လံာ်ပှၤစံၣ်ညီၣ်ကွီၢ် 17:3 - Sgaw Karen Common Bible

³ ဒီးအဝဲဟ့ၣ်က့ၤတိၢ်န့ၣ်ဆူအမိၢ်အိၣ်, ဒီးအမိၢ်စံး, “ဒ်သိးတၢ်ဆိၣ်အၢသုတလီၤဘၣ်လၢယဖိခွါအဖီခိၣ်တဂ့ၤန့ၣ်, ယနီၢ်ကစၢ်ဒၣ်ယဲယလုၢ်ထီၣ်စ့နီၢ်အံၤဆူယွၤအအိၣ်လၢတၢ်သညူးသပှၢ်အပူၤန့ၣ်လီၤ. တၢ်အံၤကဘၣ်တၢ်သူအီၤလၢတၢ်ကမၤတၢ်ဂီၤစိးပျၤအသးလၢသ့ၣ်ဒီး ကးဘၢအီၤလၢစ့လီၤ. မၤသးဒ်န့ၣ်ဒီး, ခဲအံၤယကဟ့ၣ်ကဒါက့ၤစ့နီၢ်အံၤဆူနအိၣ်လီၤ.”

လံာ်ပှၤစံၣ်ညီၣ်ကွီၢ် 17:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:7

အဝဲပာ်လီၤတၢ်ဂီၤတၢ်ဖီၣ်တခါလၢယွၤအတၢ်လုၢ်ဟံၣ်အပူၤလီၤ. တၢ်လီၢ်န့ၣ်မ့ၢ်တၢ်လီၢ်ဖဲကစၢ်ယွၤစံးဘၣ်တ့ၢ်စီၤဒၤဝံးဒီးအဖိခွါ စီၤၡလိၤမိၤ, “လၢယွၤအတၢ်လုၢ်ဟံၣ်အပူၤ, ဖဲဝ့ၢ်ယရူၤၡလ့ၣ်အပူၤအံၤ, မ့ၢ်တၢ်လီၢ်တတီၤလၢယဃုထၢတ့ၢ်အီၤလၢကယဲၢ်အံၣ်စရ့လးတဆံခံ ဒူၣ်အလီၢ်ကဝီၤအကျါ, ဒ်တၢ်လီၢ်လၢတၢ်ကဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 20:23

လၢယၤအမဲာ်ညါန့ၣ်, မၤထီၣ်ကစၢ်စ့တဖၣ်မ့ၢ်ဂ့ၤ, ကစၢ်ထူတဖၣ်မ့ၢ်ဂ့ၤလၢသုဂီၢ်ဒ်သိးသုကဘူၣ်ထီၣ်ဘါထီၣ်အီၤတဂ့ၤ.

လံာ်တၢ်ဟးထီၣ်ကွံာ် 20:4

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ.

လံာ်တၢ်ဟးထီၣ်ကွံာ် 34:17

တ့ထီၣ်ယွၤတဖၣ်တဖၣ်လၢတိၢ်ဧိၤထးဧိၤဒီးဘါထီၣ်အီၤတဂ့ၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်တၢ်ဘူၣ်ထီၣ်ဘါထီၣ် 19:4

ဃၣ်ကွံာ်သုသးလၢယၤဒီးဘါထီၣ်တၢ်ဂီၤတၢ်ဖီၣ်တဂ့ၤ. တ့တၢ်ဂီၤလၢတိၢ်ဘီဃါဃုာ်ဒီးထူ, စ့ဒီးဘါထီၣ်အီၤတဂ့ၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

လံာ်သိၣ်လီၤသီလီၤတၢ် 12:3

မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, ဒီးတီၢ်လီၤကလဲကွံာ်အလၢၢ်ထူၣ်စီဆှံတဖၣ်တက့ၢ်. ဆူးထီၣ်ကွံာ်အကစၢ်မုၣ်အၡ့ရၤအတၢ်ပနီၣ်တဖၣ်လၢမ့ၣ်အူ, ဒီးကျီတဲာ်ကွံာ်အဝဲသ့ၣ်အတၢ်ဂီၤတၢ်ဖီၣ်တဖၣ်ဒ်သိးအဝဲသ့ၣ်သု တဘါထီၣ်လၢၤတၢ်လၢတၢ်လီၢ်တဖၣ်အံၤနီတဘျီလၢၤတဂ့ၤအဂီၢ်န့ၣ်တ က့ၢ်.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်ပှၤစံၣ်ညီၣ်ကွီၢ် 17:13

ဒီးစီၤမံၤကါစံး, “ခဲအံၤမ့ၢ်လၢယအိၣ်ဒီးပှၤလ့ၤဝံတဂၤ ဒ်ယပှၤလုၢ်တၢ်အခိၣ်အသိးအဃိဒီးယသ့ၣ်ညါလၢ ယွၤကမၤတၢ်ခဲလၢာ်ဂ့ၤဂ့ၤဘၣ်ဘၣ်လၢယဂီၢ်လီၤ.”

လံာ်ပှၤစံၣ်ညီၣ်ကွီၢ် 17:2

ဒီးအဝဲစံးဘၣ်အမိၢ်, “ဖဲပှၤတဂၤဟုၣ်စ့နီၢ်တကထိတကယၤဘး လၢနအိၣ်န့ၣ်နပာ်တၢ်ဆိၣ်အၢလၢပှၤဟုၣ်တၢ်တဂၤန့ၣ်အဖီခိၣ်လီၤ. ယနၢ်ဟူတ့ၢ်နမၤတၢ်န့ၣ်လီၤ. ကွၢ်ကွၢ်, တိၢ်န့ၣ်အိၣ်လၢယအိၣ်လီၤ. ယမ့ၢ်ပှၤတဂၤလၢအဟံးန့ၢ်အီၤလီၤ.” ဒီးအမိၢ်စံးဘၣ်အီၤ, “ယဖိခွါဧၢ, မ်ယွၤဆိၣ်ဂ့ၤနၤတက့ၢ်.”

လံာ်ပှၤစံၣ်ညီၣ်ကွီၢ် 17:4

တုၤနုၤတစု, အဝဲဟ့ၣ်ကဒါက့ၤစ့နီၢ်ဆူအမိၢ်အအိၣ်လီၤ. ဒီးအမိၢ်ဟံးန့ၢ်စ့နီၢ်အဘ့ၣ်ခံကယၤဒီးဟ့ၣ်လီၤအီၤဆူပှၤ ပိာ်စ့တဂၤအအိၣ်မၢအမၤတၢ်ဂီၤတခါလၢအစိးပျၤ အသးလၢသ့ၣ်ဒီးကးဘၢအီၤလၢစ့န့ၣ်လီၤ. တၢ်ဂီၤန့ၣ်တၢ်ပာ်အီၤလၢစီၤမံၤကါအဟံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:30

ဒီးပှၤဒၣ်ဖိတဖၣ်ဆီလီၤတၢ်ဂီၤစိးပျၤအသးလၢတၢ်ကဘူၣ်ထီၣ် ဘါထီၣ်အီၤအဂီၢ်ဒီးစီၤမိၤၡ့အလံၤ, စီၤက့ရၡိၣ်အဖိခွါ, စီၤယိနၤသၣ်မၤပှၤလုၢ်တၢ်အဒိၣ်အတၢ်ဖံးတၢ်မၤလၢပှၤဒၣ်ဖိတဖၣ်အဂီၢ်လီၤ. ဒီးအစၢၤအသွဲၣ်တဖၣ်မၤပှၤလုၢ်တၢ်အဒိၣ်အတၢ်မၤတုၤလၢပှၤဂီၢ်မုၢ် ဘၣ်တၢ်စိာ်ကွံာ်အီၤဆူတၢ်စိာ်မၢကဲကုၢ်အလီၢ်တစုန့ၣ်လီၤ.

လံာ်ပှၤစံၣ်ညီၣ်ကွီၢ် 18:5

ဒီးအဝဲသ့ၣ်စံးဘၣ်အီၤ, “သံကွၢ်ကစၢ်ယွၤလၢပတၢ်လဲၤအံၤမ့ၢ် အကကဲထီၣ်လိၣ်ထီၣ်ကစီဒီဧါ, န့ၣ်တက့ၢ်.”