လံာ်ပှၤစံၣ်ညီၣ်ကွီၢ် 16:5 - Sgaw Karen Common Bible

⁵ ပှၤဖလ့ၡသးဖိအစီၤပၤယဲၢ်ဂၤလဲၤဆူပိာ်မုၣ်အိၣ်ဒီးစံး, “လွဲန့ၣ်စီၤၡံၣ်ၡိၣ်ဒ်သိးအကတဲဘၣ်နၤလၢ ဘၣ်မနုၤအဃိအဂံၢ်အဘါဆူၣ်ဝဲထဲန့ၣ်ညါဒီးပမၤနၢၤအီၤ, စၢအီၤဒီးမၤစၢ်လီၤအဂံၢ်အဘါကသ့ဒ်လဲၣ်အဂ့ၢ်တက့ၢ်. ပဝဲတဂၤစုာ်စုာ်ကဟ့ၣ်နၤစ့နီၢ်အဘ့ၣ်တကထိတကယၤန့ၣ်လီၤ.”

လံာ်ပှၤစံၣ်ညီၣ်ကွီၢ် 16:5 Iomraidhean Croise

လံာ်တၢ်ကဲထီၣ်အခီၣ်ထံး 33:16

ဒီးလၢတနံၤဃီန့ၣ်စီၤဧ့ၡီၤစးထီၣ်က့ၤကဒါက့ၤဝဲဆူကီၢ် အဒိၣ်န့ၣ်လီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်ပှၤစံၣ်ညီၣ်ကွီၢ် 14:15

လၢလွံၢ်သီတသီအနံၤန့ၣ်အဝဲသ့ၣ်စံးဘၣ်စီၤၡံၣ်ၡိၣ်အမါ, “က့ၤသံကွၢ်ခူသူၣ်နဝၤဒ်သိးကတဲပှၤလၢတၢ်ပှိၤပှံပှိၤပှီၢ် အခီပညီမ့ၢ်တၢ်မနုၤမနုၤတက့ၢ်. နမ့ၢ်တမၤဒ်န့ၣ်ဒီးပကဆူးကဲၤထီၣ် နပၢ်အဟံၣ်လၢမ့ၣ်အူဒီးဒွဲၣ်ကွံာ်နၤဃုာ်ဒီးအီၤန့ၣ်လီၤ. သုဝဲခံဂၤအံၤသုကွဲပှၤဒ်သိးသုကဂုာ်န့ၢ်တၢ်လၢပအိၣ်လီၤ တမ့ၢ်ဘၣ်ဧါ.”

လံာ်ပှၤစံၣ်ညီၣ်ကွီၢ် 16:4

တၢ်န့ၣ်အလီၢ်ခံ, စီၤၡံၣ်ၡိၣ်အဲၣ်ဘၣ်ပိာ်မုၣ်တဂၤလၢအမံၤမ့ၢ် နီၢ်ဒလံလၤလၢအအိၣ်ဝဲဖဲစိရ့းအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:6

မၤသးဒ်န့ၣ်, ဒီးနီၢ်ဒလံလၤစံးဘၣ်စီၤၡံၡိၣ်, “ဝံသးစူၤတဲဘၣ်ယၤတၢ်မနုၤမၤဆူၣ်ထီၣ်နဂံၢ်နဘါဆူၣ်ဆူၣ်ကလဲာ်န့ၣ်လဲၣ်. ပှၤမ့ၢ်အဲၣ်ဒိးစၢဃာ်နၤဒ်သိး အကမၤစၢ်လီၤနၤန့ၣ်မၤဝဲကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 17:2

ဒီးအဝဲစံးဘၣ်အမိၢ်, “ဖဲပှၤတဂၤဟုၣ်စ့နီၢ်တကထိတကယၤဘး လၢနအိၣ်န့ၣ်နပာ်တၢ်ဆိၣ်အၢလၢပှၤဟုၣ်တၢ်တဂၤန့ၣ်အဖီခိၣ်လီၤ. ယနၢ်ဟူတ့ၢ်နမၤတၢ်န့ၣ်လီၤ. ကွၢ်ကွၢ်, တိၢ်န့ၣ်အိၣ်လၢယအိၣ်လီၤ. ယမ့ၢ်ပှၤတဂၤလၢအဟံးန့ၢ်အီၤလီၤ.” ဒီးအမိၢ်စံးဘၣ်အီၤ, “ယဖိခွါဧၢ, မ်ယွၤဆိၣ်ဂ့ၤနၤတက့ၢ်.”

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:6

စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.