လံာ်ပှၤစံၣ်ညီၣ်ကွီၢ် 18:12 - Sgaw Karen Common Bible

¹² အဝဲသ့ၣ်လဲၤထီၣ်ဒီးသူၣ်ဒဲလၢကံးရယးယဧၤရံၣ်အမုၢ်နုာ်လၢ ကီၢ်ယူဒၤအပူၤလီၤ. မၤသးဒ်န့ၣ်ဒီး, တၢ်လီၢ်အံၤဘၣ်တၢ်ကိးအီၤလၢဒၣ်သူၣ်ဒဲအလီၢ်လီၤ.

လံာ်ပှၤစံၣ်ညီၣ်ကွီၢ် 18:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်စီၤယိၤၡူ 15:60

အိၣ်ဒီးကံးရယးဘဧၤလး (မ့တမ့ၢ်ကံးရယးယဧၤရံၣ်) ဒီးရးဘးန့ၣ်လီၤ. မ့ၢ်ဝ့ၢ်ခံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 15:9

ဖဲန့ၣ်ဝံၤဒီးလဲၤဆူန့ဖတိၤအထံထီၣ် ပၢၢ်ဒီးဟးထီၣ်ဝဲဆူဝ့ၢ်တဖၣ်လၢအအိၣ်လၢကစၢၢ်ဧ့ၤဖရိၣ်အကပၤလီၤ. ဖဲန့ၣ်တရံးအသးဆူဝ့ၢ်ဘဧၤလၤ (မ့တမ့ၢ်ကံးရယးယဧၤရံၣ်,)

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 13:25

ဒီးယွၤအစိကမီၤစးထီၣ်မၤဆူၣ်ထီၣ်အဂံၢ်အဘါဖဲအဝဲအိၣ်လၢ ဝ့ၢ်စိးရၤဒီးဝ့ၢ်အ့ၤၡတိလးအဘၢၣ်စၢၤဖဲပှၤဒၣ်ဖိအသူၣ်ဒဲအလီၢ်ပူၤအခါန့ၣ်လီၤ.

လံာ်ပှၤစံၣ်ညီၣ်ကွီၢ် 18:11

မၤသးဒ်န့ၣ်ဒီး, ပှၤအဂၤဃုကယၤလၢဒၣ်အဒူၣ်ဟးထီၣ်လၢဝ့ၢ်စိးရၤ ဒီးအ့ၤၡတိလးဒီးအိၣ်ကတဲာ်ကတီၤအသးလၢတၢ်ဒုးတၢ်ယၤအဂီၢ်လီၤ.

လံာ်ပှၤစံၣ်ညီၣ်ကွီၢ် 18:13

ဒီးအဝဲသ့ၣ်လဲၤကဒီးဆူညါတုၤလၢစီၤမံၤကါအဟံၣ်အိၣ်လၢအ့ ဖရဲၣ်အကစၢၢ်ကလိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:21

အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ် ဆူပှၤဂီၢ်မုၢ်အိၣ်လၢဝ့ၢ်ကံးရယးယဧၤရံၣ်အပူၤလၢအကစံးဝဲ, “ပှၤဖလ့ၡသးဖိတဖၣ်ဆှၢကဒါက့ၤ ယွၤအတၢ်အၢၣ်လီၤအီလီၤအတလါစီဆှံလံ. ဟဲဒီးဟံးန့ၢ်အီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:1

မၤသးဒ်န့ၣ်ဒီး, ပှၤဂီၢ်မုၢ်လၢဝ့ၢ်ကံးရယးယဧၤရံၣ်မၤန့ၢ်ယွၤ အတၢ်အၢၣ်လီၤအီလီၤအတလါစီဆှံ ဒီးလဲၤစိာ်ဝဲဆူပှၤတဂၤလၢ အမံၤမ့ၢ်စီၤအဘံနဒာ် အဟံၣ်လၢအအိၣ်လၢကစၢၢ်ကလိတဖျၢၣ်အဖီခိၣ်န့ၣ်လီၤ. အဝဲသ့ၣ်ပာ်စီဆှံထီၣ်စီၤအဘံနဒာ်အဖိခွါစီၤအလၤဧၤစၢ်လၢ အကကဲထီၣ်ပှၤအံးထွဲကွၢ်ထွဲတလါစီဆှံန့ၣ်လီၤ.