လံာ်ပှၤစံၣ်ညီၣ်ကွီၢ် 19:2 - Sgaw Karen Common Bible

² ဒီးပိာ်မုၣ်န့ၣ်သးဒိၣ်အီၤဒီးက့ၤကဒါက့ၤဆူအပၢ်အဟံၣ်အိၣ် လၢဝ့ၢ်ဘ့ၤသလ့ဃ့ၣ်ဒီးအိၣ်ဝဲဖဲန့ၣ်လွံၢ်လါလီၤ.

လံာ်ပှၤစံၣ်ညီၣ်ကွီၢ် 19:2 Iomraidhean Croise

လံာ်ယဃ့းစက့လး 16:28

မ့ၢ်လၢပှၤဂၤတဖၣ်တမၤသးမံဒံးနၤဘၣ်အဃိ, နဃ့ၢ်လူၤပိာ်ထွဲ ပှၤအၤၡူၢ်ဖိတဖၣ်အခံန့ၣ်လီၤ. နမ့ၢ်တ့ၢ်အဝဲသ့ၣ်အပှၤဃဲသဲ မုၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.

လံာ်တၢ်ဘူၣ်ထီၣ်ဘါထီၣ် 21:9

ဒီးပှၤလုၢ်တၢ်အခိၣ်တဂၤအဖိမုၣ်မ့ၢ်ကဲထီၣ်ဃဲသဲမုၣ်န့ၣ်ဒီးမ့ၢ်အ မၤမဲာ်ဆှးအပၢ်လီၤ. ဒီးကဘၣ်တၢ်ဆိၣ်ထီၣ်ကွံာ်အီၤလၢမ့ၣ်အူန့ၣ်လီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 17:7

ဒီးလၢတကတီၢ်ဃီန့ၣ်ပှၤလ့ၤဝံသးစၢ်အိၣ်ဝဲတဂၤ လၢဝ့ၢ်ဘ့ၤသလ့ဃ့ၣ်ကီၢ်ယူဒၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 19:3

တုၤနုၤတစု, ပှၤတဂၤန့ၣ်ပာ်လီၤအသးလၢကလဲၤလူၤက့ၤအီၤဒီး ကျဲးစၢးကွဲက့ၤအီၤလၢအကဟဲက့ၤကဒါက့ၤဆူအအိၣ်လီၤ. အဝဲလဲၤတၢ်ဒီးအခ့အပှၤတဂၤဒီးကသ့ၣ်ယီၤခံဒုန့ၣ်လီၤ. ဒီးပိာ်မုၣ်န့ၣ်ဆှၢပှၤလ့ၤဝံဖိန့ၣ်ဆူအဟံၣ်ပူၤဒီးဖဲအပၢ် ထံၣ်အီၤန့ၣ်တူၢ်လိာ်မုာ်အီၤလီၤ.