လံာ်ပှၤစံၣ်ညီၣ်ကွီၢ် 18:10 - Sgaw Karen Common Bible

¹⁰ ဖဲသုတုၤဖဲန့ၣ်ဒီး, သုကထံၣ်လၢပှၤအိၣ်ဖဲန့ၣ်တဖၣ် တပလီၢ်အသးလၢတၢ်နီတမံၤဘၣ်. မ့ၢ်ဝဲကီၢ်ဖးဒိၣ်တဘ့ၣ်လီၤ. အိၣ်ဝဲဒီးတၢ်ကိးမံၤလၢပှၤတဂၤမိၢ်န့ၢ်သးလီအီၤန့ၣ်လီၤ. ဒီးယွၤဟ့ၣ်လီၤအီၤလၢသုစုပူၤလံန့ၣ်လီၤ.”

လံာ်ပှၤစံၣ်ညီၣ်ကွီၢ် 18:10 Iomraidhean Croise

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်သိၣ်လီၤသီလီၤတၢ် 2:29

တုၤလၢပခီဂာ်ကွံာ်ထံကျိယၢ်ဒ့ၣ်ဒီး လဲၤနုာ်ဆူ ကီၢ်တဘ့ၣ်လၢယွၤပကစၢ်ယွၤဟ့ၣ်ပှၤအပူၤန့ၣ်လီၤ. စီၤဧ့ၡီၤ အစၢၤအသွဲၣ်တဖၣ်လၢ အအိၣ်ဝဲဆိးဝဲလၢ ကီၢ်အဒိၣ်အပူၤဒီး ပှၤမိၤအးဖိတဖၣ်လၢ အအိၣ်ဝဲဆိးဝဲလၢ ဝ့ၢ်ဧၢ်, ပျဲပခီဂာ်အလီၢ်ကဝီၤလီၤ.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

လံာ်စီၤယိၤၡူ 2:23

ထဲန့ၣ်ဒီး, ပှၤကွၢ်ဟုၣ်ကွၢ်စူးတၢ်ခံဂၤဟဲက့ၤလီၤလၢကစၢၢ်က လိ, ခီဂာ်ထံကျိ, ဒီးက့ၤကဒါက့ၤဆူစီၤယိၤၡူအအိၣ်လီၤ. အဝဲသ့ၣ်စံးဘၣ်အီၤလၢတၢ်ခဲလၢာ်လၢအမၤအသးဒီးအဝဲသ့ၣ်န့ၣ် လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 6:16

ဖဲလဲၤတရံးဝ့ၢ်နွံဝီန့ၣ်, ပှၤလုၢ်တၢ်အခိၣ်တဖၣ်အူထီၣ်အကွဲၤဒီး, စီၤယိၤၡူစံးဘၣ်ပှၤဂီၢ်မုၢ်, “ကိးပသူထီၣ်တက့ၢ်. ယွၤဟ့ၣ်လီၤသုဝ့ၢ်အံၤလံ.

လံာ်ပှၤစံၣ်ညီၣ်ကွီၢ် 18:11

မၤသးဒ်န့ၣ်ဒီး, ပှၤအဂၤဃုကယၤလၢဒၣ်အဒူၣ်ဟးထီၣ်လၢဝ့ၢ်စိးရၤ ဒီးအ့ၤၡတိလးဒီးအိၣ်ကတဲာ်ကတီၤအသးလၢတၢ်ဒုးတၢ်ယၤအဂီၢ်လီၤ.

လံာ်ပှၤစံၣ်ညီၣ်ကွီၢ် 18:27

တုၤပှၤဒၣ်ဖိတဖၣ်စိာ်ကွံာ်ပှၤလုၢ်တၢ်အခိၣ်ဒီးတၢ်လၢစီၤမံၤကါမၤတ့ၢ်ဝဲတဖၣ်န့ၣ်, အဝဲသ့ၣ်လဲၤဒုးဝ့ၢ်လ့ၡ့ၣ်, လၢအပှၤဂီၢ်မုၢ်အိၣ်ခုၣ်ခုၣ်မုာ်မုာ်ဒီးအိၣ်ကစုဒု, လၢအအိၣ်လၢတၢ်ပျီပူၤတခါဃီဒီးဝ့ၢ်ဘ့ၤသရဃိာ်န့ၣ်လီၤ. အဝဲသ့ၣ်မၤသံကွံာ်ပှၤအိၣ်ဖဲန့ၣ်တဖၣ်ဒီးဒွဲၣ်ကွံာ်ဝ့ၢ်န့ၣ်လၢမ့ၣ်အူလီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 18:9

ဒီးအဝဲသ့ၣ်စံးဆၢ, “မ်ပလဲၤဒုးသကိးဝ့ၢ်လ့ၡ့ၣ်တက့ၢ်. ပထံၣ်ကီၢ်န့ၣ်ဂ့ၤဝဲဒိၣ်မးလီၤ. သုတမၤတၢ်နီတမံၤဒီးအိၣ်ဖဲအံၤတဂ့ၤ. မၤချ့ချ့ဒီးလဲၤနုာ်မၤန့ၢ်အီၤတက့ၢ်.