လံာ်ပှၤစံၣ်ညီၣ်ကွီၢ် 20:16 - Sgaw Karen Common Bible

¹⁶ အဝဲသ့ၣ်ကိးဂၤဒဲးန့ၣ်ကွံာ်လၢၢ်လၢနီၣ်ဘျုးသ့တုၤခိၣ်သူတဘိဒၣ်လဲာ်, ကွံာ်ဝဲဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:2

ပှၤတဖၣ်လၢအမ့ၢ်ပှၤဘံၣ်ယၤမံၣ်ဖိအဒူၣ်လၢစီၤစီလူးဘၣ်ထွဲဝဲ န့ၣ်လီၤ. အဝဲသ့ၣ်မ့ၢ်ပှၤတဖၣ်လၢအခးပျၢ်တဖၣ်ဒီးကွံာ်လၢၢ်တဖၣ်, လၢစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:14

စီၤဧူးစံယါဟ့ၣ်ဝဲအသုးမုၢ်လၢတၢ်လိၣ်တဖၣ်ဒ်, ကတီၤတဖၣ်, ဘီတဖၣ်, ခိၣ်ကုာ်သုးတဖၣ်, သဃိးတဖၣ်ချံၣ်တဖၣ်ဒီးပျၢ် တဖၣ်ဒီးလၢၢ်တဖၣ်လၢနီၣ်ခးတၢ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:17

ဒီးအံၣ်စရ့လးအဒူၣ်အဂၤတဖၣ်ပာ်ဖှိၣ်ထီၣ်ပှၤသုးဖိလၢဒိးသိၣ်လိတ့ၢ်အသး အဂၤလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:40

အဝဲစိာ်အပှၤကွၢ်သိအနီၣ်ထိးဘိဝံၤဒီးထၢထီၣ်ဝဲလၢၢ်အဘျ့ယဲၢ်ဖျၢၣ်လၢ ထံကျိဖိဒီးဒၢနုာ်အီၤလၢအထၢၣ်ပူၤလီၤ. အဝဲကတဲာ်ကတီၤထီၣ်အနီၣ်ဘျုးဝံၤဒီးလဲၤထီၣ်ဝဲဒ်သိးကထံၣ်လိာ် ဒီးစီၤကၤလယးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:29

ပှၤတဂၤဂၤမ့ၢ်ကဘၣ်ဒုးနၤဒီးကျဲးစၢးလၢကမၤသံနၤန့ၣ်ယွၤ, နကစၢ်ယွၤကမၤပူၤဖျဲးနၤ, ဒ်ပှၤတဂၤကဟုကယာ်တၢ်စုလီၢ်ခီၣ်ခိၣ် လုၢ်ဒိၣ်ပှ့ၤဒိၣ်တမံၤအသိးန့ၣ်လီၤ. ဘၣ်ဆၣ်ဒီးလၢနဒုၣ်နဒါတဖၣ်အဂီၢ်န့ၣ်, ယွၤကစူးကွံာ်အဝဲသ့ၣ်ဆူအယံၤ, ဒ်ပှၤတဂၤဘျုးထီၣ်ကွံာ်လၢၢ်တဖၣ်လၢအနီၣ်ဘျုးအသိးန့ၣ်လီၤ.