မၤသံကွံာ်အံၣ်စရ့လးအသုးဖိခံကလးခံကထိန့ၣ်လီၤ.

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.