လံာ်ပှၤစံၣ်ညီၣ်ကွီၢ် 18:31 - Sgaw Karen Common Bible

³¹ ဒီးစီၤမံၤကါအတၢ်ဂီၤစိးပျၤအသးအိၣ်ဝဲဖဲန့ၣ်ယံာ်ထဲသိးဒီးဒဲစီဆှံ အိၣ်ဖဲဝ့ၢ်ၡံလိၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:31 Iomraidhean Croise

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်ပှၤစံၣ်ညီၣ်ကွီၢ် 19:18

ပှၤလ့ၤဝံဖိစံးဆၢဝဲ, “ပလဲၤတ့ၢ်လၢဝ့ၢ်ဘ့ၤသလ့ဃ့ၢ်ကီၢ်ယူဒၤ ဒီးခဲအံၤပကက့ၤဆူပဟံၣ်အိၣ်လၢအ့ဖရဲၣ်အကစၢၢ်ကလိအပူၤန့ၣ်လီၤ. ပှၤကတူၢ်လိာ်ပှၤလၢမုၢ်တနၤအံၤအဂီၢ်တအိၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 21:19

တုၤနုၤတစု, အဝဲသ့ၣ်ဆိကမိၣ်ထီၣ်ဝဲ, “ယွၤအဘူၣ်တနံၣ်တဘျီဖဲ ၡံလိၣ်ကဘၣ်ဘူးထီၣ်လံ.” (ၡံလိၣ်န့ၣ်အိၣ်လၢဘ့ၤသ့လးအကလံၤစိး, လဘိနၤအကလံၤထံးဒီးကျဲမုၢ်လၢဘ့ၤသ့လးဒီးၡက့ၣ်အဘၢၣ်စၢၤအမုၢ်ထီၣ်န့ၣ်လီၤ.)

လံာ်ပှၤစံၣ်ညီၣ်ကွီၢ် 21:21

ဖဲပိာ်မုၣ်ဖိလၢၡံလိၣ်တဖၣ်မ့ၢ်ဟဲထီၣ်ဒ်သိးကဂဲၤကလံာ်ဖဲ မူးအဆၢကတီၢ်န့ၣ်, ဟဲထီၣ်လၢစပံးလီၢ်တဖၣ်အပူၤတက့ၢ်. သုဝဲတဂၤစုာ်စုာ်ဟံးန့ၢ်ဆူၣ်သုမါလၢပိာ်မုၣ်ဖိသၣ်တဖၣ်အကျါ ဒီးစိာ်အီၤဆူဘံၣ်ယၤမံၣ်အပူၤဃုာ်ဒီးသုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 1:3

ကိးနံၣ်ဒဲးန့ၣ်စီၤအ့ကါနၤလဲၤလၢဝ့ၢ်ရၤမါဆူဝ့ၢ်ၡံလိၤ ဒ်သိးအကဘူၣ်တၢ်ဘါတၢ်ဒီးမၤဘူၣ်တၢ်လုၢ်တၢ်ပာ်တဖၣ်ဆူ ယွၤသ့တၢ်လၢာ်အအိၣ်န့ၣ်လီၤ. ဖဲန့ၣ်စီၤဧ့လံၤအဖိခွါစီၤဃၤဖနံၤဒီးစီၤဖံနဃၤခံဂၤ န့ၣ်မ့ၢ်ဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:4

မၤသးဒ်န့ၣ်ဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ၡံလိၤဒီး ဟဲစိာ်ယွၤသ့တၢ်လၢာ်ကစၢ်အတၢ်အၢၣ်လီၤအီလီၤတလါစီဆှံ, လၢတၢ်ပာ်အီၤလၢလီၢ်ပစိာ်အိၣ်လၢတၢ်ဘၣ်တ့အိၣ်ဒီးအဒံးဆ့ လွံၢ်ဂၤအဖီခိၣ်န့ၣ်လီၤ. ဒီးစီၤဧ့လံၤအဖိခွါခံဂၤ, စီၤဃၤမနံဒီးစီၤဖံနဃၣ်ဟဲဃုာ်ဒီး ယွၤအတၢ်အၢၣ်လီၤအီလီၤအတလါစီဆှံန့ၣ်လီၤ.