လံာ်ပှၤစံၣ်ညီၣ်ကွီၢ် 2:3 - Sgaw Karen Common Bible

³ မၤသးဒ်န့ၣ်ဒီးယစံးဘၣ်သုခဲအံၤလၢယတဟီထီၣ်ကွံာ်ဘၣ်ပှၤ ကလုာ်တဖၣ်အံၤလၢသုမဲာ်ညါဘၣ်. အဝဲသ့ၣ်ကကဲထီၣ်သုဒုၣ် သုဒါန့ၣ်လီၤ. ဒီးတၢ်ဘူၣ်ထီၣ်ဘါထီၣ်အဝဲသ့ၣ် အကစၢ်တဖၣ်န့ၣ်ကကဲထီၣ်ပျံၤသကွီၤလၢသုဂီၢ်လီၤ.”

လံာ်ပှၤစံၣ်ညီၣ်ကွီၢ် 2:3 Iomraidhean Croise

စံးထီၣ်ပတြၢၤ 106:36

ကစၢ်ယွၤအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ် ဒီးတၢ်အံၤဒုးအိၣ်ထီၣ်အဝဲသ့ၣ် အတၢ်ဟးဂီၤန့ၣ်လီၤ.

လံာ်တၢ်ဟးထီၣ်ကွံာ် 23:33

ပျဲပှၤတဖၣ်န့ၣ်အိၣ်ဝဲဆိးဝဲလၢသုကီၢ်အပူၤတဂ့ၤ. သုမ့ၢ်ပျဲဒီး, အဝဲသ့ၣ်ကဒုးမၤသုတၢ်ဒဲးဘးထီဒါယၤန့ၣ် လီၤ. သုမ့ၢ်ဘါထီၣ်အကစၢ်တဖၣ်ဒီး, ကမ့ၢ်ဝဲတၢ်သံအပျံၤသကွီၤလၢသုဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 34:12

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်ဆူအထံအကီၢ်ပူၤန့ၣ်နီတမံၤတဂ့ၤ. အဂ့ၢ်ဒ်အံၤ, တၢ်န့ၣ်ကဲထီၣ်တၢ်သံအပျံၤသကွီၤလၢသုဂီၢ်သ့ဝဲဒၣ်လီၤ.

လံာ်တၢ်ဂံၢ် 33:55

ဘၣ်ဆၣ်ဒီးသုမ့ၢ်တနီၣ်ထီၣ်ကွံာ်ဘၣ်ပှၤအိၣ်ဆိးလၢကီၢ်န့ၣ်အပူၤ ဘၣ်ဒီးပှၤအိၣ်လီၤတဲာ်ဖဲန့ၣ်တဖၣ်ကမၤကိၢ်မၤဂီၤသုဒ်တၢ်ကမှံၤ တဖၣ်လၢသုမဲာ်ချံတဖၣ်အပူၤဒီးတၤဆှုၣ်တဖၣ်လၢသုကပၤတဖၣ်အသိး ဒီးအဝဲသ့ၣ်ကဒုးတၢ်ထီဒါသုန့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:21

မ့ၢ်လၢအဝဲသ့ၣ်တဒိကနၣ်ယကလုၢ်အဃိဒီးယတနီၣ်ထီၣ်ကွံာ်လၢၤဘၣ် ပှၤကလုာ်တဖၣ်လၢအအိၣ်လီၤတဲာ်ဒံးဝဲလၢကီၢ်ပူၤဖဲစီၤယိၤၡူသံအခါန့ၣ်ဘၣ်.

လံာ်ပှၤစံၣ်ညီၣ်ကွီၢ် 2:4

ဖဲယွၤအကလူးစံးတၢ်အံၤဝံၤဒီး, အံၣ်စရ့လးအပှၤဂီၢ်မုၢ်ခဲလၢာ်န့ၣ်ဟီၣ်ဝဲယၢၤဝဲ န့ၣ်လီၤ.

လံာ်ပှၤစံၣ်ညီၣ်ကွီၢ် 3:6

ဒီးအဝဲသ့ၣ်ထီၣ်ဖိန့ၢ်မါလိာ်အသးဒီးပှၤကလုာ်တဖၣ်န့ၣ်, ဒီးဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.