လံာ်ပှၤစံၣ်ညီၣ်ကွီၢ် 17:4 - Sgaw Karen Common Bible

⁴ တုၤနုၤတစု, အဝဲဟ့ၣ်ကဒါက့ၤစ့နီၢ်ဆူအမိၢ်အအိၣ်လီၤ. ဒီးအမိၢ်ဟံးန့ၢ်စ့နီၢ်အဘ့ၣ်ခံကယၤဒီးဟ့ၣ်လီၤအီၤဆူပှၤ ပိာ်စ့တဂၤအအိၣ်မၢအမၤတၢ်ဂီၤတခါလၢအစိးပျၤ အသးလၢသ့ၣ်ဒီးကးဘၢအီၤလၢစ့န့ၣ်လီၤ. တၢ်ဂီၤန့ၣ်တၢ်ပာ်အီၤလၢစီၤမံၤကါအဟံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:4 Iomraidhean Croise

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 44:13

ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ဃဘးကူာ် 2:18

တၢ်ဂီၤတၢ်ဖီၣ်တခါန့ၣ်အဘျုးအိၣ်မနုၤတမံၤလဲၣ်. တၢ်န့ၣ်မ့ၢ်ဒၣ်တၢ်လၢပှၤကညီစိးပျၤတ့ၢ်ဝဲဒီးတ တဲသုလၢတၢ်နီတမံၤဘၣ်. မ့မ့ၢ်ထဲတၢ်လီတၢ်ဝ့ၤလီၤ. ကစၢ်တဂၤလၢအကတိၤတၢ်ဒၣ်လဲာ်တသ့ဘၣ်န့ၣ်, ကမၤတၢ်ဂ့ၤလၢပှၤစိးပျၤအီၤကသန့ၤအသးဒီးအီၤလၢမနုၤတမံၤလဲၣ်.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်ပှၤစံၣ်ညီၣ်ကွီၢ် 17:3

ဒီးအဝဲဟ့ၣ်က့ၤတိၢ်န့ၣ်ဆူအမိၢ်အိၣ်, ဒီးအမိၢ်စံး, “ဒ်သိးတၢ်ဆိၣ်အၢသုတလီၤဘၣ်လၢယဖိခွါအဖီခိၣ်တဂ့ၤန့ၣ်, ယနီၢ်ကစၢ်ဒၣ်ယဲယလုၢ်ထီၣ်စ့နီၢ်အံၤဆူယွၤအအိၣ်လၢတၢ်သညူးသပှၢ်အပူၤန့ၣ်လီၤ. တၢ်အံၤကဘၣ်တၢ်သူအီၤလၢတၢ်ကမၤတၢ်ဂီၤစိးပျၤအသးလၢသ့ၣ်ဒီး ကးဘၢအီၤလၢစ့လီၤ. မၤသးဒ်န့ၣ်ဒီး, ခဲအံၤယကဟ့ၣ်ကဒါက့ၤစ့နီၢ်အံၤဆူနအိၣ်လီၤ.”

လံာ်ပှၤစံၣ်ညီၣ်ကွီၢ် 17:5

ဒီးစီၤမံၤကါအိၣ်ဒီးအတၢ်ဘူၣ်ထီၣ်ဘါထီၣ်အလီၢ်ဒၣ်ဝဲလီၤ. အဝဲမၤတၢ်ဂီၤတနီၤဒီးအ့ဖိးတဘ့ၣ် ဒီးပာ်ထီၣ်အဖိခွါအကျါတဂၤဒ်အပှၤလုၢ်တၢ်အဒိၣ်လီၤ.

လံာ်ပှၤစံၣ်ညီၣ်ကွီၢ် 18:17

ဒီးပှၤကွၢ်ဟုၣ်ကွၢ်စူးတၢ်ယဲၢ်ဂၤန့ၣ်လဲၤဃီၤလိၤလိၤဆူဟံၣ်ပူၤဒီးဟံးန့ၢ် တၢ်ဂီၤစိးပျၤအသးလၢသ့ၣ်ဒီးတၢ်ကးဘၢအီၤလၢစ့နီၢ်, တၢ်ဂီၤအဂၤတဖၣ်ဒီးအ့ဖိးတဘ့ၣ်ဖဲပှၤလုၢ်တၢ်အခိၣ်အိၣ်ဒီး ပှၤစိာ်တၢ်စုကဝဲၤအဂၤဃုကယၤလၢကျဲစၢၤအကတီၢ်န့ၣ်လီၤ.