လံာ်ပှၤစံၣ်ညီၣ်ကွီၢ် 18:14 - Sgaw Karen Common Bible

¹⁴ တုၤနုၤတစု, ပှၤယဲၢ်ဂၤလၢအလဲၤဃုထံၣ်န့ၢ်ကီၢ်အိၣ်ဝးတရံးဝ့ၢ်လ့ၡ့ၣ်န့ၣ် စံးဘၣ်အတံၤသကိးတဖၣ်, “မ့ၢ်သုသ့ၣ်ညါလၢဟံၣ်ဖဲအံၤတဖၣ်အကျါတဟံၣ်အိၣ်ဒီး တၢ်ဂီၤစိးပျၤအသးလၢသ့ၣ်ဒီးဘၣ်တၢ်ကးဘၢအီၤလၢစ့နီၢ်တခါန့ၣ်ဧါ. တၢ်ဂီၤအဂၤတဖၣ်ဒီးအ့ဖိးတဘ့ၣ်အိၣ်စ့ၢ်ကီးလီၤ. သုဆိကမိၣ်လၢပကြၢးမၤဒ်လဲၣ်.”

လံာ်ပှၤစံၣ်ညီၣ်ကွီၢ် 18:14 Iomraidhean Croise

လံာ်စီၤယိၤဘး 3:2

ဒီးစီၤယိၤဘးစံးဝဲဒၣ်, “ကစၢ်ယွၤဧၢ, ဆိၣ်အၢမုၢ်တနံၤလၢယအိၣ်ဖျဲၣ်ထီၣ်လၢ အပူၤဒီးမုၢ်တနၤလၢယဘၣ်တၢ်ဒၢထီၣ်ယၤန့ၣ်တက့ၢ်.”

တၢ်ကတိၤဒိ. 19:27

ဖိခွါဧၢ, ဖဲနဆိကတီၢ်တၢ်မၤလိန့ၢ်တၢ်န့ၣ်, တစိၢ်ဖိဒီးနကကွၢ်ကပာ်ကွံာ်တၢ်လၢနသ့ၣ်ညါတ့ၢ်လံအီၤန့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.

လံာ်ပှၤစံၣ်ညီၣ်ကွီၢ် 18:13

ဒီးအဝဲသ့ၣ်လဲၤကဒီးဆူညါတုၤလၢစီၤမံၤကါအဟံၣ်အိၣ်လၢအ့ ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 18:15

မၤသးဒ်န့ၣ်ဒီး, အဝဲသ့ၣ်လဲၤနုာ်ဆူစီၤမံၤကါအဟံၣ်ပူၤ ဖဲပှၤလ့ၤဝံသးစၢ်တဂၤအိၣ်ဝဲဒီးသံကွၢ်ဝဲမ့ၢ်အအိၣ်မူဒ်လဲၣ်အဂ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:28

ဘၣ်ဆၣ်ဒီးလၢပှၤဂီၢ်မုၢ်အကျါတဂၤစံးဘၣ်အီၤ, “ပဝဲကိးဂၤဒဲးပဂံၢ်ပဘါစၢ်လၢတၢ်သၣ်ဝံၤပသးအဃိလီၤ. ဘၣ်ဆၣ်ဒီးနပၢ်မၤပျံၤမၤဖုးပှၤဒီးစံးလၢပှၤတဂၤလၢ်လၢ်လၢ အအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢအလိၤတနံၤ အံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 19:13

အန့ၣ်ဝံၤဒီးအဝဲဟံးန့ၣ်အဒူၣ်ဖိထၢဖိအတၢ်ဂီၤသိအသးဒီး ပုာ်မံလီၤအီၤလၢလီၢ်မံခးအဖီခိၣ်, ပာ်ခိၣ်သခၢၣ်လၢတၢ်မၤအီၤလၢမဲာ်တဲးလဲးအဖံးဖဲအခိၣ်န့ၣ်ဒီး လုးဘၢအီၤလၢအဖီခိၣ်လီၤ.