လံာ်ပှၤစံၣ်ညီၣ်ကွီၢ် 19:18 - Sgaw Karen Common Bible

¹⁸ ပှၤလ့ၤဝံဖိစံးဆၢဝဲ, “ပလဲၤတ့ၢ်လၢဝ့ၢ်ဘ့ၤသလ့ဃ့ၢ်ကီၢ်ယူဒၤ ဒီးခဲအံၤပကက့ၤဆူပဟံၣ်အိၣ်လၢအ့ဖရဲၣ်အကစၢၢ်ကလိအပူၤန့ၣ်လီၤ. ပှၤကတူၢ်လိာ်ပှၤလၢမုၢ်တနၤအံၤအဂီၢ်တအိၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 19:18 Iomraidhean Croise

စံးထီၣ်ပတြၢၤ 26:9

တဘၣ်မၤဟးဂီၤယၤဃုာ်ဒီးပှၤတၢ်ဒဲးဘးဖိသ့ၣ်တဖၣ်, ဒီးယသးသမူဃုာ်ဒီးပှၤမၤသံတၢ်သ့ၣ်တဖၣ်,

တၢ်ကတိၤဒိ. 25:17

လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်ပှၤစံၣ်ညီၣ်ကွီၢ် 17:7

ဒီးလၢတကတီၢ်ဃီန့ၣ်ပှၤလ့ၤဝံသးစၢ်အိၣ်ဝဲတဂၤ လၢဝ့ၢ်ဘ့ၤသလ့ဃ့ၣ်ကီၢ်ယူဒၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:31

ဒီးစီၤမံၤကါအတၢ်ဂီၤစိးပျၤအသးအိၣ်ဝဲဖဲန့ၣ်ယံာ်ထဲသိးဒီးဒဲစီဆှံ အိၣ်ဖဲဝ့ၢ်ၡံလိၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:17

ဒီးပှၤသးပှၢ်န့ၣ်ပာ်သူၣ်ပာ်သးလၢပှၤလဲၤတၢ်ဖိအိၣ်လၢဝ့ၢ် အကျဲစၢၤန့ၣ်ဒီးသံကွၢ်အီၤ, “သုဟဲဖဲလဲၣ်ခီလဲၣ်. သုကလဲၤဆူလဲၣ်.”

လံာ်ပှၤစံၣ်ညီၣ်ကွီၢ် 19:19

တၢ်အီၣ်တၢ်အီဒီးဘုလီၢ်အိၣ်လၢပကသ့ၣ်ယီၤတဖၣ်အဂီၢ်, ကိၣ်ဒီးစပံးထံအိၣ်လၢယၤ, ယသံၣ်မါဒီးယကုၢ်အဂီၢ်န့ၣ်လီၤ. ပအိၣ်ဒီးတၢ်ကိးမံၤဒဲးလၢပလိၣ်ဘၣ်အီၤလီၤ.”

လံာ်ပှၤစံၣ်ညီၣ်ကွီၢ် 19:5

လၢလွံၢ်သီတသီန့ၣ်, အဝဲသ့ၣ်ပၢၢ်ထီၣ်ဂီၤဂီၤဒီးကတဲာ်ကတီၤအသးလၢကဟးထီၣ်ဝဲဒၣ်လီၤ. ဘၣ်ဆၣ်ဒီးပိာ်မုၣ်ဖိအပၢ်န့ၣ် စံးဘၣ်ပှၤလ့ၤဝံဖိ, “အီၣ်ဆိတၢ်အီၣ်လၢညါဒ်သိးနကန့ၢ်ဂံၢ်န့ၢ်ဘါတက့ၢ်. ဝံၤဒီးနလဲၤတၢ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:3

ကိးနံၣ်ဒဲးန့ၣ်စီၤအ့ကါနၤလဲၤလၢဝ့ၢ်ရၤမါဆူဝ့ၢ်ၡံလိၤ ဒ်သိးအကဘူၣ်တၢ်ဘါတၢ်ဒီးမၤဘူၣ်တၢ်လုၢ်တၢ်ပာ်တဖၣ်ဆူ ယွၤသ့တၢ်လၢာ်အအိၣ်န့ၣ်လီၤ. ဖဲန့ၣ်စီၤဧ့လံၤအဖိခွါစီၤဃၤဖနံၤဒီးစီၤဖံနဃၤခံဂၤ န့ၣ်မ့ၢ်ဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:7

တၢ်မၤအသးဒ်သိးအံၤတနံၣ်ဝံၤတနံၣ်, ဒီးဖဲအဝဲသ့ၣ်လဲၤဆူ ယွၤအဟံၣ်တဘျီလၢ်လၢ်န့ၣ်နီၢ်ပနံးနၤမၤဖှီၣ်အသးနးမးတုၤ အဝဲဟီၣ်ဒီးဂ့ၢ်လိာ်တၢ်အီၣ်တၢ်အီတမံၤလၢ်လၢ်န့ၣ်လီၤ.