လံာ်ပှၤစံၣ်ညီၣ်ကွီၢ် 20:1 - Sgaw Karen Common Bible

¹ ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:14

စီၤဒၤဝံးအတၢ်ကတိၤတဖၣ်မၤန့ၢ်ကယဲၢ်ပှၤလၢကီၢ်ယူဒၤခဲလၢာ် အတၢ်သူၣ်တီသးရၤလၢာ်လၢာ်ဆ့ဆ့ဒီးအဝဲသ့ၣ်ဆှၢလီၤတၢ်ကစီၣ်လၢ, စီၤဒၤဝံးကဟဲက့ၤကဒါက့ၤဃုာ်ဒီးအပဒိၣ်ပပှၢ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:9

ဖဲန့ၣ်စီၤအဘံန့ၢ်ဒုးကဲထီၣ်စီၤအံၤၡဘိၡ့းလၢစီၤပၤလၢ လီၢ်ကဝီၤတဖၣ်လၢအမ့ၢ်ကံးလဧး, အၤၡူၢ်, ယံးစရ့လး, အ့ဖရဲၣ်, ဒီးဘံၣ်ယၤမံၣ်အဖီခိၣ်ဒီးလၢအံၣ်စရ့လးခဲလၢာ် အဖီခိၣ်နီၢ်နီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:2

လၢတၢ်န့ၣ်အဃိ, စီၤဒၤဝံးဟ့ၣ်လီၤအကလုၢ်ဆူအသုးမုၢ်အသုး ခိၣ်ကျၢၢ်စီၤယိၤအာ်အအိၣ်ဒီးစံးဝဲဒၣ်, “လဲၤဃုာ်ဒီးနသုးခိၣ်သုးနၢ်တဖၣ်သကုၤကီၢ်အံၣ်စရ့လးအဒူၣ် တဖၣ်အကျါစးထီၣ်လၢကီၢ်လၢအအံၤတခီတုၤဆူအဂၤတခီဒီးဂံၢ်ပှၤ ဂီၢ်မုၢ်တဖၣ်တက့ၢ်. ယအဲၣ်ဒိးသ့ၣ်ညါမ့ၢ်အဝဲသ့ၣ်အိၣ်ဆံးအါလဲၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:10

ခဲအံၤယမ့ၢ်တမၤလၢထီၣ်ပှဲၤထီၣ်ဘၣ်တၢ်ဂ့ၢ်အံၤဒီးမ်ကစၢ်ယွၤ ကမၤသံယၤတက့ၢ်.”

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:23

တုၤပှၤယူဒၤဖိအသုးခိၣ်တဖၣ်ဒီးအပှၤသုးဖိတဖၣ်လၢအတဟ့ၣ်လီၤ ကွံာ်အသးနၢ်ဟူတၢ်ဂ့ၢ်အံၤန့ၣ်, အဝဲသ့ၣ်ပာ်ဖှိၣ်ထီၣ်အသးဒီးစီၤကဒါလယၤဖဲဝ့ၢ်မံးစပၤန့ၣ် လီၤ. သုးခိၣ်တဖၣ်အံၤန့ၣ်မ့ၢ်ဝဲ, စီၤနသၤနံယၤအဖိခွါစီၤယံး ၡမၤဧ့လး, စီၤကၤရ့ၤအဖိခွါစီၤယိဃၤနၣ်, ပှၤဝ့ၢ်နတိဖးဖိ စီၤတ့ၣ်ဃူမ့းအဖိခွါစီၤစရါယၤ, ဒီးပှၤဝ့ၢ်မၤကၤသးဖိ စီၤယၤစၤနယၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:2

စီၤဒၤဝံးဟ့ၣ်လီၤအကလုၢ်ဆူစီၤယိၤအာ်ဒီးသုးခိၣ်သုးနၢ် အဂၤတဖၣ်ဒီးစံးဝဲ, “လဲၤတၢ်သကုၤကီၢ်အံၣ်စရ့လးဒီဘ့ၣ်စးထီၣ်လၢဝ့ၢ်ဘ့ၤၡဘၤ တုၤဆူဝ့ၢ်ဒၣ်ဒီးဂံၢ်ပှၤကညီအနီၣ်ဂံၢ်တက့ၢ်. ယသးအိၣ်သ့ၣ်ညါပှၤအိၣ်ထဲလဲၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:5

အဃိအဝဲသ့ၣ်ကွဲမုာ်ကယဲၢ်ပှၤအံၣ်စရ့လးဖိခဲလၢာ်, စးထီၣ်လၢဝ့ၢ်ဒၣ်လၢကလံၤစိးတုၤလၢဝ့ၢ်ဘ့ၢ်ၡဘၤလၢကလံၤထံး, ဒ်သိးကဟဲပာ်ဖှိၣ်သကိးအသးလၢဝ့ၢ်ယရူၤရှလ့ၣ်အပူၤ, အနီၣ်ဂံၢ်အါန့ၢ်ဒံးလၢအပူၤကွံာ်ဒီးမၤဘူၣ်လဲၤကပာ်ဒ်ယူဒၤ အတၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်စီၤဧ့စြၤ 3:1

တုၤလီၤလၢလါနွံလါတလါန့ၣ်, ကီၢ်အံၣ်စရ့လးအပှၤဂီၢ်မုၢ်ဆီ လီၤအတၢ်အိၣ်တၢ်ဆိးလၢအဝ့ၢ်ဒၣ်ဝဲတဖၣ်အပူၤဝံၤခဲလၢာ်လံ. အန့ၣ်ဒီးအိၣ်ဖှိၣ်ရိဖှိၣ်လၢဝ့ၢ်ယရူၤၡလ့ၣ်အပူၤ,

လံာ်စီၤနဃ့မယၤ 11:27

ဒီးလၢဝ့ၢ်ဃစၢ်ၡူဧလးဒီးလၢဝ့ၢ်ဘ့ၢ်ၡဘၤ, ဒီးသဝီအိၣ်ဝးတရံးအီၤတဖၣ်အပူၤန့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:40

မၤသးဒ်န့ၣ်ဒီး, စီၤမိၤၡ့ဟ့ၣ်လီၤကီၢ်ကံးလဧးဆူစီၤမၤကံၢ် အဒူၣ်ထၢအစုပူၤဒီးအဝဲသ့ၣ်အိၣ်ဆိးဝဲဖဲန့ၣ်လီၤ.

လံာ်စီၤယိၤၡူ 15:38

ဒံလၣ်, မံးစပၤ, ယိးကသ့လး,

လံာ်စီၤယိၤၡူ 17:1

ဝံၤဒီးတၢ်နီၤလီၤန့ၢ်ထံကီၢ်လၢမနၤၡ့ၤအဒူၣ်အဂီၢ်မ့ၢ်လၢအဝဲ မ့ၢ်စီၤယိၤသးအဖိဝဲၢ်ကိအဃိန့ၣ်လီၤ. လၢမနၤၡ့ၤအဖိဝဲၢ်ကိ စီၤမၤကံၢ်လၢအမ့ၢ်စီၤ ကံးလဧးအပၢ်အဂီၢ်တၢ်နီၤလီၤန့ၢ်အီၤကီၢ်ကံးလဧးဒီးကီၢ်ဘၤၡၣ်လၢအအိၣ်လၢထံကျိယၢ်ဒ့ၣ်အမုၢ်ထီၣ်, မ့ၢ်လၢအဝဲမ့ၢ်သုးဖိလၢအဒူတဂၤအဃိန့ၣ်လီၤ.

လံာ်စီၤယိၤၡူ 22:12

ဖဲပှၤအံၣ်စရ့လးဖိတဖၣ်နၢ်ဟူဘၣ်တၢ်အံၤဒီးပှၤဂီၢ်မုၢ်ခဲလၢာ်ဟဲ ဖှိၣ်အသးဖဲၡံလိၤလၢကဒုးတၢ်ဒီးပှၤအဒူၣ်တဖၣ်လၢမုၢ်ထီၣ်တခီန့ၣ်လီၤ.

လံာ်စီၤယိၤၡူ 22:9

အန့ၣ်ဒီး, ပှၤရူၤဘ့ၣ်ဖိတဖၣ်, ပှၤကးဖိတဖၣ်, ဒီးပှၤမနၤၡ့ၤ အဒူၣ်တဝာ်က့ၤက့ၤဆူအဟံၣ်ဒၣ်ဝဲန့ၣ်လီၤ. အဝဲသ့ၣ်ဟးဖးဒီး ပှၤအံၣ်စရ့လးဖိတဖၣ်လၢအအိၣ်လီၤတဲာ်တဖၣ် ဖဲၡံလိၤလၢကီၢ် ကနၤဧၣ်အပူၤဝံၤဒီးလဲၤထီၣ်ဆူအကီၢ်ဒၣ်ဝဲ, ကီၢ်ကံးလဧး, လၢအဝဲသ့ၣ်ဒိးန့ၢ်ဘၣ်ဝဲဒ်ယွၤမၤလိာ်တ့ၢ်အဝဲသ့ၣ်ခီဖျိစီၤမိၤၡ့အသိးန့ၣ်လီၤ.

လံာ်စီၤယိၤၡူ 4:13

ဒီးလၢယွၤအမဲာ်ညါန့ၣ်, ပှၤအဂၤလွံၢ်ကလးဃၣ်ဃၣ် ကတဲာ်ကတီၤအသးလၢကဒုးတၢ်အဂီၢ်ဒီးခီဂာ်ဝဲဆူတၢ်ပၢၤခိၣ် ဖဲဝ့ၢ်ယရံၤဃိအကပၤန့ၣ်လီၤ.

လံာ်ပှၤစံၣ်ညီၣ်ကွီၢ် 10:17

တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:11

မၤသးဒ်န့ၣ်ဒီး, စီၤယံးဖသၤလဲၤတၢ်ဒီးပှၤကံးလဧးဖိအခိၣ်အနၢ် တဖၣ်ဒီးပှၤဂီၢ်မုၢ်ဒုးကဲထီၣ်အီၤလၢပှၤပၢတၢ်ဒီးခိၣ်နၢ်လၢ အဝဲသ့ၣ်အဖီခိၣ်န့ၣ်လီၤ. ဒီးစီၤယံးဖသၤအၢၣ်လီၤအီလီၤတၢ်ဒီးဟံးထီၣ်မူဒါဖဲ ဝ့ၢ်မံးစပၤလၢယွၤအမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:29

ဒီးအဝဲသ့ၣ်လဲလိာ်က့ၤဝ့ၢ်န့ၣ်အမံၤလၢလ့ၡ့ၣ်ဆူဒၣ်, ပိာ်ထွဲထီၣ်အပၢ်ဖးဒိၣ်, စီၤယၤကိာ်အဖိခွါလၢအဝဲသ့ၣ်လီၤစၢၤဝဲအမံၤအခံန့ၣ်လီၤ.

လံာ်ပှၤစံၣ်ညီၣ်ကွီၢ် 20:11

ပှၤကိးဂၤဒဲးလၢအံၣ်စရ့လးအပူၤပာ်ဖှိၣ်ထီၣ်အသးလၢတၢ်တိာ် တမံၤဃီ, လၢအကဒုးဝ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:2

ဒီးအံၣ်စရ့လးအဒူၣ်ခဲလၢာ်အခိၣ်အနၢ်တဖၣ်အိၣ်ဖဲယွၤအပှၤဂီၢ် မုၢ်ပာ်ဖှိၣ်ထီၣ်အသးအလီၢ်န့ၣ်လီၤ. ဒီးပှၤသုးဖိလဲၤတၢ်လၢအခီၣ်အိၣ်ဝဲလွံၢ်ကလီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်ပှၤစံၣ်ညီၣ်ကွီၢ် 20:8

ဒီးပှၤဂီၢ်မုၢ်ခဲလၢာ်ဆၢထၢၣ်ဒီးစံး, “ပဝဲလၢအအိၣ်လၢဒဲ အပူၤမ့ၢ်ဂ့ၤ, ဟံၣ်အပူၤမ့ၢ်ဂ့ၤ, တက့ၤဘၣ်ဆူဟံၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 21:5

အဝဲသ့ၣ်သံကွၢ်ဝဲ, “မ့ၢ်ပှၤတဖုဖုလၢအံၣ်စရ့လးအဒူၣ်အကျါ လၢအတလဲၤဘၣ်ဆူတၢ်ပာ်ဖှိၣ်ထီၣ်အသးအလီၢ်လၢယွၤ အမဲာ်ညါဖဲမံးစပၤန့ၣ်အိၣ်ဧါ.” (အဝဲသ့ၣ်ဆိၣ်တၢ်လၢပှၤတဂၤလၢ်လၢ်လၢအတလဲၤဘၣ်ဆူမံးစပၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 10:17

စီၤၡမူၤအ့လးကိးပှၤဂီၢ်မုၢ်လၢကပာ်ဖှိၣ်ထီၣ်အသးလၢတၢ်ဘူၣ် တၢ်ဘါအတၢ်ရ့လိာ်မုာ်လိာ်တမံၤအဂီၢ်ဖဲဝ့ၢ်မံးစပၤ,

လံာ်စီၤၡမူၤအ့လးအခီၣ်ထံးတဘ့ၣ် 3:20

မၤသးဒ်န့ၣ်ဒီးကီၢ်အံၣ်စရ့လးအပှၤဂီၢ်မုၢ်စးထီၣ်လၢကီၢ်အဆၢ လၢအံၤတုၤကီၢ်အဆၢအဂၤတကပၤန့ၣ်သ့ၣ်ညါလၢစီၤၡမူအ့လးမ့ၢ် ယွၤအဝံနီၢ်နီၢ်တဂၤန့ၣ်လီၤ.