လံာ်ပှၤစံၣ်ညီၣ်ကွီၢ် 19:23 - Sgaw Karen Common Bible

²³ ဘၣ်ဆၣ်ဒီးပှၤသးပှၢ်န့ၣ်လဲၤထီၣ်ဆူခိဒီးစံးဘၣ်အဝဲသ့ၣ်, “တံၤသကိးသ့ၣ်ဧၢ, ဝံသးစူၤတဘၣ်မၤတၢ်အၢတၢ်သီဒ်န့ၣ် တမံၤတဂ့ၤ. အဝဲအံၤမ့ၢ်ယပှၤတမှံၤလီၤ.

လံာ်ပှၤစံၣ်ညီၣ်ကွီၢ် 19:23 Iomraidhean Croise

လံာ်တၢ်ကဲထီၣ်အခီၣ်ထံး 19:8

ကွၢ်, ယအိၣ်ဒီးယဖိမုၣ်ခံဂၤလၢအအိၣ်ဒံးဒၣ်မုၢ်ကနီၤဆှံဆှံ လီၤ. ပျဲယဟဲစိာ်ထီၣ်န့ၢ်အီၤဆူသုအိၣ်ဒီးသုမၤအဝဲသ့ၣ်ဖဲတၢ် မိၣ်မၤသုသးသ့ဝဲလီၤ. မ့မ့ၢ်ပှၤတဖၣ်အံၤမၤအီၤလၢတၢ်နီတမံၤတဂ့ၤ. အဝဲသ့ၣ်မ့ၢ်ဒၣ်ပှၤတမှံၤလၢယဟံၣ်ပူၤဒီးယကဘၣ်ဒီဒၣ်အိၣ်ပှိၤ အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 34:7

ဖဲစီၤယၤကိာ်အဖိခွါတဖၣ်ဟဲက့ၤတုၤဝဲလၢပျီပူၤန့ၣ်လီၤ. တုၤအဝဲသ့ၣ်နၢ်ဟူတၢ်ဂ့ၢ်န့ၣ်ဒီးအဝဲသ့ၣ်အသးဘၣ်ဒိဘၣ်ထံး ဒီးအတၢ်သးဒိၣ်ကဲၤထီၣ်ဝဲလၢစီၤၡက့ၣ်မၤတ့ၢ်လံတၢ်တမံၤလၢ အမၤဘၣ်ဒုၣ်ဒွဲၣ်တ့ၢ်အံၣ်စရ့လးအပှၤဂီၢ်မုၢ်ခီဖျိမၤဆူၣ်မၤ စိးစီၤယၤကိာ်အဖိမုၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:12

နီၢ်တၤမၢ်စံးဝဲဒၣ်, “တသ့ဘၣ်. မၤဆူၣ်မၤနၢၤယၤဒ်သိးယကမၤ တၢ်လီၤရၢၢ်လီၤစၢၢ်တမံၤန့ၣ်တဂ့ၤ. တၢ်န့ၣ်မ့ၢ်တၢ်ဒဲးဘးလၢအလီၤပျံၤဒိၣ်မးလီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 20:6

ဒီးယဟံးန့ၢ်ပိာ်မုၣ်အစိၣ်န့ၣ်ဒီးဒီၣ်တဲာ်အီၤတကူာ်တကူာ်ဒီး ဆှၢလီၤဆူအံၣ်စရ့လးအဒူၣ်တဖၣ်တကူာ်စုာ်စုာ်န့ၣ်လီၤ. ပှၤတဖုအံၤမၤတ့ၢ်တၢ်အၢတၢ်သီဒီးတၢ်ဒဲးဘးလၢပကျါလီၤ.