လံာ်ပှၤစံၣ်ညီၣ်ကွီၢ် 16:9 - Sgaw Karen Common Bible

⁹ အဝဲအိၣ်ဒီးပှၤတနီၤခိးတၢ်လၢဒၢးအဂၤတဒၢးသတးဒီးကိးပသူ ထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” ဘၣ်ဆၣ်ဒီးစီၤၡံၣ်ၡိၣ်မၤထီၣ်တဲာ်ကွံာ်ချံၣ်အပျံၤတဖၣ်န့ၣ် ဒ်လုၣ်ဖျ့ဖိတဖၣ်တဲာ်ကွံာ်ဖဲအဘၣ်လၢမ့ၣ်အူအခါအသိးန့ၣ်လီၤ. မၤသးဒ်န့ၣ်ဒီး, အဝဲသ့ၣ်တသ့ၣ်ညါစီၤၡံၣ်ၡိၣ်အဂံၢ်အဘါအတၢ်ခူ သူၣ်ဒံးဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:9 Iomraidhean Croise

စံးထီၣ်ပတြၢၤ 58:9

တချုးလၢအဝဲသ့ၣ် သ့ၣ်ညါဒံးတၢ်န့ၣ်ဘၣ်ဒီး, ကဘၣ်တၢ်ကျီကွံာ်အီၤဒ်နီၣ်ဧိၤမံၤဧိၤအသိး, လၢကစၢ်ယွၤအတၢ်သးကဲၤထီၣ်အပူၤန့ၣ်, အဝဲကအူဒံကွံာ်အဝဲသ့ၣ်ဖဲ အအိၣ်မူဒံးအခါ ဒၣ်လဲာ်လီၤ.

လံာ်ပှၤစံၣ်ညီၣ်ကွီၢ် 15:14

ဖဲအဝဲတုၤဃီၤဆူဝ့ၢ်လ့ၤဃံန့ၣ်ပှၤဖလ့ၡသးဖိတဖၣ်ဟဲဃ့ၢ်ဆူအအိၣ်, ဒီးကိးပသူထီၣ်ဝဲလီၤ. သတူၢ်ကလာ်ယွၤအစိကမီၤမၤဆူၣ်ထီၣ်အဂံၢ်အဘါ ဒီးအဝဲမၤထီၣ်တဲာ်ကွံာ်ပျံၤတဖၣ်လၢအစၢဃာ်အစုဒုၣ်စုတီၤ, ဒ်လုၣ်ဖျ့လၢမ့ၣ်အူအီၣ်ကွံာ်အီၤအသိးလီၤ.

လံာ်ပှၤစံၣ်ညီၣ်ကွီၢ် 16:10

ဒီးနီၢ်ဒလံလၤစံးဘၣ်စီၤၡံၣ်ၡိၣ်, “ကွၢ်ကွၢ်, နမၤပျုၢ်ယၤဒီးနတတဲဘၣ်ယၤတၢ်မ့ၢ်တၢ်တီဘၣ်. ဝံသးစူၤတဲယၤလၢပှၤစၢဃာ်နၤကသ့ဒ်လဲၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 16:7

စီၤၡံၣ်ၡိၣ်စံးဆၢ, “အဝဲသ့ၣ်မ့ၢ်စၢယၤလၢချံၣ်အပျံၤအသံ ကစဲာ်နွံဘိန့ၣ်ယဂံၢ်ယဘါကစၢ်လီၤဒ်ပှၤဂၤအသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 16:8

မၤသးဒ်န့ၣ်ဒီး, ပှၤဖလ့ၡသးဖိအစီၤပၤတဖၣ်ဟဲစိာ်န့ၢ်ဝဲ နီၢ်ဒလံလၤလၢချံၣ်အပျံၤအသံကစဲၣ်နွံဘိဒီးအဝဲစၢဃာ်စီၤၡံၣ်ၡိၣ်န့ၣ်လီၤ.