လံာ်ပှၤစံၣ်ညီၣ်ကွီၢ် 19:21 - Sgaw Karen Common Bible

²¹ ဒီးအဝဲက့ၤကိးအဝဲသ့ၣ်ဆူအဟံၣ် ဒီးဒုးအီၣ်အကသ့ၣ်ယီၤတဖၣ်အဆၣ်လီၤ. အပှၤတမှံၤတဖၣ်သ့အခီၣ်ဒီးအီၣ်တၢ်အီတၢ်လီၤ.

လံာ်ပှၤစံၣ်ညီၣ်ကွီၢ် 19:21 Iomraidhean Croise

လံာ်တၢ်ကဲထီၣ်အခီၣ်ထံး 18:4

ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 43:24

တၢ်ခ့တၢ်ပှၤန့ၣ်လဲၤကိးပှၤဒီပုၢ်ဝဲၢ်ခွါတဖၣ်ဆူဟံၣ်ပူၤန့ၣ် လီၤ. ဒီးဟ့ၣ်အဝဲသ့ၣ်လၢထံဒ်သိးကသ့အခီၣ်ဒီးဒုးအီၣ်အဝဲသ့ၣ် အကသ့ၣ်ယီၤတဖၣ်အဆၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:8

အန့ၣ်ဝံၤဒီး, အဝဲစံးဘၣ်စီၤအူၤရံယၤ, က့ၤဆူနဟံၣ်ဒီးအိၣ်ဘှံးတစိၢ်တလီၢ်တက့ၢ်. စီၤအူၤရံယၤဟးထီၣ်ဝဲ ဒီးစီၤဒၤဝံးဆှၢလီၤတၢ်ဟ့ၣ်တမံၤဆူအဟံၣ်န့ၣ်လီၤ.

လံာ်လူၤကၣ် 7:44

တုၤနုၤတစုယ့ၣ်ၡူးဃၣ်ဃီၤအသးဆူပိာ်မုၣ်အအိၣ်ဒီးစံးဘၣ်စီၤၡံမိၣ်, “နထံၣ်ပိာ်မုၣ်တဂၤအံၤကစီဒီဧါ. ယဟဲနုာ်ဆူနဟံၣ်ပူၤဒီး နတဟ့ၣ်ယၤထံလၢယခီၣ်အဂီၢ်နီတစဲးဘၣ်. မ့မ့ၢ်အဝဲဒၣ်သ့ကွံာ်ယခီၣ်လၢအမဲာ်ထံ, ဒီးတြူာ်သူထီၣ်က့ၤဝဲလၢအခိၣ်သူလီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:41

နီၢ်အဘံၤကါယံးလးဆုးလီၤအခိၣ်ဆူဟီၣ်ခိၣ်ဒီးစံးဝဲ, “ယမ့ၢ်အခ့အပှၤလီၤ. ယအိၣ်ကတဲာ်ကတီၤယသးဒ်သိးယကသ့ အခ့အပှၤတဖၣ်အခီၣ်အဂီၢ်လီၤ.”