လံာ်ပှၤစံၣ်ညီၣ်ကွီၢ် 18:4 - Sgaw Karen Common Bible

⁴ ဒီးအဝဲစံးဆၢ, “ယအိၣ်ဒီးတၢ်သုးတၢ်ကျဲၤဒီးစီၤမံၤကါလၢ အဟ့ၣ်ယၤတၢ်ဘူးတၢ်လဲလၢယကမၤတၢ်ဒ်အပှၤလုၢ်တၢ်အခိၣ်အသိးလီၤ.”

လံာ်ပှၤစံၣ်ညီၣ်ကွီၢ် 18:4 Iomraidhean Croise

တၢ်ကတိၤဒိ. 28:21

တၢ်ကွၢ်မဲာ်တၢ်န့ၣ်မ့ၢ်တၢ်လၢအကမၣ်လီၤ. ဘၣ်ဆၣ်စံၣ်ညီၣ်ကွီၢ်တနီၤနီၤကမၤကမၣ်တၢ်, ဒ်သိးကမၤန့ၢ်ခိၣ်ဖးလာ်ဆှိးအဆံးကတၢၢ်ဒၣ်လဲာ်န့ၣ်လီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

လံာ်ပှၤစံၣ်ညီၣ်ကွီၢ် 17:10

ဒီးစီၤမံၤကါစံး, “အိၣ်ဒီးယၤတက့ၢ်. ကဲနဲပှၤဟ့ၣ်ကူၣ်ဟ့ၣ်ဖးတၢ် ဒီးပှၤလုၢ်တၢ်အခိၣ်လၢယဂီၢ်ဒီးယကဟ့ၣ်နၤစ့နီၢ် တနံၣ်အဘ့ၣ်တဆံ, တၢ်ကူတၢ်သိးတနီၤဒီးတၢ်အီၣ်တၢ်အီလီၤ.”

လံာ်ပှၤစံၣ်ညီၣ်ကွီၢ် 17:12

စီၤမံၤကါပာ်ထီၣ်အီၤဒ်အပှၤလုၢ်တၢ်အခိၣ်ဒီးအိၣ်ဝဲလၢစီၤ မံၤကါအဟံၣ်ပူၤလီၤ.

လံာ်ပှၤစံၣ်ညီၣ်ကွီၢ် 18:3

ဒီးဖဲအဝဲသ့ၣ်အိၣ်ဖဲန့ၣ်အခါန့ၣ်, အဝဲသ့ၣ်ပာ်သူၣ်ပာ်သးဝဲ ပှၤလ့ၤဝံဖိကတိၤတၢ်အကလုၢ်အသီၣ်အဃိလဲၤဆူအအိၣ်ဒီး သံကွၢ်အီၤ, “နမၤတၢ်မနုၤဖဲအံၤလဲၣ်. မတၤဆှၢနၤဆူအံၤလဲၣ်.”

လံာ်ပှၤစံၣ်ညီၣ်ကွီၢ် 18:5

ဒီးအဝဲသ့ၣ်စံးဘၣ်အီၤ, “သံကွၢ်ကစၢ်ယွၤလၢပတၢ်လဲၤအံၤမ့ၢ် အကကဲထီၣ်လိၣ်ထီၣ်ကစီဒီဧါ, န့ၣ်တက့ၢ်.”