လံာ်ပှၤစံၣ်ညီၣ်ကွီၢ် 19:12 - Sgaw Karen Common Bible

¹² ဘၣ်ဆၣ်ဒီးအကစၢ်စံးဘၣ်အီၤ, “ဝ့ၢ်တဝ့ၢ်လၢတမ့ၢ်ပှၤအံၣ်စရ့လး ဖိအဝ့ၢ်န့ၣ်ပတအိၣ်ကတီၢ်ဘၣ်.

လံာ်ပှၤစံၣ်ညီၣ်ကွီၢ် 19:12 Iomraidhean Croise

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်စီၤယိၤၡူ 18:25

အိၣ်စ့ၢ်ကီးဒီးဝ့ၢ်ကံးဘိၣ်, ရၤမါ, ဘအ့ရိး, မံးစပၤ, ကဖံရၤ, မိစၤ,

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 19:11

ဖဲအဝဲသ့ၣ်တုၤလၢဝ့ၢ်ယဘူၣ် (ဒ်ပစံးတၢ်အသိး, ဝ့ၢ်ယရူၤၡလ့ၣ်) န့ၣ်တၢ်လီၤကညီၣ်လံန့ၣ်လီၤ. ဒီးအခ့အပှၤန့ၣ်စံးဘၣ်အကစၢ်, “တကြၢးလၢပအိၣ်ကတီၢ်ဒီးမံဖဲအံၤလၢပှၤယဘူၣ်ဖိအဝ့ၢ်ဘၣ်ဧါ.”

လံာ်ပှၤစံၣ်ညီၣ်ကွီၢ် 19:13

ပကလဲၤပူၤအီၤဒီးလဲၤယံၤထီၣ်တစဲးဒီးမံဖဲဝ့ၢ်ကံဘဧၤ မ့တမ့ၢ်ဝ့ၢ်ရၤမါန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:26

စီၤစီလူးစ့ၢ်ကီးက့ၤဆူအဟံၣ်လၢဝ့ၢ်ကံးဘဧၤအပူၤလီၤ. ပှၤပိာ်ခွါတနီၤလၢအဂံၢ်ဆူၣ်ဘါဆူၣ်လၢကစၢ်ယွၤထိးဘၣ်အသးန့ၣ် က့ၤဃုာ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:2

စီၤစီလူးဃုထၢထီၣ်ပှၤပိာ်ခွါအဂၤသၢကထိဒီးပာ်ဝဲပှၤအဂၤခံကထိဃုာ်ဒီးအီၤ ဖဲဝ့ၢ်မံးကမၣ်ဒီးလၢကစၢၢ်ကလိအဝ့ၢ်ဘ့ၤသ့လးအပူၤလီၤ. ပှၤတကထိန့ၣ်ဆှၢဝဲဆူဝ့ၢ်ကံးဘဧးအိၣ်လၢပှၤဘံၣ်ယၤမံၣ်အဒူၣ်အကီၢ်ပူၤလီၤ. ပှၤအဂၤအိၣ်လီၤတဲာ်တဖၣ်န့ၣ်စီၤစီလူးဆှၢက့ၤဆူအဟံၣ်လီၤ.