လံာ်ပှၤစံၣ်ညီၣ်ကွီၢ် 17:6 - Sgaw Karen Common Bible

⁶ ဖဲန့ၣ်အကတီၢ်န့ၣ်စီၤပၤတအိၣ်ဝဲလၢကီၢ်အံၣ်စရ့လးအပူၤနီတဂၤဘၣ်. ဒီးပှၤကိးဂၤမၤဖဲဒၣ်အသးအိၣ်မၤဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:6 Iomraidhean Croise

လံာ်တၢ်ကဲထီၣ်အခီၣ်ထံး 36:31

တချုးဒံးဘၣ်လၢကီၢ်အံၣ်စရ့လးအစီၤပၤအိၣ်ဒံးနီတဂၤန့ၣ်, စီၤပၤလၢလာ်တဖၣ်အံၤပၢကီၢ်အဒိၣ်တဂၤဝံၤတဂၤန့ၣ်လီၤ.

စံးထီၣ်ပတြၢၤ 12:4

“လၢပတၢ်ကတိၤတဖၣ်အဃိ ပဒိးန့ၢ်ဘၣ်တၢ်လၢပလိၣ်ဘၣ်လီၤ. ပကစံးတၢ်လၢပသးအိၣ်စံး ဒီးပှၤတြီပှၤတသ့နီတဂၤဘၣ်လီၤ.”

တၢ်ကတိၤဒိ. 12:15

ပှၤလၢအသူၣ်တထံအသးတဆးတဖၣ်ဆိကမိၣ်ဝဲထီဘိလၢအကျဲန့ၣ်ဘၣ် ဝဲလီၤ. ပှၤကူၣ်သ့တဖၣ်န့ၣ်, ဒိကနၣ်တၢ်ဟ့ၣ်ကူၣ်ဟ့ၣ်ဖးလီၤ.

တၢ်ကတိၤဒိ. 14:12

တၢ်လၢနဆိကမိၣ်မ့ၢ်ကျဲအဘၣ်န့ၣ်, ဆှၢနၤဆူတၢ်သံသ့ဝဲလီၤ.

တၢ်ကတိၤဒိ. 16:2

နကဆိကမိၣ်လၢတၢ်ကိးမံၤဒဲးလၢနမၤအီၤန့ၣ်, ဘၣ်ဝဲလီၤ. ဘၣ်ဆၣ်ဒီးယွၤကွၢ်ထံကွၢ်ဆးနတၢ်ပာ်သူၣ်ပာ်သးတဖၣ်လီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်သိၣ်လီၤသီလီၤတၢ် 12:8

ဖဲတၢ်ဆၢကတီၢ်န့ၣ်ဟဲဝဲဒီးသုတဘၣ်မၤတၢ်ဒ်တၢ်လၢသုမၤတ့ၢ် ခဲအံၤအသိးန့ၣ်ဘၣ်. တုၤလၢခဲကနံၣ်အံၤဒၣ်လဲာ်သုဝဲခဲလၢာ်သု ဘူၣ်ထီၣ်ဘါထီၣ်တၢ်ဒ်အဂ့ၤလၢသုမဲာ်အသိး,

လံာ်သိၣ်လီၤသီလီၤတၢ် 33:5

ယွၤကဲထီၣ်က့ၤအဝဲအပှၤဂီၢ်မုၢ်အံၣ်စရ့လးအစီၤပၤ, ဖဲအဝဲသ့ၣ်အဒူၣ်တဖၣ်ဒီးအခိၣ်အနၢ်တဖၣ်ပာ်ဖှိၣ်ထီၣ်အသးတပူၤဃီ န့ၣ်လီၤ.

လံာ်ပှၤစံၣ်ညီၣ်ကွီၢ် 18:1

ဒီးအကတီၢ်ဖဲန့ၣ်စီၤပၤတအိၣ်ဒံးလၢအံၣ်စရ့လးအပူၤဘၣ်. လၢမုၢ်နံၤတဖၣ်အပူၤန့ၣ်ဒၣ်အဒူၣ်ဃုန့ၢ်တၢ်လီၢ်လၢအတၢ်န့ၢ်သါအဂီၢ် ဒ်သိးကအိၣ်ကဆိးဝဲလၢအပူၤလီၤ. အဂ့ၢ်ဒ်အံၤ, အဝဲသ့ၣ်တဒိးန့ၢ်ဒံးဘၣ်တၢ်လီၢ်နီတတီၤလၢအဂီၢ်ဒၣ်ဝဲ လၢအံၣ်စရ့လးအဒူၣ်တဖၣ်အကျါန့ၣ်ဘၣ်.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 21:25

ဒီးအကတီၢ်ဖဲန့ၣ်, စီၤပၤတအိၣ်ဘၣ်နီတဂၤဘၣ်လၢအံၣ်စရ့လးအပူၤဘၣ်. ပှၤကိးဂၤဒဲးမၤဒ်တၢ်ဘၣ်အသးဒၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 21:3

“ယွၤ, အံၣ်စရ့လးအကစၢ်ဧၢ, ဘၣ်မနုၤလၢတၢ်အံၤဘၣ်မၤအသးန့ၣ်လဲၣ်. ဘၣ်မနုၤဘံၣ်ယၤမံၣ်အဒူၣ်ဘူးတ့ၢ်အကဟါမၢ်ကွံာ်လၢအံၣ်စရ့လး အပူၤလဲၣ်.”