လံာ်ပှၤစံၣ်ညီၣ်ကွီၢ် 18:7 - Sgaw Karen Common Bible

⁷ မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 18:7 Iomraidhean Croise

လံာ်စီၤပၤအခီၣ်ထံးတဘ့ၣ် 1:6

စီၤဒၤဝံးတသိၣ်က့ၤသီက့ၤဘၣ်အီၤဆါဆါကလဲာ်လၢကယဲၢ်တၢ်ဂ့ၢ် တမံၤလၢ်လၢ်အဃိနီတစုဘၣ်. အဝဲမ့ၢ်ပှၤတဂၤလၢအက့ၢ်ဂီၤဂ့ၤဘၣ်ဒိၣ်မး, ဒီးအိၣ်ဖျဲၣ်ဝဲလၢစီၤအးဘၡါလိၣ်အလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:40

ဖဲန့ၣ်, အဝဲသ့ၣ်ထံၣ်န့ၢ်တၢ်လီၢ်ဖးလဲၢ်လၢဂ့ၤဝဲ, ဒီးမ့ၢ်တၢ်လီၢ်လီၤပျီဖးဒိၣ်တတီၤလၢအဘှ့ၣ်အဘှီၣ်ဒီးမုာ်ခုၣ်န့ၣ်လီၤ. ပှၤဂီၢ်မုၢ်လၢအအိၣ်ဆိးတ့ၢ်လၢညါဖဲန့ၣ်မ့ၢ်ပှၤဃၣ်ဖိတဖၣ်လီၤ.

လံာ်ယံးရမံယၤ 49:31

ဟဲဃီၤ, ပကလဲၤထီၣ်ဒုးပှၤဂီၢ်မုၢ်တဖၣ်လၢ အဆိကမိၣ် လီၤအသးလၢ အပူၤဖျဲးဒီးအိၣ်ဂၢၢ်ဆိးကျၢၤလံန့ၣ်တက့ၢ်. အဝဲသ့ၣ်အဝ့ၢ်တအိၣ်ဒီး တြဲၤတဖၣ်မ့ၢ်ဂ့ၤ နီၣ်ဝံာ်တံာ်တဖၣ်မ့ၢ်ဂ့ၤ ဘၣ်. ဒီးတၢ်ဒီဒၣ်အိၣ်ပှိၤအီၤတအိၣ်နီတမံၤဘၣ်.

ရိမ့ၤ 13:3

အဂ့ၢ်ဒ်အံၤ, ပှၤပၢထံပၢကီၢ်တဖၣ်န့ၣ်အလီၢ်တအိၣ်ဘၣ်လၢကဘၣ် တၢ်ပျံၤအီၤလၢပှၤမၤတၢ်ဂ့ၤတဖၣ်ဘၣ်. မ့မ့ၢ်လၢပှၤမၤတၢ်အၢတၢ် သီတခီလီၤ. မ့ၢ်သုအဲၣ်ဒိးကဲထီၣ်ပှၤလၢအတပျံၤဘၣ်ပဒိၣ်ပပှၢ်န့ၣ်ဧါ. မ့မ့ၢ်ဒ်န့ၣ်ဒီး, မၤတၢ်ဂ့ၤတက့ၢ်ဒီးအဝဲဒၣ်ကစံးထီၣ်ပတြၢၤသုလီၤ.

လံာ်စီၤယိၤၡူ 19:47

ဖဲပှၤဒၣ်ဖိတဖၣ်အကီၢ်ဘၣ် တၢ်ဒုးဒီးမၤန့ၢ်အီၤန့ၣ်, အဝဲသ့ၣ်လဲၤထီၣ်ဒုးဝ့ၢ်လ့ၡ့ၣ်န့ၣ်လီၤ. ဖဲအဝဲသ့ၣ်မၤန့ၢ်ဝ့ၢ်န့ၣ်, မၤသံအပှၤဝ့ၢ်ဖိဒီးဟံးန့ၢ်အီၤ လၢအဂီၢ်ဒၣ်ဝဲန့ၣ်လီၤ. အဝဲသ့ၣ်အိၣ်ဆိးဖဲန့ၣ်ဒီးလဲလိာ်ကွံာ်အမံၤဆူဒၣ်, ဒ်အပၢ်ဖးဒိၣ်အမံၤအသိးန့ၣ်လီၤ.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.

လံာ်လီၣ်ဖျါ 18:7

ဟ့ၣ်အီၤတၢ်တူၢ်ဘၣ်တၢ်ဒီးတၢ်သူၣ်အုးသးအုး ပှဲၤသိးသိးတၢ်လၤကပီၤဒီးတၢ်မုာ်တၢ်ပၢၤလၢ အဝဲဟ့ၣ်လီၤက့ၤအသးဒၣ်ဝဲန့ၣ်တက့ၢ်. အဂ့ၢ်ဒ်အံၤ, အဝဲဒၣ်စံးလီၤက့ၤအသးတဘိယူၢ်ဃီ ‘ဖဲအံၤ, ယဆ့ၣ်နီၤယဲဒ်နီၢ်ပၤမုၣ်တဂၤအသိး, ယတမ့ၢ်မုၣ်ကမဲတဂၤဘၣ်. တမ့ၢ်လၢယကသ့ၣ်ညါဘၣ် တၢ်သူၣ်အုးသးအုးနီတစုစုဘၣ်.’

လံာ်ပှၤစံၣ်ညီၣ်ကွီၢ် 18:29

ဒီးအဝဲသ့ၣ်လဲလိာ်က့ၤဝ့ၢ်န့ၣ်အမံၤလၢလ့ၡ့ၣ်ဆူဒၣ်, ပိာ်ထွဲထီၣ်အပၢ်ဖးဒိၣ်, စီၤယၤကိာ်အဖိခွါလၢအဝဲသ့ၣ်လီၤစၢၤဝဲအမံၤအခံန့ၣ်လီၤ.

လံာ်ပှၤစံၣ်ညီၣ်ကွီၢ် 18:6

ဒီးပှၤလုၢ်တၢ်အခိၣ်စံးဆၢဝဲ, “သုဘၣ်ယိၣ်ဘၣ်ဘှီတၢ်အလီၢ်တအိၣ်နီတမံၤဘၣ်. ယွၤအံးထွဲကွၢ်ထွဲသုလၢတၢ်လဲၤတဘျီအံၤအပူၤလီၤ.”

လံာ်ပှၤစံၣ်ညီၣ်ကွီၢ် 18:8

ဖဲပှၤယဲၢ်ဂၤက့ၤကဒါက့ၤဆူဝ့ၢ်စိရးဒီးအ့ၤၡတိလးန့ၣ်အပှၤ ကလုာ်ဒၣ်ဝဲသံကွၢ်အီၤမ့ၢ်အထံၣ်န့ၢ်တၢ်မနုၤတဖၣ်လဲၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.