လံာ်ပှၤစံၣ်ညီၣ်ကွီၢ် 19:10 - Sgaw Karen Common Bible

¹⁰ ဘၣ်ဆၣ်ဒီးပှၤတဂၤန့ၣ်တအဲၣ်ဒိးအိၣ်လၢၤသီတနၤဘၣ်အဃိ အဝဲဒီးအသံၣ်မါဒီးအခ့အပှၤစးထီၣ်လဲၤတၢ်ဃုာ်ဒီးကသ့ၣ်ယီၤ ခံဒုလၢအအိၣ်ဒီးဂီၤကၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:6

အဆၢကတီၢ်တုၤဃီၤဝဲလၢစီၤပၤဒၤဝံးဒီးအပှၤတဖၣ်ကလဲၤထီၣ် ဒုးဝ့ၢ်ယရူၤၡလ့ၣ်လီၤ. ပှၤယဘူၣ်ဖိတဖၣ်လၢအအိၣ်ဖဲန့ၣ်ဆိကမိၣ်ဝဲလၢစီၤဒၤဝံး မၤနၢၤဝ့ၢ်အံၤတမ့ၢ်ကသ့ဘၣ်အဃိ, အဝဲသ့ၣ်စံးဘၣ်အီၤ, “နဟဲနုာ်ဖဲအံၤတန့ၢ်နီတစုဘၣ်. ပှၤမဲာ်ဘျီၣ်တဖၣ်ဒီးပှၤခီၣ်ဟးဂီၤတဖၣ်ဒၣ်လဲာ်, တြီဆၢကွံာ်နၤသ့ဝဲလီၤ.”

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 15:8

ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 1:8

ဒီးယူဒၤအပှၤပိာ်ခွါတဖၣ်ဒုးဝ့ၢ်ယရူၤၡလ့ၣ်ဒီးမၤန့ၢ်အီၤ လီၤ. ဒီးအဝဲသ့ၣ်မၤသံကွံာ်ပှၤဂီၢ်မုၢ်အိၣ်လၢဝ့ၢ်ပူၤတဖၣ်ဒီး ဒွဲၣ်ထီၣ်ဝ့ၢ်လၢမ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 19:9

ဖဲပှၤတဂၤန့ၣ်, ဒီးအသံၣ်မါဒီးအခ့အပှၤကဟးထီၣ်အဆၢန့ၣ်ပိာ် မုၣ်ဖိအပၢ်စံးအီၤ, “ကွၢ်ကွၢ်, ဘူးမုၢ်ကဟါလံ. နကြၢးအိၣ်ကဒီးအသီတနၤလီၤ. တၢ်ကခံးလီၤလီၤ. အိၣ်ဖဲအံၤဒီးမၤမုာ်နသးတက့ၢ်. ခဲမုၢ်ဆ့ၣ်နဂဲၤထၢၣ်ဂီၤဂီၤဒီးက့ၤဆူဟံၣ်သ့ဝဲလီၤ.”