လံာ်ပှၤစံၣ်ညီၣ်ကွီၢ် 2:16 - Sgaw Karen Common Bible

¹⁶ တုၤနုၤတစုယွၤဟ့ၣ်လီၤပှၤအံၣ်စရ့လးဖိတဖၣ်လၢခိၣ်နၢ်တဖၣ် လၢကအုၣ်က့ၤခီၣ်က့ၤအဝဲသ့ၣ်လၢပှၤဂုာ်ဆူၣ်ပျိဆူၣ်တၢ်တဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:11

ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

လံာ်စီၤနဃ့မယၤ 9:27

ဒီးလၢတၢ်န့ၣ်အဃိနပျဲအဝဲသ့ၣ်အဒုၣ်အဒါတဖၣ်မၤနၢၤအီၤဒီး ပၢဘၣ်အဝဲသ့ၣ်န့ၣ်လီၤ. လၢအဝဲသ့ၣ်အတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ကိးထီၣ်နၤလၢတၢ် မၤစၢၤအဂီၢ်, ဒီးနစံးဆၢအဝဲသ့ၣ်လၢမူခိၣ်န့ၣ်လီၤ. ဒီးလၢနတၢ်သးကညီၤဖးဒိၣ်အပူၤနဆှၢလီၤန့ၢ်အဝဲသ့ၣ်လၢခိၣ် နၢ်တဖၣ်လၢကအုၣ်က့ၤခီၣ်က့ၤအဝဲသ့ၣ်လၢအဒုၣ်အဒါတဖၣ်န့ၣ်လီၤ.

မၤတၢ် 13:20

တၢ်တဖၣ်အံၤခဲလၢာ်မၤအသးလၢအနံၣ်လွံၢ်ကယၤယဲၢ်ဆံ ဃၣ်ဃၣ်အတီၢ်ပူၤန့ၣ်လီၤ. အန့ၣ်ဝံၤ, အဝဲဒၣ်ဟ့ၣ်လီၤအဝဲသ့ၣ်လၢပှၤစံၣ်ညီၣ်ကွီၢ်တဖၣ် တုၤလီၤလၢဝံစီၤၡမူၤအ့လးကဲထီၣ်ပှၤခိၣ်ပှၤနၢ်အဆၢကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:1

ဖဲစီၤအဘံၤမ့လ့းသံဝံၤအလီၢ်ခံန့ၣ်, စီၤကိလၤလၢအမ့ၢ်စီၤဒိဒိၤအလံၤခွါ, စီၤပူအၤအဖိခွါအိၣ်ထီၣ်ဝဲလၢကမၤထူၣ်ဖျဲးထီၣ် အံၣ်စရ့လးန့ၣ်လီၤ. အဝဲဟဲလၢပှၤယံးစၣ်ကၢ်အဒူၣ်ဒီးအိၣ်ဆိးဝဲ လၢဝ့ၢ်ၡၤမံၣ်ဖဲအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 11:32

မၤသးဒ်န့ၣ်, ဒီးစီၤယံးဖသၤလဲၤခီဂာ်ထံကျိဒ်သိးအကဒုးပှၤဧၣ် မိၣ်ဖိတဖၣ်ဒီးယွၤဟ့ၣ်အီၤတၢ်မၤနၢၤလီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:31

ပှၤခိၣ်ပှၤနၢ်လၢခံတဂၤန့ၣ်မ့ၢ်ဝဲစီၤဧးနးအဖိခွါစီၤၡးမကၢ်န့ၣ်လီၤ. အဝဲစ့ၢ်ကီးမၤပူၤဖျဲးပှၤအံၣ်စရ့လးဖိခီဖျိအမၤသံပှၤ ဖလ့ၡသးဖိအဂၤဃုကယၤ လၢနီၣ်ဆဲးကျီၢ်တဘီန့ၣ်လီၤ.

လံာ်ပှၤစံၣ်ညီၣ်ကွီၢ် 4:5

အဝဲညီနုၢ်ဆ့ၣ်နီၤလၢသ့ၣ်စူၣ်ပလိၣ်တထံးအဖီလာ်ဖဲဝ့ၢ်ရၤမါ ဒီးဝ့ၢ်ဘ့ၤသ့လးအဘၢၣ်စၢၤလၢအ့ဖရဲၣ်ကစၢၢ်ကလိ, ဒီးအံၣ်စရ့လးအပှၤဂီၢ်မုၢ်ဘၣ်လဲၤဖဲန့ၣ် လၢအဝဲတၢ်စံၣ်ညီၣ်နီၤဖးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:14

တုၤနုၤတစု, ယွၤစံးဘၣ်အီၤ, “လဲၤထီၣ်ဒီးနဂံၢ်ဆူၣ်ဘါဆူၣ်ဖးဒိၣ်ခဲလၢာ်ဒီးအုၣ်က့ၤခီၣ်က့ၤပှၤအံၣ်စရ့လးဖိလၢ ပှၤမံးဒယၣ်ဖိတဖၣ်အစုပူၤတက့ၢ်. ယနီၢ်ကစၢ်ဒၣ်ယဲ, ယဆှၢလီၤနၤလီၤ”.

လံာ်နီၢ်ရူၤသး 1:1

မုၢ်နံၤမုၢ်သီလၢပှၤစံၣ်ညီၣ်ကွီၢ်တဖၣ်ပၢအံၣ်စရ့လးအကတီၢ် န့ၣ်, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢထံကီၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:48

အဝဲဒုးတၢ်ဒူဒူဃိၤဃိၤဒီးမၤနၢၤကွံာ်ဒၣ်လဲာ်ကီၢ်ဧမၤလ့း အပှၤဂီၢ်မုၢ်န့ၣ်လီၤ. အဝဲမၤပူၤမၤဖျဲးပှၤအံၣ်စရ့လးဖိတဖၣ်လၢကယဲၢ်တၢ်ဒုးတၢ်ယၤ ထီဒါတၢ်တဖၣ်အပူၤန့ၣ်လီၤ.