လံာ်ပှၤစံၣ်ညီၣ်ကွီၢ် 18:8 - Sgaw Karen Common Bible

⁸ ဖဲပှၤယဲၢ်ဂၤက့ၤကဒါက့ၤဆူဝ့ၢ်စိရးဒီးအ့ၤၡတိလးန့ၣ်အပှၤ ကလုာ်ဒၣ်ဝဲသံကွၢ်အီၤမ့ၢ်အထံၣ်န့ၢ်တၢ်မနုၤတဖၣ်လဲၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:8 Iomraidhean Croise

လံာ်စီၤယိၤၡူ 15:33

ဒီးဝ့ၢ်လၢကစၢၢ်ဂံၢ်ထံးတဖၣ်တခီမ့ၢ်ဝဲအ့ၤၡတိလး, စိးရဧၤ, အါၡနၤ, စါနိ, ဧ့ၣ်ကနၣ်, တးပူၤ, ဧ့ၤနၣ်,

လံာ်ပှၤစံၣ်ညီၣ်ကွီၢ် 13:2

အကတီၢ်ဖဲန့ၣ်ပှၤအိၣ်ဝဲတဂၤအမံၤလၢစီၤမၤနိလီၤ. အဝဲဒၣ်အိၣ်လၢဝ့ၢ်စိးရၤလီၤ. အဝဲဒၣ်မ့ၢ်ဝဲစီၤဒၣ်အဒူၣ်ဖိထၢဖိအကျါတဂၤလီၤ. အဝဲအမါန့ၣ်အိၣ်ဒံၣ်အိၣ်ဖိတန့ၢ်ဝဲနီတစုဘၣ်.

လံာ်ပှၤစံၣ်ညီၣ်ကွီၢ် 16:31

ဒီးအဒီပုၢ်ဝဲၢ်ခွါတဖၣ်ဒီးအဒူၣ်ဖိထၢဖိအဂၤတဖၣ်ဟဲဟံးန့ၢ်က့ၤအစိၣ်လီၤ. အဝဲသ့ၣ်က့ၤစိာ်အီၤဒီးခူၣ်လီၤအီၤလၢဝ့ၢ်စိးရၤဒီးအ့ၤ ၡကိလးအဘၢၣ်စၢၤလၢအပၢ်စီၤမၤနိအသွၣ်ခိၣ်လီၤ. အဝဲကဲတ့ၢ်ပှၤအံၣ်စရ့လးဖိအခိၣ်အနံၣ်ခံဆံန့ၣ်လီၤ.

လံာ်ပှၤစံၣ်ညီၣ်ကွီၢ် 18:11

မၤသးဒ်န့ၣ်ဒီး, ပှၤအဂၤဃုကယၤလၢဒၣ်အဒူၣ်ဟးထီၣ်လၢဝ့ၢ်စိးရၤ ဒီးအ့ၤၡတိလးဒီးအိၣ်ကတဲာ်ကတီၤအသးလၢတၢ်ဒုးတၢ်ယၤအဂီၢ်လီၤ.

လံာ်ပှၤစံၣ်ညီၣ်ကွီၢ် 18:2

မၤသးဒ်န့ၣ်ဒီး, ပှၤဒၣ်ဖိတဖၣ်ဃုထၢထီၣ်ပှၤအကြၢးအဘၣ်ယဲၢ်ဂၤ လၢဟံၣ်ဒူၣ်ဃီထၢတဖၣ်လၢဒၣ်အဒူၣ်အကျါဒီးဆှၢလီၤအီၤလၢ ဝ့ၢ်စိးရၤဒီးအ့ၤၡတိလး ဒီးမၤလိာ်အီၤလၢကဃုထံၣ်န့ၢ်တၢ်လီၢ်တတီၤန့ၣ်လီၤ. အဝဲသ့ၣ်တုၤဃီၤလၢအ့ဖရဲၣ်အကစၢၢ်ကလိဖဲစီၤမံၤကါအဟံၣ်လီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 18:9

ဒီးအဝဲသ့ၣ်စံးဆၢ, “မ်ပလဲၤဒုးသကိးဝ့ၢ်လ့ၡ့ၣ်တက့ၢ်. ပထံၣ်ကီၢ်န့ၣ်ဂ့ၤဝဲဒိၣ်မးလီၤ. သုတမၤတၢ်နီတမံၤဒီးအိၣ်ဖဲအံၤတဂ့ၤ. မၤချ့ချ့ဒီးလဲၤနုာ်မၤန့ၢ်အီၤတက့ၢ်.