လံာ်ပှၤစံၣ်ညီၣ်ကွီၢ် 16:4 - Sgaw Karen Common Bible

⁴ တၢ်န့ၣ်အလီၢ်ခံ, စီၤၡံၣ်ၡိၣ်အဲၣ်ဘၣ်ပိာ်မုၣ်တဂၤလၢအမံၤမ့ၢ် နီၢ်ဒလံလၤလၢအအိၣ်ဝဲဖဲစိရ့းအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:4 Iomraidhean Croise

လံာ်စီၤပၤအခီၣ်ထံးတဘ့ၣ် 11:1

စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

တၢ်ကတိၤဒိ. 22:14

တၢ်အဲၣ်ဘၢမါအဲၣ်ဘၢဝၤန့ၣ်မ့ၢ်ပျံၤသကွီၤတခါလၢအဖီၣ်န့ၢ်ပှၤ တဖၣ်လၢယွၤသးဒိၣ်ဘၣ်အီၤန့ၣ်လီၤ.

တၢ်ကတိၤဒိ. 23:27

ဃဲသဲမုၣ်တဖၣ်ဒီးပိာ်မုၣ်ဟးဂီၤတဖၣ်န့ၣ်မ့ၢ်တၢ်သံအပျံၤ သကွီၤလီၤ.

တၢ်ကတိၤဒိ. 26:11

ပှၤအမၢးတဂၤလၢအမၤကဒီးတၢ်ဟးဂီၤအတၢ်မၤခံစုတစုတစုန့ၣ်, လီၤဂာ်ဒ်ထွံၣ်တဒုက့ၤကဒါက့ၤဆူအတၢ်ဘှိးအသိးန့ၣ်လီၤ.

တၢ်ကတိၤဒိ. 27:22

နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

1 ကရံၣ်သူး 10:6

ခဲကနံၣ်အံၤတၢ်သ့ၣ်တဖၣ်အံၤခဲလၢာ်မ့ၢ်ဝဲတၢ်အဒိအတဲာ် လၢပဂီၢ်, ဒ်သိးအကဟ့ၣ်ပလီၢ်ပှၤလၢပသုတသးကွံတၢ် အၢတၢ်သီတဖၣ်ဒ်အဝဲသ့ၣ်သးကွံတ့ၢ်ဝဲတဂ့ၤ.

လံာ်ပှၤစံၣ်ညီၣ်ကွီၢ် 16:3

ဘၣ်ဆၣ်ဒီးစီၤၡံၣ်ၡိၣ်အိၣ်လၢလီၢ်မံခိၣ်တုၤဒၣ်ဖးဖီမုၢ်လီၤ. ဝံၤဒီးအဝဲဂဲၤဆၢထၢၣ်ဟံးဃာ်ဝ့ၢ်အတြဲၤ, ထုးထီၣ်ကွံာ်အီၤဃုာ်ဒီးတြဲၤတဖၣ်, တြဲၤအထူၣ်တဖၣ်, နီၣ်ဝံၣ်ခံဒီးတၢ်အဂၤခဲလၢာ်လီၤ. အဝဲပာ်ထီၣ်တၢ်တဖၣ်န့ၣ်လၢအဖံဘၣ်ခိၣ်ဒီးစိာ်ကွံာ်အီၤဆူ တၢ်လူၢ်ဒီခိၣ်ဖဲတၢ်ကွၢ်စိဃီၤဝ့ၢ်ဃ့ဘြိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:5

ပှၤဖလ့ၡသးဖိအစီၤပၤယဲၢ်ဂၤလဲၤဆူပိာ်မုၣ်အိၣ်ဒီးစံး, “လွဲန့ၣ်စီၤၡံၣ်ၡိၣ်ဒ်သိးအကတဲဘၣ်နၤလၢ ဘၣ်မနုၤအဃိအဂံၢ်အဘါဆူၣ်ဝဲထဲန့ၣ်ညါဒီးပမၤနၢၤအီၤ, စၢအီၤဒီးမၤစၢ်လီၤအဂံၢ်အဘါကသ့ဒ်လဲၣ်အဂ့ၢ်တက့ၢ်. ပဝဲတဂၤစုာ်စုာ်ကဟ့ၣ်နၤစ့နီၢ်အဘ့ၣ်တကထိတကယၤန့ၣ်လီၤ.”