လံာ်ပှၤစံၣ်ညီၣ်ကွီၢ် 20:2 - Sgaw Karen Common Bible

² ဒီးအံၣ်စရ့လးအဒူၣ်ခဲလၢာ်အခိၣ်အနၢ်တဖၣ်အိၣ်ဖဲယွၤအပှၤဂီၢ် မုၢ်ပာ်ဖှိၣ်ထီၣ်အသးအလီၢ်န့ၣ်လီၤ. ဒီးပှၤသုးဖိလဲၤတၢ်လၢအခီၣ်အိၣ်ဝဲလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:13

ပိာ်မုၣ်န့ၣ်စံးဘၣ်အီၤ, “ဘၣ်မနုၤအဃိနကူၣ်ထီၣ်တၢ်ကမၣ်ဒ်န့ၣ်တမံၤ ထီဒါကစၢ်ယွၤအပှၤဂီၢ်မုၢ်န့ၣ်လဲၣ်. နတပျဲဘၣ်နဖိခွါဒၣ်နဲလၢကဟဲက့ၤကဒါက့ၤလၢတၢ်ဃ့ၢ်ပူၤဖျဲးအသးအလီၢ်ဘၣ်. လၢတၢ်န့ၣ်အဃိ, နမ့ၢ်ပှၤစံၣ်ညီၣ်လီၤနသးခီဖျိတၢ်လၢနစံးတ့ၢ်အီၤခဲအံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:9

အဝဲသ့ၣ်ပာ်ဖျါထီၣ်န့ၢ်စီၤပၤလၢ ပှၤပိာ်ခွါခဲလၢာ်လၢအဒုးတၢ်ယၤတၢ်သ့အိၣ်ဝဲ အဂၤဃိးကလီၢ်လၢကီၢ်အံၣ်စရ့လးအပူၤဒီး ပှၤအဂၤယဲၢ်ကလီၢ်လၢကီၢ်ယူဒၤအပူၤလီၤ.

လံာ်စီၤပၤခံဘ့ၣ်တဘ့ၣ် 3:26

တုၤကီၢ်မိၤအးအစီၤပၤသ့ၣ်ညါဝဲဒၣ်လၢအဝဲဃၣ်ကွံာ်လၢတၢ်ဒုး အပူၤလံန့ၣ်, အဝဲကိးထီၣ်ပှၤစိာ်နးအဂၤနွံကယၤဃုာ်ဒီးအီၤ, ဒီးကျဲးစၢးဟးထီၣ်ဆူၣ်လၢဒုၣ်ဒါတဖၣ်အကဆူး, ဒ်သိးကဃ့ၢ်ပူၤဖျဲးထီၣ်ကွံာ်ဆူကီၢ်စူၤရံအစီၤပၤအအိၣ်န့ၣ် လီၤ. ဘၣ်ဆၣ်အဝဲအတၢ်ကျဲးစၢးတကဲထီၣ်ဘၣ်.

လံာ်စီၤယိၤၡူ 22:12

ဖဲပှၤအံၣ်စရ့လးဖိတဖၣ်နၢ်ဟူဘၣ်တၢ်အံၤဒီးပှၤဂီၢ်မုၢ်ခဲလၢာ်ဟဲ ဖှိၣ်အသးဖဲၡံလိၤလၢကဒုးတၢ်ဒီးပှၤအဒူၣ်တဖၣ်လၢမုၢ်ထီၣ်တခီန့ၣ်လီၤ.

လံာ်ပှၤစံၣ်ညီၣ်ကွီၢ် 20:15

အဝဲသ့ၣ်ကိးထီၣ်ပှၤသုးဖိခံကလးဃုကထိလၢအဝ့ၢ်တဖၣ် အပူၤလၢမုၢ်နံၤအဝဲန့ၣ်လီၤ. လၢန့ၣ်မဲာ်ညါကံဘဧၤအဝ့ၢ်ဖိတဖၣ်ပာ်ဖှိၣ်ပှၤပိာ်ခွါလၢအစု စ့ၣ်ဆူၣ်နွံကယၤဂၤလၢအဘၣ်တၢ်ဃုထၢအီၤလီၤဆီန့ၣ်လီၤ.

လံာ်ပှၤစံၣ်ညီၣ်ကွီၢ် 20:17

ဒီးအံၣ်စရ့လးအဒူၣ်အဂၤတဖၣ်ပာ်ဖှိၣ်ထီၣ်ပှၤသုးဖိလၢဒိးသိၣ်လိတ့ၢ်အသး အဂၤလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:3

ဒီးဖဲအကတီၢ်န့ၣ်ပှၤဘံၣ်ယၤမံၣ်ဖိတဖၣ်နၢ်ဟူဝဲလၢအံၣ်စရ့လးအဒူၣ်အဂၤခဲလၢာ် ပာ်ဖှိၣ်ထီၣ်အသးဖဲမံးစပၤန့ၣ်လီၤ. ပှၤအံၣ်စရ့လးဖိတဖၣ်သံကွၢ်ဝဲ, “တဲဘၣ်ပှၤလၢတၢ်မၤအၢမၤသီတမံၤအံၤမၤတ့ၢ်အသးဒ်လဲၣ်အဂ့ၢ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 8:10

စီၤစ့ဘၤဒီးစီၤစးလမူနၤအိၣ်ဝဲလၢဝ့ၢ်ကၢ်ကိၢ်ဃုာ်ဒီး အသုးမုၢ်သံၣ်ဘိတဖၣ်န့ၣ်လီၤ. လၢပှၤမဲးမုၢ်ခိၣ်အဒူၣ်အသုးမုၢ်သံၣ်ဘိဒီဖုညါအကျါန့ၣ် ပှၤအိၣ်တ့ၢ်ထဲအဂၤတကလးယဲၢ်ကထိဧိၤန့ၣ်လီၤ. ပှၤသုးဖိအဂၤတကလီၢ်ခံကလးန့ၣ်ဘၣ်တၢ်မၤသံတ့ၢ်လံအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:8

စီၤစီလူးပာ်ဖှိၣ်ထီၣ်အဝဲသ့ၣ်ဖဲဝ့ၢ်ဘ့စ့းဒီးပှၤအိၣ်ဝဲ လၢကီၢ်အံၣ်စရ့လးအပူၤအဂၤသၢကလီၢ်ဒီးပှၤအဂၤသၢကလး လၢကီၢ်ယူဒၤအပူၤန့ၣ်လီၤ.