လံာ်ပှၤစံၣ်ညီၣ်ကွီၢ် 18:27 - Sgaw Karen Common Bible

²⁷ တုၤပှၤဒၣ်ဖိတဖၣ်စိာ်ကွံာ်ပှၤလုၢ်တၢ်အခိၣ်ဒီးတၢ်လၢစီၤမံၤကါမၤတ့ၢ်ဝဲတဖၣ်န့ၣ်, အဝဲသ့ၣ်လဲၤဒုးဝ့ၢ်လ့ၡ့ၣ်, လၢအပှၤဂီၢ်မုၢ်အိၣ်ခုၣ်ခုၣ်မုာ်မုာ်ဒီးအိၣ်ကစုဒု, လၢအအိၣ်လၢတၢ်ပျီပူၤတခါဃီဒီးဝ့ၢ်ဘ့ၤသရဃိာ်န့ၣ်လီၤ. အဝဲသ့ၣ်မၤသံကွံာ်ပှၤအိၣ်ဖဲန့ၣ်တဖၣ်ဒီးဒွဲၣ်ကွံာ်ဝ့ၢ်န့ၣ်လၢမ့ၣ်အူလီၤ.

လံာ်ပှၤစံၣ်ညီၣ်ကွီၢ် 18:27 Iomraidhean Croise

လံာ်တၢ်ကဲထီၣ်အခီၣ်ထံး 49:16

စီၤဒၣ်ကမ့ၢ်ပှၤပၢတၢ်တဂၤလၢအပှၤဂီၢ်မုၢ်အဂီၢ်လီၤ. အဝဲသ့ၣ်ကလီၤဂာ်ဒ်ကီၢ်အံၣ်စရ့လးအဒူၣ်အဂၤတဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 33:22

ဘၣ်ဃးဒီးဒၣ်အဒူၣ်အဂ့ၢ်န့ၣ်အဝဲစံးဝဲ, “ဒၣ်မ့ၢ်ခ့ယုၢ်ဖိတဒု, အဝဲစံၣ်ထီၣ်ဝဲလၢကီၢ်ဘၤၡၣ်အပူၤန့ၣ်လီၤ.”

လံာ်စီၤယိၤၡူ 11:11

အဝဲသ့ၣ်ကျီသံကွံာ်ပှၤဖဲန့ၣ်ခဲလၢာ်လၢနးန့ၣ်လီၤ. ပှၤအိၣ်မူတီၢ်တအိၣ်နီတဂၤဘၣ်ဒီးဘၣ်တၢ်ဒွဲၣ်အူထီၣ်အီၤလၢ မ့ၣ်အူန့ၣ်လီၤ.

လံာ်စီၤယိၤၡူ 19:47

ဖဲပှၤဒၣ်ဖိတဖၣ်အကီၢ်ဘၣ် တၢ်ဒုးဒီးမၤန့ၢ်အီၤန့ၣ်, အဝဲသ့ၣ်လဲၤထီၣ်ဒုးဝ့ၢ်လ့ၡ့ၣ်န့ၣ်လီၤ. ဖဲအဝဲသ့ၣ်မၤန့ၢ်ဝ့ၢ်န့ၣ်, မၤသံအပှၤဝ့ၢ်ဖိဒီးဟံးန့ၢ်အီၤ လၢအဂီၢ်ဒၣ်ဝဲန့ၣ်လီၤ. အဝဲသ့ၣ်အိၣ်ဆိးဖဲန့ၣ်ဒီးလဲလိာ်ကွံာ်အမံၤဆူဒၣ်, ဒ်အပၢ်ဖးဒိၣ်အမံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 18:10

ဖဲသုတုၤဖဲန့ၣ်ဒီး, သုကထံၣ်လၢပှၤအိၣ်ဖဲန့ၣ်တဖၣ် တပလီၢ်အသးလၢတၢ်နီတမံၤဘၣ်. မ့ၢ်ဝဲကီၢ်ဖးဒိၣ်တဘ့ၣ်လီၤ. အိၣ်ဝဲဒီးတၢ်ကိးမံၤလၢပှၤတဂၤမိၢ်န့ၢ်သးလီအီၤန့ၣ်လီၤ. ဒီးယွၤဟ့ၣ်လီၤအီၤလၢသုစုပူၤလံန့ၣ်လီၤ.”

လံာ်ပှၤစံၣ်ညီၣ်ကွီၢ် 18:26

တုၤနုၤတစု, ပှၤဒၣ်ဖိတဖၣ်လဲၤဆူညါလီၤ. စီၤမံၤကါထံၣ်ဝဲလၢပှၤတဖၣ်အံၤ အဂံၢ်အဘါဆူၣ်ကဲာ်ဆိးလၢအဂီၢ်သတးဒီး အဝဲဃၣ်အသးဒီးက့ၤဆူဟံၣ်လီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 8:11

စီၤကံးဒဧိၣ်လဲၤပိာ်ထီၣ်ကျဲလၢမဲးမုၢ်ခိၣ်အသရ့ၤ, အိၣ်လၢဝ့ၢ်နံဘၤဒီးယၤကဘၤအမုၢ်ထီၣ်ဒီးဒုးပှၤသုးမုၢ်တဖၣ်န့ၣ် သတူၢ်ကလာ်လီၤ.