လံာ်ပှၤစံၣ်ညီၣ်ကွီၢ် 18:28 - Sgaw Karen Common Bible

²⁸ ဒီးပှၤလၢကအုၣ်က့ၤခီၣ်က့ၤအဝဲသ့ၣ်တအိၣ်ဘၣ်နီတဂၤဘၣ်. အဂ့ၢ်ဒ်အံၤဝ့ၢ်လ့ၡ့ၣ်အိၣ်စီၤစုၤဒီးဝ့ၢ်စံဒိၣ်ဖးယံၤဒီး တမၤဃုာ်လိာ်သးဒီးပှၤနီတဖုဘၣ်. ပှၤဒၣ်ဖိတဖၣ်သူၣ်ထီၣ်ကဒါက့ၤဝ့ၢ်န့ၣ်ဒီးအိၣ်ဆိးဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 18:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:6

တၢ်ဒိၣ်ဧၢ, ယအိၣ်ဒီးဖိခွါခံဂၤ, ဒီးဘၣ်တနံၤန့ၣ်အဝဲသ့ၣ် အ့ၣ်လိာ်အသးလၢပျီတဖၣ်အပူၤ, ဖဲပှၤတအိၣ်နီတဂၤလၢကထုးဖှၣ်အဝဲသ့ၣ်ဘၣ်, ဒီးလၢအကျါတဂၤန့ၣ်မၤသံကွံာ်အဂၤတဂၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:6

ဒီးလဲၤကဒီးဝဲဆူဝ့ၢ်ကံးလဧး ဒီးဆူဝ့ၢ်ကၤဒ့ၣ်လၢပှၤဃ့ၤသးဖိအလီၢ်ကဝီၤအပူၤန့ၣ်လီၤ. အန့ၣ်ဝံၤဒီးအဝဲသ့ၣ်လဲၤဆူဝ့ၢ်ဒၣ်, ဒီးလၢဝ့ၢ်ဒၣ်န့ၣ်အဝဲသ့ၣ်လဲၤဆူမုၢ်နုာ်ဆူဝ့ၢ်စံဒိၣ်န့ၣ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

စံးထီၣ်ပတြၢၤ 7:2

ကအ့ၣ်ဖှီဘၣ်ဖုးယၤဒ်ခ့ယုၢ်အသိး, ကတွံၢ်တြူာ်ယၤဆူ တၢ်မၤပူၤဖျဲးတအိၣ်ဘၣ်အလီၢ်ဒီး ဖှီကွံာ်ယၤဆူ အက့အခီတဖၣ်န့ၣ်လီၤ.

လံာ်ယၡါယၤ 23:12

ဝ့ၢ်စံဒိၣ်ဧၢ, နတၢ်သူၣ်ဖှံသးညီအကတီၢ်ကတၢၢ်ဝဲလံ, ဒီးနပှၤဂီၢ်မုၢ်တဖၣ်ဘၣ်တၢ်မၤအၢမၤနးအီၤလီၤ. အဝဲသ့ၣ်မ့ၢ်ဃ့ၢ်ပူၤဖျဲးကွံာ်ဆူကီးကူပြူးဒၣ်လဲာ်, အဝဲသ့ၣ်တပူၤဖျဲးဒံးဘၣ်လီၤ.

လံာ်ယၡါယၤ 23:4

ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 19:28

ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.

လံာ်ပှၤစံၣ်ညီၣ်ကွီၢ် 18:1

ဒီးအကတီၢ်ဖဲန့ၣ်စီၤပၤတအိၣ်ဒံးလၢအံၣ်စရ့လးအပူၤဘၣ်. လၢမုၢ်နံၤတဖၣ်အပူၤန့ၣ်ဒၣ်အဒူၣ်ဃုန့ၢ်တၢ်လီၢ်လၢအတၢ်န့ၢ်သါအဂီၢ် ဒ်သိးကအိၣ်ကဆိးဝဲလၢအပူၤလီၤ. အဂ့ၢ်ဒ်အံၤ, အဝဲသ့ၣ်တဒိးန့ၢ်ဒံးဘၣ်တၢ်လီၢ်နီတတီၤလၢအဂီၢ်ဒၣ်ဝဲ လၢအံၣ်စရ့လးအဒူၣ်တဖၣ်အကျါန့ၣ်ဘၣ်.

လံာ်ပှၤစံၣ်ညီၣ်ကွီၢ် 18:29

ဒီးအဝဲသ့ၣ်လဲလိာ်က့ၤဝ့ၢ်န့ၣ်အမံၤလၢလ့ၡ့ၣ်ဆူဒၣ်, ပိာ်ထွဲထီၣ်အပၢ်ဖးဒိၣ်, စီၤယၤကိာ်အဖိခွါလၢအဝဲသ့ၣ်လီၤစၢၤဝဲအမံၤအခံန့ၣ်လီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.