လံာ်ပှၤစံၣ်ညီၣ်ကွီၢ် 2:7 - Sgaw Karen Common Bible

⁷ ဖဲစီၤယိၤၡူအိၣ်မူဒံးဝဲအဆၢကတီၢ်န့ၣ်ကီၢ်အံၣ်စရ့လးအပှၤ ဂီၢ်မုၢ်မၤယွၤအတၢ်မၤ, ဒီးဖဲအဝဲသံဝံၤအလီၢ်ခံန့ၣ်, အဝဲသ့ၣ်မၤထွဲဒံးဝဲဒ်န့ၣ်ဖဲပှၤခိၣ်ပှၤနၢ်တဖၣ်လၢအထံၣ်ဘၣ် ကယဲၢ်တၢ်အဒိၣ်အမုၢ်တဖၣ်လၢယွၤမၤတ့ၢ်လၢကီၢ်အံၣ်စရ့လးအဂီၢ်, လၢအမဲာ်ဒၣ်ဝဲအိၣ်မူဝဲအခါန့ၣ်လီၤ.

လံာ်ပှၤစံၣ်ညီၣ်ကွီၢ် 2:7 Iomraidhean Croise

လံာ်စီၤပၤခံဘ့ၣ်တဘ့ၣ် 12:2

အဝဲမၤတၢ်ဘၣ်ယွၤအသးလၢအမုၢ်နံၤမုၢ်သီတဖၣ်ဖဲပှၤလုၢ်တၢ် အခိၣ်စီၤယဟိယဒါသိၣ်လိနဲၣ်ယူၤအီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:2

ဖဲပှၤလုၢ်တၢ်အခိၣ်စီၤယဟိယဒါအိၣ်မူဒံးဝဲအခါန့ၣ်စီၤယိၤ အၣ်မၤတ့ၢ်တၢ်လၢအဘၣ်ယွၤအသးန့ၣ်လီၤ.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

လံာ်စီၤယိၤၡူ 24:31

ဒီးပှၤအံၣ်စရ့လးဖိမၤယွၤအတၢ်လၢစီၤယိၤၡူအမုၢ်နံၤခဲလၢာ်, ဒီးလၢပှၤသူၣ်က့သးပှၢ်လၢအအိၣ်မူပျံကွံာ်စီၤယိၤၡူ ဒီးသ့ၣ်ညါတၢ်ခဲလၢာ်လၢယွၤမၤတ့ၢ်တၢ်လၢပှၤအံၣ်စရ့လးဖိအဂီၢ်တဖၣ်အမုၢ်နံၤခဲလၢာ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:17

ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.

လံာ်ပှၤစံၣ်ညီၣ်ကွီၢ် 2:6

ဒီးစီၤယိၤၡူပျၢ်အံၣ်စရ့လးအပှၤဂီၢ်မုၢ်လၢအကျဲဒၣ်ဝဲလဲၤ ဒ်သိးကဟံးန့ၢ်အတၢ်န့ၢ်သါဘၣ်ဃးဒီးဟီၣ်ခိၣ်ကဝီၤလၢတၢ်နီၤဖးန့ၢ်လၢအဂီၢ်စုာ်စုာ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:8

ဒီးယွၤအခ့အပှၤစီၤနိၣ်အဖိခွါစီၤယိၤၡူသံဝဲဖဲအသးအိၣ် အနံၣ်တကယၤတဆံန့ၣ်လီၤ.