လံာ်ပှၤစံၣ်ညီၣ်ကွီၢ် 2:17 - Sgaw Karen Common Bible

¹⁷ ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.

လံာ်ပှၤစံၣ်ညီၣ်ကွီၢ် 2:17 Iomraidhean Croise

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

စံးထီၣ်ပတြၢၤ 106:43

ယွၤမၤပူၤဖျဲးအပှၤဂီၢ်မုၢ်အါဘျီဘၣ်ဆၣ်ဒီး အဝဲသ့ၣ်ဃုထၢပူထီၣ်ထီဒါအီၤ, ဒီးလီၤဘျၢယိာ်ထီၣ်လၢ တၢ်ဒဲးဘးအပူၤလီၤ.

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 17:7

အံၣ်စရ့လးအပှၤဂီၢ်မုၢ်တဘၣ်မ့ၢ်လၢၤပှၤလၢအတတီ ဒီးယွၤခီဖျိတၢ်မၤသံအဆၣ်ဖိကီၢ်ဖိတဖၣ်လၢတၢ်ပျီပူၤဒီး လုၢ်ထီၣ်အီၤဆူတၢ်နါတဖၣ်လၢအလီၤဂာ်ဒီးမဲာ်တဲးလဲးန့ၣ်လၢၤဘၣ်. အံၣ်စရ့လးအပှၤဂီၢ်မုၢ်ကဘၣ်ဒိကနၣ်မၤထွဲတၢ် သိၣ်တၢ်ဘျၢအံၤအစိၤစိၤအဃၣ်ဃၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

ကလၤတံ 1:6

ယကမၢကမၣ်လၢသုဃိလီၤ. လၢတစိၢ်ဖိအတီၢ်ပူၤသုညိကွံာ် ကစၢ်ယွၤလၢအကိးတ့ၢ်သုခီဖျိခရံာ်အဘျုးအဖှိၣ်, ဒီးတူၢ်လိာ်တၢ်သးခုကစီၣ်အဂၤတခါအဃိန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:18

ဒီးအန့ၣ်တစုယကဂ့ၢ်လိာ်လၢတၢ်မၤစၢၤအဝဲသ့ၣ်အဂီၢ်, မ့ၢ်လၢအဝဲသ့ၣ်မၤတ့ၢ်တၢ်အၢတၢ်သီဒီးဘူၣ်ထီၣ်ဘါထီၣ်ကစၢ်အဂၤ တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:16

ယထံၣ်ဘၣ်တ့ၢ်လၢသုလုၣ်သ့ၣ်ခါပတာ်ကွံာ်လံတၢ်မၤလိာ်လၢယွၤ, သုကစၢ်ယွၤဟ့ၣ်လီၤတ့ၢ်သု, ဒီးလၢသုမၤတၢ်ဒဲးဘးထီဒါအီၤ ခီဖျိတၢ်မၤထီၣ်တိၢ်, စ့ဒီးထးတၢ်ဂီၤတၢ်ဖီၣ်တခါလၢအက့ၢ်အဂီၤမ့ၢ်ကျီၢ်ဖါတဒု, လၢသုဂီၢ်န့ၣ်လီၤ.

လံာ်စီၤယိၤၡူ 24:24

အန့ၣ်ဒီး, ပှၤဂီၢ်မုၢ်စံးဘၣ်စီၤယိၤၡူ, “ပကမၤပကစၢ်အတၢ်, ဒီးပကဒိကနၣ်အကလုၢ်န့ၣ်လီၤ.”

လံာ်စီၤယိၤၡူ 24:31

ဒီးပှၤအံၣ်စရ့လးဖိမၤယွၤအတၢ်လၢစီၤယိၤၡူအမုၢ်နံၤခဲလၢာ်, ဒီးလၢပှၤသူၣ်က့သးပှၢ်လၢအအိၣ်မူပျံကွံာ်စီၤယိၤၡူ ဒီးသ့ၣ်ညါတၢ်ခဲလၢာ်လၢယွၤမၤတ့ၢ်တၢ်လၢပှၤအံၣ်စရ့လးဖိအဂီၢ်တဖၣ်အမုၢ်နံၤခဲလၢာ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:7

ဖဲစီၤယိၤၡူအိၣ်မူဒံးဝဲအဆၢကတီၢ်န့ၣ်ကီၢ်အံၣ်စရ့လးအပှၤ ဂီၢ်မုၢ်မၤယွၤအတၢ်မၤ, ဒီးဖဲအဝဲသံဝံၤအလီၢ်ခံန့ၣ်, အဝဲသ့ၣ်မၤထွဲဒံးဝဲဒ်န့ၣ်ဖဲပှၤခိၣ်ပှၤနၢ်တဖၣ်လၢအထံၣ်ဘၣ် ကယဲၢ်တၢ်အဒိၣ်အမုၢ်တဖၣ်လၢယွၤမၤတ့ၢ်လၢကီၢ်အံၣ်စရ့လးအဂီၢ်, လၢအမဲာ်ဒၣ်ဝဲအိၣ်မူဝဲအခါန့ၣ်လီၤ.

လံာ်ပှၤစံၣ်ညီၣ်ကွီၢ် 8:33

တုၤစီၤကံးဒဧိၣ်သံဝဲအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်တတီတလိၤလၢကစၢ်ယွၤအမဲာ်ညါဒီးဘူၣ်ထီၣ်ထါထီၣ်ဘဧၤလးတဖၣ်န့ၣ်ဒီး, ဒီးအဝဲသ့ၣ်မၤတၢ်အၢၣ်လီၤအီလီၤဒီးဘဧၤလးဒ်အဝဲသ့ၣ်အယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:12

ဘၣ်ဆၣ်ဒီးဖဲသုထံၣ်လၢပှၤဧၣ်မိၣ်အစီၤပၤစီၤနၤဃၣ်ဘူးတ့ၢ်က ဟဲဒုးသုန့ၣ်သုညိကွံာ်ယွၤဒ်သုစီၤပၤအသိးဒီးစံးဘၣ်ယၤ, (ပအဲၣ်ဒိးဘၣ်စီၤပၤတဂၤလၢကပၢပှၤလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 12:17

ခဲအံၤမ့ၢ်ဝဲတၢ်ယီၤခါအဆၢကတီၢ်, တမ့ၢ်ဘၣ်ဧါ. ဘၣ်ဆၣ်ဒီးယကဘါထုကဖၣ်တၢ်ဒီးယွၤကဆှၢလီၤလီ သီၣ်လီသဲဒီးတၢ်စူၤလီၤ. တုၤတၢ်အံၤမၤအသးဒီးသုကနၢ်ပၢၢ်လီၤတံၢ်လၢ သုမၤတ့ၢ်တၢ်ဒဲးဘးဖးဒိၣ်တမံၤထီဒါယွၤ ဖဲသုဃ့တ့ၢ်အီၤလၢစီၤပၤတဂၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”