လံာ်ပှၤစံၣ်ညီၣ်ကွီၢ် 18:26 - Sgaw Karen Common Bible

²⁶ တုၤနုၤတစု, ပှၤဒၣ်ဖိတဖၣ်လဲၤဆူညါလီၤ. စီၤမံၤကါထံၣ်ဝဲလၢပှၤတဖၣ်အံၤ အဂံၢ်အဘါဆူၣ်ကဲာ်ဆိးလၢအဂီၢ်သတးဒီး အဝဲဃၣ်အသးဒီးက့ၤဆူဟံၣ်လီၤ.

လံာ်ပှၤစံၣ်ညီၣ်ကွီၢ် 18:26 Iomraidhean Croise

လံာ်တၢ်ကဲထီၣ်အခီၣ်ထံး 49:16

စီၤဒၣ်ကမ့ၢ်ပှၤပၢတၢ်တဂၤလၢအပှၤဂီၢ်မုၢ်အဂီၢ်လီၤ. အဝဲသ့ၣ်ကလီၤဂာ်ဒ်ကီၢ်အံၣ်စရ့လးအဒူၣ်အဂၤတဖၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:29

အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.

လံာ်ယဃ့းစက့လး 48:1

ကီၢ်အဆၢလၢကလံၤစိးတကပၤန့ၣ်, လၢမုၢ်ထီၣ်တခီစးထီၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်တုၤလၢဝ့ၢ်ဃ့သလိၣ်, ဆူဝ့ၢ်ဃမါသးအကျဲ, ဆူဝ့ၢ်ဃစၢ်ဧ့နၣ်, ဆူကီၢ်ဆၢလၢဒၤမ့ၤ စ့းအဘီအမုၢ်အလီၢ်ကဝီၤတဖၣ်ဒီးဝ့ၢ်ဃမါသး အဘၢၣ်စၢၤန့ၣ်မ့ၢ်လၢဒၣ်အဒူၣ်အဂီၢ်န့ၣ်လီၤ. ဒူၣ်အဂၤအတဒူၣ် စုာ်စုာ်ကဘၣ်ဒိးန့ၢ်တၢ်နီၤဖးတတီၤလၢကီၢ်ပူၤ စးထီၣ်လၢမုၢ်ထီၣ်ကီၢ်ဆၢဆူမုၢ်နုာ်တုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်တကျိၤဒ်တၢ်ရဲၣ်တၢ်ကျဲၤလၢ လာ်အံၤအသိးစးထီၣ်လၢကလံၤစိးတုၤလၢကလံၤထံးန့ၣ်လီၤ.

လံာ်ပှၤစံၣ်ညီၣ်ကွီၢ် 18:25

ပှၤဒၣ်ဖိတဖၣ်စံးဘၣ်အီၤ, “နမ့ၢ်တအဲၣ်ဒိးလၢပှၤသ့ၣ်တဖၣ်အံၤ သးဒိၣ်ထီၣ်ဒီးကဒုးနၤဘၣ်န့ၣ်တဲတၢ်နီတမံၤတဂ့ၤ. မ့တမ့ၢ်ဘၣ်ဒီးနၤဒီးနပှၤဟံၣ်ဖိခဲလၢာ်ကသံလီၤ.”

လံာ်ပှၤစံၣ်ညီၣ်ကွီၢ် 18:27

တုၤပှၤဒၣ်ဖိတဖၣ်စိာ်ကွံာ်ပှၤလုၢ်တၢ်အခိၣ်ဒီးတၢ်လၢစီၤမံၤကါမၤတ့ၢ်ဝဲတဖၣ်န့ၣ်, အဝဲသ့ၣ်လဲၤဒုးဝ့ၢ်လ့ၡ့ၣ်, လၢအပှၤဂီၢ်မုၢ်အိၣ်ခုၣ်ခုၣ်မုာ်မုာ်ဒီးအိၣ်ကစုဒု, လၢအအိၣ်လၢတၢ်ပျီပူၤတခါဃီဒီးဝ့ၢ်ဘ့ၤသရဃိာ်န့ၣ်လီၤ. အဝဲသ့ၣ်မၤသံကွံာ်ပှၤအိၣ်ဖဲန့ၣ်တဖၣ်ဒီးဒွဲၣ်ကွံာ်ဝ့ၢ်န့ၣ်လၢမ့ၣ်အူလီၤ.