လံာ်ပှၤစံၣ်ညီၣ်ကွီၢ် 19:16 - Sgaw Karen Common Bible

¹⁶ ဖဲအဝဲသ့ၣ်အိၣ်ဖဲန့ၣ်အဖၢမုၢ်ပှၤသးပှၢ်လၢအမၤတၢ်လၢစံာ်ပျီပူၤတဂၤဟဲက့ၤဖဲမုၢ်ဟါလီၤအကတီၢ်န့ၣ်လီၤ. အဝဲအထံးအခံမ့ၢ်ဝဲလၢအ့ဖရဲၣ်အကစၢၢ်ကလိဘၣ်ဆၣ်ဒီးခဲအံၤ အိၣ်ဝဲဖဲဝ့ၢ်ကံဘဧၤန့ၣ်လီၤ. (ပှၤအဂၤတဖၣ်လၢတၢ်လီၢ်ဖဲန့ၣ်မ့ၢ်ပှၤဘံၣ်ယၤမံၣ်ဖိန့ၣ်လီၤ.)

လံာ်ပှၤစံၣ်ညီၣ်ကွီၢ် 19:16 Iomraidhean Croise

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

စံးထီၣ်ပတြၢၤ 104:23

ပှၤကညီဟးထီၣ်ဆူအတၢ်မၤအလီၢ် ဒီးမၤတၢ်တုၤလၢ မုၢ်ဟါလီၤတစုန့ၣ်လီၤ.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

တၢ်ကတိၤဒိ. 13:11

တၢ်ထူးတၢ်တီၤလၢနမၤန့ၢ်အီၤညီညီန့ၣ်, ကလီၤမၢ်ကွံာ်န့ၢ်နၤချ့ သဒံးလီၤ. မ့မ့ၢ်နမၤန့ၢ်အီၤဒံးကီဒံးခဲဒီး, နတၢ်ကအိၣ်ဒံးအါန့ၣ်လီၤ.

တၢ်ကတိၤဒိ. 14:23

မၤတၢ်တက့ၢ်. ဒီးနကလုၢ်အီၣ်နသးသမူလီၤ. နမ့ၢ်ဆ့ၣ်နီၤကတိၤထဲတၢ်ဒီးနကဖှီၣ်ကယာ်လီၤ.

တၢ်ကတိၤဒိ. 24:27

တချုးလၢနစံာ်ပျီတဖၣ်အိၣ်ကတဲာ်ကတီၤအသးဒီးနသ့ၣ်ညါလီၤတံၢ် လၢနတၢ်အိၣ်လၢအိၣ်လီၣ်ဒံးဘၣ်န့ၣ်, သူၣ်ထီၣ်နဟံၣ်ဒီးဒုးအိၣ်ထီၣ်နဟံၣ်ဖိဃီဖိတဂ့ၤ.

လံာ်ပှၤစံၣ်တဲၤတဲလီၤတၢ် 1:13

ယပာ်လီၤယသးလၢယကသမံသမိးဒီးမၤလိတၢ်ခဲလၢာ်လၢအဘၣ်တၢ်မၤ တ့ၢ်အီၤလၢဟီၣ်ခိၣ်ချၢအံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:12

ပှၤလၢအမၤတၢ်တဂၤန့ၣ်, တၢ်အီၣ်ကအိၣ်ဒီးအီၤလၢလၢပှဲၤပှဲၤ, မ့တမ့ၢ်တအိၣ်ဒီးအီၤသ့ၣ်သ့ၣ်လီၤ. ဘၣ်ဆၣ်, အစှၤကတၢၢ်န့ၣ်, အဝဲကမံဘၣ်ဝဲမုာ်မုာ်န့ၣ်လီၤ. မ့မ့ၢ်, ပှၤအထူးအတီၤတဂၤန့ၣ်အတၢ်အိၣ်အါတုၤဒၣ်လဲာ်ဘၣ်ကိၢ်ဘၣ် ဂီၤဒီးမံဝဲတန့ၢ်ဘၣ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၂ သ့းစၤလနံ 3:10

ဖဲပအိၣ်ဒီးသုအဆၢကတီၢ်န့ၣ် ပညီနုၢ်မၤလိာ်သုဒီးစံး, “ပှၤလၢအတမၤဘၣ်တၢ်န့ၣ်မ်အသုတအီၣ်တၢ်တဂ့ၤ” န့ၣ်လီၤ.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 19:14

ဒီးအဝဲသ့ၣ်လဲၤပူၤကွံာ်ဝ့ၢ်ယဘူၣ်ဒီးလဲၤဆူညါလီၤ. ဖဲအဝဲသ့ၣ်တုၤဃီၤလၢဝ့ၢ်ကံဘဧၤအိၣ်လၢပှၤဘံၣ်ယၤမံၣ်ဖိ အကီၢ်ပူၤန့ၣ်မုၢ်လီၤနုာ်လံန့ၣ်လီၤ.

လံာ်ပှၤစံၣ်ညီၣ်ကွီၢ် 19:15

ဒီးအဝဲသ့ၣ်ဃၣ်ကွံာ်အသးလၢကျဲမုၢ်ခိၣ်ဒ်သိး အကမံဝဲဖဲန့ၣ်လီၤ. အဝဲသ့ၣ်လဲၤနုာ်ဆူဝ့ၢ်ပူၤဒီးဆ့ၣ်နီၤလၢဝ့ၢ်အကျဲစၢၤန့ၣ်လီၤ. ဘၣ်ဆၣ်ဒီးပှၤလၢအကတူၢ်လိာ်အဝဲသ့ၣ်ဆူအဟံၣ်လၢမုၢ်တနၤန့ၣ် တအိၣ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 19:17

ဒီးပှၤသးပှၢ်န့ၣ်ပာ်သူၣ်ပာ်သးလၢပှၤလဲၤတၢ်ဖိအိၣ်လၢဝ့ၢ် အကျဲစၢၤန့ၣ်ဒီးသံကွၢ်အီၤ, “သုဟဲဖဲလဲၣ်ခီလဲၣ်. သုကလဲၤဆူလဲၣ်.”