လံာ်ပှၤစံၣ်ညီၣ်ကွီၢ် 19:5 - Sgaw Karen Common Bible

⁵ လၢလွံၢ်သီတသီန့ၣ်, အဝဲသ့ၣ်ပၢၢ်ထီၣ်ဂီၤဂီၤဒီးကတဲာ်ကတီၤအသးလၢကဟးထီၣ်ဝဲဒၣ်လီၤ. ဘၣ်ဆၣ်ဒီးပိာ်မုၣ်ဖိအပၢ်န့ၣ် စံးဘၣ်ပှၤလ့ၤဝံဖိ, “အီၣ်ဆိတၢ်အီၣ်လၢညါဒ်သိးနကန့ၢ်ဂံၢ်န့ၢ်ဘါတက့ၢ်. ဝံၤဒီးနလဲၤတၢ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 19:5 Iomraidhean Croise

လံာ်တၢ်ကဲထီၣ်အခီၣ်ထံး 18:5

ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”

လံာ်စီၤပၤအခီၣ်ထံးတဘ့ၣ် 13:7

အန့ၣ်ဝံၤဒီးစီၤပၤစံးဘၣ်ဝံ, “ဟဲဃုာ်ဒီးယၤဆူယဟံၣ်ဒီး အီၣ်တၢ်တမံၤမံၤတက့ၢ်. ယကမၤဘျုးက့ၤနၤလၢတၢ်လၢနမၤတ့ၢ်အဃိန့ၣ်လီၤ.”

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

မၤတၢ် 9:19

ဒီးတုၤအအီၣ်တၢ်အီတၢ်ဝံၤဒီး, အဂံၢ်အဘါအိၣ်ထီၣ်က့ၤဝဲလီၤ. စီၤစီလူးအိၣ်ဝဲစှၤနံၤစှၤသီလၢအပျဲၢ်အဘီၣ်တဖၣ်အသိးလၢ ဝ့ၢ်ဒၤမ့ၤစ့းအပူၤလီၤ.

လံာ်ပှၤစံၣ်ညီၣ်ကွီၢ် 19:4

ပိာ်မုၣ်ဖိအပၢ်န့ၣ်ကွဲအီၤသပှၢ်ပှၢ်လၢကအိၣ်ဖဲန့ၣ်သတးဒီး အိၣ်ဝဲဒၣ်သၢသီန့ၣ်လီၤ. အဝဲသ့ၣ်အိၣ်သကိးတ့ၢ်ဒီးမံလၢမုၢ်နၤဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 19:8

ဒီးယဲၢ်သီတသီဂီၤဂီၤန့ၣ်အဝဲကတဲာ်ကတီၤထီၣ်အသးလၢကလဲၤတၢ်လီၤ. ဘၣ်ဆၣ်ဒီးပိာ်မုၣ်ဖိအပၢ်န့ၣ်စံးအီၤ, “အီၣ်တၢ်တမံၤမံၤဒီး ခိးတုၤမုၢ်ဃ့ၢ်လီၤတက့ၢ်.” ဒီးပှၤခံဂၤန့ၣ်အီၣ်သကိးတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:12

ဒီးချၢၣ်ဒၢသၣ်အဃ့တနီၤ, ဒီးစပံးသၣ်အခ့ခံကဒိၣ်န့ၣ်လီၤ. ဖဲအဝဲအီၣ်တၢ်ဝံၤန့ၣ်အဂံၢ်ဟဲက့ၤထီၣ်က့ၤဝဲလီၤ. အဝဲတအီၣ်တအီတ့ၢ်တၢ်သၢသီညါလီၤ.