လံာ်ပှၤစံၣ်ညီၣ်ကွီၢ် 18:3 - Sgaw Karen Common Bible

³ ဒီးဖဲအဝဲသ့ၣ်အိၣ်ဖဲန့ၣ်အခါန့ၣ်, အဝဲသ့ၣ်ပာ်သူၣ်ပာ်သးဝဲ ပှၤလ့ၤဝံဖိကတိၤတၢ်အကလုၢ်အသီၣ်အဃိလဲၤဆူအအိၣ်ဒီး သံကွၢ်အီၤ, “နမၤတၢ်မနုၤဖဲအံၤလဲၣ်. မတၤဆှၢနၤဆူအံၤလဲၣ်.”

လံာ်ပှၤစံၣ်ညီၣ်ကွီၢ် 18:3 Iomraidhean Croise

လံာ်တၢ်ကဲထီၣ်အခီၣ်ထံး 27:22

ဒီးစီၤယၤကိာ်သုးအသးဘူးထီၣ်ဆူအပၢ်အအိၣ်ဒီးအပၢ်ကလၢၢ်အီၤ ဒီးစံးဝဲဒၣ်, “နကလုၢ်လီၤဂာ်ဒ်စီၤယၤကိာ်အကလုၢ်လီၤ. မ့မ့ၢ်နစုလီၤဂာ်ဒ်စီၤဧ့ၡီၤအစုလီၤ.”

လံာ်ယၡါယၤ 22:16

“နဆိကမိၣ်လီၤနသးလၢနမ့ၢ်မတၤလဲၣ်. လၢနကစိးပျၤတၢ်သွၣ် ခိၣ်တပူၤလၢနဂီၢ်ဒၣ်နဲဖဲလ့ကစၢၢ်ကပၤအဂီၢ်န့ၣ်, နအိၣ်ဒီးတၢ်ခွဲး တၢ်ယာ်မနုၤလဲၣ်.

လံာ်မးသဲ 26:73

တစိၢ်ဖိဝံၤအလီၢ်ခံ, ပှၤပိာ်ခွါလၢအအိၣ်ဆၢထၢၣ်ဖဲန့ၣ်တဖၣ် ဟဲဆူစီၤပ့းတရူးအအိၣ်ဒီးစံး, “သပှၢ်တၢၢ်, နမ့ၢ်ပှၤလၢအဝဲသ့ၣ်အကျါတဂၤလီၤ. နကတိၤတၢ်အသီၣ် လီၣ်ဖျါထီၣ်နၤလီၤ.”

လံာ်ပှၤစံၣ်ညီၣ်ကွီၢ် 12:6

အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.

လံာ်ပှၤစံၣ်ညီၣ်ကွီၢ် 18:2

မၤသးဒ်န့ၣ်ဒီး, ပှၤဒၣ်ဖိတဖၣ်ဃုထၢထီၣ်ပှၤအကြၢးအဘၣ်ယဲၢ်ဂၤ လၢဟံၣ်ဒူၣ်ဃီထၢတဖၣ်လၢဒၣ်အဒူၣ်အကျါဒီးဆှၢလီၤအီၤလၢ ဝ့ၢ်စိးရၤဒီးအ့ၤၡတိလး ဒီးမၤလိာ်အီၤလၢကဃုထံၣ်န့ၢ်တၢ်လီၢ်တတီၤန့ၣ်လီၤ. အဝဲသ့ၣ်တုၤဃီၤလၢအ့ဖရဲၣ်အကစၢၢ်ကလိဖဲစီၤမံၤကါအဟံၣ်လီၤ.

လံာ်ပှၤစံၣ်ညီၣ်ကွီၢ် 18:4

ဒီးအဝဲစံးဆၢ, “ယအိၣ်ဒီးတၢ်သုးတၢ်ကျဲၤဒီးစီၤမံၤကါလၢ အဟ့ၣ်ယၤတၢ်ဘူးတၢ်လဲလၢယကမၤတၢ်ဒ်အပှၤလုၢ်တၢ်အခိၣ်အသိးလီၤ.”