လံာ်ပှၤစံၣ်ညီၣ်ကွီၢ် 16:6 - Sgaw Karen Common Bible

⁶ မၤသးဒ်န့ၣ်, ဒီးနီၢ်ဒလံလၤစံးဘၣ်စီၤၡံၡိၣ်, “ဝံသးစူၤတဲဘၣ်ယၤတၢ်မနုၤမၤဆူၣ်ထီၣ်နဂံၢ်နဘါဆူၣ်ဆူၣ်ကလဲာ်န့ၣ်လဲၣ်. ပှၤမ့ၢ်အဲၣ်ဒိးစၢဃာ်နၤဒ်သိး အကမၤစၢ်လီၤနၤန့ၣ်မၤဝဲကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 16:6 Iomraidhean Croise

လံာ်စီၤနဃ့မယၤ 6:4

ဒီးအဝဲသ့ၣ်ဆှၢန့ၢ်ယၤတၢ်ကစီၣ်တမံၤဃီလွံၢ်ဘျီ, ဒီးယစံးဆၢက့ၤအီၤဒ်အလီၢ်လီၢ်အသိးန့ၣ်လီၤ.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

တၢ်ကတိၤဒိ. 22:14

တၢ်အဲၣ်ဘၢမါအဲၣ်ဘၢဝၤန့ၣ်မ့ၢ်ပျံၤသကွီၤတခါလၢအဖီၣ်န့ၢ်ပှၤ တဖၣ်လၢယွၤသးဒိၣ်ဘၣ်အီၤန့ၣ်လီၤ.

တၢ်ကတိၤဒိ. 26:28

ပျ့ၤလၢအလီတၢ်န့ၣ်သးဟ့ပှၤလၢအဒိးဘၣ်တၢ်မၤနၢၤအီၤတဖၣ်န့ၣ် လီၤ. ဒီးတၢ်ကတိၤပာ်မၤအသးန့ၣ်ဟဲစိာ်တၢ်ကလီ ကလီဒီးတၢ်ဟးဂီၤန့ၣ်လီၤ.

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

တၢ်ကတိၤဒိ. 7:21

ဒီးပိာ်မုၣ်အံၤလ့ပစီအီၤလၢအတၢ်ဃံတၢ်လၤတဖၣ်, ဒီးအဝဲ ဟ့ၣ်လီၤကွံာ်အသးလၢတၢ်ကတိၤလၢအဘျ့မးအပူၤန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မံကၤ 7:5

နာ်ပှၤအိၣ်လၢနဃၢၤမ့တမ့ၢ်သန့ၤနသးလၢနတံၤသကိးတဂ့ၤ. ပလီၢ်နသးလၢတၢ်လၢနစံးဘၣ်နမါဒၣ်လဲာ်တက့ၢ်. လၢဆၢကတီၢ်တဖၣ်အံၤအပူၤ, ဖိခွါတဖၣ်မၤအပၢ်တဖၣ်ဒ်ပှၤဟးဂီၤ ဖိတဖၣ်အသိး,

လံာ်ပှၤစံၣ်ညီၣ်ကွီၢ် 14:17

ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.

လံာ်ပှၤစံၣ်ညီၣ်ကွီၢ် 16:5

ပှၤဖလ့ၡသးဖိအစီၤပၤယဲၢ်ဂၤလဲၤဆူပိာ်မုၣ်အိၣ်ဒီးစံး, “လွဲန့ၣ်စီၤၡံၣ်ၡိၣ်ဒ်သိးအကတဲဘၣ်နၤလၢ ဘၣ်မနုၤအဃိအဂံၢ်အဘါဆူၣ်ဝဲထဲန့ၣ်ညါဒီးပမၤနၢၤအီၤ, စၢအီၤဒီးမၤစၢ်လီၤအဂံၢ်အဘါကသ့ဒ်လဲၣ်အဂ့ၢ်တက့ၢ်. ပဝဲတဂၤစုာ်စုာ်ကဟ့ၣ်နၤစ့နီၢ်အဘ့ၣ်တကထိတကယၤန့ၣ်လီၤ.”

လံာ်ပှၤစံၣ်ညီၣ်ကွီၢ် 16:7

စီၤၡံၣ်ၡိၣ်စံးဆၢ, “အဝဲသ့ၣ်မ့ၢ်စၢယၤလၢချံၣ်အပျံၤအသံ ကစဲာ်နွံဘိန့ၣ်ယဂံၢ်ယဘါကစၢ်လီၤဒ်ပှၤဂၤအသိးန့ၣ်လီၤ.”