လံာ်ပှၤစံၣ်ညီၣ်ကွီၢ် 18:24 - Sgaw Karen Common Bible

²⁴ စီၤမံၤကါစံးဆၢဝဲဒၣ်, “သုစံးမ့ၢ်အဘၣ်မနုၤလဲၣ်န့ၣ်အခီပညီဒ်လဲၣ်. သုစိာ်ကွံာ်ယပှၤလုၢ်တၢ်အခိၣ်ဒီးကစၢ်တဖၣ်လၢယမၤအီၤဝံၤဒီးသုဟးထီၣ်လီၤ. တၢ်မနုၤအိၣ်တ့ၢ်ဒီးယၤန့ၣ်လဲၣ်.”

လံာ်ပှၤစံၣ်ညီၣ်ကွီၢ် 18:24 Iomraidhean Croise

လံာ်တၢ်ကဲထီၣ်အခီၣ်ထံး 31:30

ယသ့ၣ်ညါလၢနအဲၣ်ဒိးက့ၤဆူနဟံၣ်ဒိၣ်မးလီၤ. ဘၣ်ဆၣ်ဒီးဘၣ်မနုၤလၢနဟုၣ်န့ၢ်ယပှၤဟံၣ်ဖိဃီဖိအကစၢ်တဖၣ်န့ၣ် လဲၣ်.”

လံာ်တၢ်ကဲထီၣ်အခီၣ်ထံး 31:34

နီၢ်ရၤဃ့လးဟံးန့ၢ်တၢ်ဂီၤတရၤဖးတဖၣ်ဒီးပာ်ဝဲလၢကီၤလၤ အူးအဂီၤကၢ်အထၢၣ်ပူၤဒီးဆ့ၣ်နီၤဝဲလၢအဖီခိၣ်န့ၣ်လီၤ. စီၤလၤဘၣ်ဃုဝဲလၢဒဲဒီတဖျၢၣ်အပူၤသနာ်က့တထံၣ်န့ၢ်ဝဲဒၣ် ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 25:15

တၢ်အံၤမၤသးဒိၣ်ထီၣ်ယွၤအဃိအဝဲဆှၢလီၤဝံတဂၤဆူ စီၤအမၤစယါအအိၣ်န့ၣ်လီၤ. ဝံန့ၣ်သံကွၢ်ဆူၣ်အီၤ, “နဘၣ်ဘူၣ်ထီၣ်ဘါထီၣ်ပှၤတခီဘီမုၢ်အကစၢ်တဖၣ်လၢ အအုၣ်က့ၤခီၣ်က့ၤဒၣ်လဲာ်အပှၤဂီၢ်မုၢ်ဒၣ်ဝဲလၢ နတၢ်စိတၢ်ကမီၤအပူၤတသ့န့ၣ်ဘၣ်မနုၤလဲၣ်.”

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:17

ဖဲပှၤထံၣ်ဘၣ်တၢ်အံၤန့ၣ်, ပှၤကညီမၤအသးဒ် ပှၤဟးဂီၤဖိဒီး ပှၤလၢအတၢ်သူၣ်ဆးသးဆးတအိၣ် ဘၣ်အသိးန့ၣ်လီၤ. ပှၤတဖၣ်လၢ အတ့တၢ်ဂီၤတၢ်ဖီၣ်တဖၣ်န့ၣ် ဘၣ်မဲာ်ဆှးဝဲ မ့ၢ်လၢကစၢ်တဖၣ်လၢ အဝဲသ့ၣ်မၤဝဲတဖၣ်မ့ၢ်တၢ်ကဘျံးကဘျၣ်ဒီး အတၢ်သါတအိၣ်ဘၣ်အဃိန့ၣ်လီၤ.

လံာ်ယဃ့းစက့လး 23:5

အဝဲမ့ၢ်ယတၢ်, နာ်သက့, နီၢ်အိၤဟိလၤမၤဒံးဒၣ်ပှၤဃဲသဲမုၣ် အတၢ်မၤဒီးပှဲၤဝဲဒီးတၢ်သးကတၢလၢအတၢ်အဲၣ်တဖၣ်အဂီၢ်, လၢကီၢ်အၤၡူၢ်န့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်ပှၤစံၣ်ညီၣ်ကွီၢ် 17:13

ဒီးစီၤမံၤကါစံး, “ခဲအံၤမ့ၢ်လၢယအိၣ်ဒီးပှၤလ့ၤဝံတဂၤ ဒ်ယပှၤလုၢ်တၢ်အခိၣ်အသိးအဃိဒီးယသ့ၣ်ညါလၢ ယွၤကမၤတၢ်ခဲလၢာ်ဂ့ၤဂ့ၤဘၣ်ဘၣ်လၢယဂီၢ်လီၤ.”

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.

လံာ်ပှၤစံၣ်ညီၣ်ကွီၢ် 18:23

ဒီးတုၤအဝဲသ့ၣ်ချုးန့ၢ်ပှၤဒၣ်ဖိတဖၣ်ဒီးကိးပသူထီၣ်ဆူအဝဲသ့ၣ်အအိၣ်လီၤ. ပှၤဒၣ်ဖိတဖၣ်တရံးဃီၤအသးဒီးသံကွၢ်စီၤမံၤကါ, “မ့ၢ်အဘၣ်မနုၤလဲၣ်. ဘၣ်မနုၤပှၤဂီၢ်မုၢ်အံၤပာ်ဖှိၣ်အသးန့ၣ်လဲၣ်.”

လံာ်ပှၤစံၣ်ညီၣ်ကွီၢ် 18:25

ပှၤဒၣ်ဖိတဖၣ်စံးဘၣ်အီၤ, “နမ့ၢ်တအဲၣ်ဒိးလၢပှၤသ့ၣ်တဖၣ်အံၤ သးဒိၣ်ထီၣ်ဒီးကဒုးနၤဘၣ်န့ၣ်တဲတၢ်နီတမံၤတဂ့ၤ. မ့တမ့ၢ်ဘၣ်ဒီးနၤဒီးနပှၤဟံၣ်ဖိခဲလၢာ်ကသံလီၤ.”