လံာ်ပှၤစံၣ်ညီၣ်ကွီၢ် 18:30 - Sgaw Karen Common Bible

³⁰ ဒီးပှၤဒၣ်ဖိတဖၣ်ဆီလီၤတၢ်ဂီၤစိးပျၤအသးလၢတၢ်ကဘူၣ်ထီၣ် ဘါထီၣ်အီၤအဂီၢ်ဒီးစီၤမိၤၡ့အလံၤ, စီၤက့ရၡိၣ်အဖိခွါ, စီၤယိနၤသၣ်မၤပှၤလုၢ်တၢ်အဒိၣ်အတၢ်ဖံးတၢ်မၤလၢပှၤဒၣ်ဖိတဖၣ်အဂီၢ်လီၤ. ဒီးအစၢၤအသွဲၣ်တဖၣ်မၤပှၤလုၢ်တၢ်အဒိၣ်အတၢ်မၤတုၤလၢပှၤဂီၢ်မုၢ် ဘၣ်တၢ်စိာ်ကွံာ်အီၤဆူတၢ်စိာ်မၢကဲကုၢ်အလီၢ်တစုန့ၣ်လီၤ.

လံာ်ပှၤစံၣ်ညီၣ်ကွီၢ် 18:30 Iomraidhean Croise

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:18

ယွၤအသးဒိၣ်ထီၣ်ပှၤအံၣ်စရ့လးဖိတဖၣ်ဒီးဟီထီၣ်ကွံာ်အဝဲသ့ၣ် လၢအမဲာ်ညါ, ပာ်တ့ၢ်ဒၣ်ထဲကီၢ်ယူဒၤအဘီအမုၢ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:22

အဝဲသ့ၣ်ပိာ်ထွဲစီၤယၤရၤဘၣ်အခံ, ဒီးမၤထွဲကယဲၢ်တၢ်ဒဲးဘး ခဲလၢာ်လၢစီၤယၤရၤဘၣ်မၤတ့ၢ်ဝဲ,

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်တၢ်ဟးထီၣ်ကွံာ် 18:3

ဒီးအဝဲအဖိခွါခံဂၤလၢအမ့ၢ်စီၤက့ရၡိၣ်ဒီးစီၤအလံၤဧ့ စ့ၢ်န့ၣ်လီၤ. (စီၤမိၤၡ့စံးဝဲ, “ယမ့ၢ်တ့ၢ်ပှၤတခီဘီမုၢ်ဖိလၢကီၢ်လီၤ ဆီတဘ့ၣ်အပူၤလီၤ.” မၤသးဒ်န့ၣ်ဒီးယုၢ်န့ၢ်အဖိခွါတဂၤအံၤအမံၤ လၢစီၤက့ရၡိၣ်လီၤ.

လံာ်တၢ်ဟးထီၣ်ကွံာ် 2:22

ဒီးနီၢ်စံးဖိရၤန့ၣ်ဆံးစၢ်န့ၢ်အဖိခွါတဂၤလၢစီၤမိၤၡ့အဂီၢ်, ဒီးယုၢ်ဝဲအမံၤလၢစီၤက့ရၡိၣ်လီၤ. အဂ့ၢ်ဒ်အံၤ, စီၤမိၤၡ့စံးဝဲဒၣ် ယမ့ၢ်တ့ၢ်ပှၤတမှံၤလၢတခီဘီမုၢ်အပူၤလီၤ.”

လံာ်တၢ်ဟးထီၣ်ကွံာ် 20:4

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 17:3

ဒီးအဝဲဟ့ၣ်က့ၤတိၢ်န့ၣ်ဆူအမိၢ်အိၣ်, ဒီးအမိၢ်စံး, “ဒ်သိးတၢ်ဆိၣ်အၢသုတလီၤဘၣ်လၢယဖိခွါအဖီခိၣ်တဂ့ၤန့ၣ်, ယနီၢ်ကစၢ်ဒၣ်ယဲယလုၢ်ထီၣ်စ့နီၢ်အံၤဆူယွၤအအိၣ်လၢတၢ်သညူးသပှၢ်အပူၤန့ၣ်လီၤ. တၢ်အံၤကဘၣ်တၢ်သူအီၤလၢတၢ်ကမၤတၢ်ဂီၤစိးပျၤအသးလၢသ့ၣ်ဒီး ကးဘၢအီၤလၢစ့လီၤ. မၤသးဒ်န့ၣ်ဒီး, ခဲအံၤယကဟ့ၣ်ကဒါက့ၤစ့နီၢ်အံၤဆူနအိၣ်လီၤ.”

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.