လံာ်ပှၤစံၣ်ညီၣ်ကွီၢ် 16:25 - Sgaw Karen Common Bible

²⁵ ဖဲအဝဲသ့ၣ်ဟဲစိာ်ထီၣ်စီၤၡံၣ်ၡိၣ်လၢဃိာ်ပူၤန့ၣ်အဝဲသ့ၣ်မၢ အမၤသးဖှံအီၤဒီးမၢအဆၢထၢၣ်လၢတၢ်အထူၣ်တဖၣ်အကဆူးန့ၣ်လီၤ. ဖဲပှၤဂီၢ်မုၢ်ထံၣ်အီၤန့ၣ်အဝဲသ့ၣ်သးဝံၣ်စံးထီၣ်ပတြၢၤအကစၢ်, “ပကစၢ်ဟ့ၣ်လံပှၤလၢတၢ်မၤနၢၤပဒုၣ်ပဒါလၢ အမၤဟးဂူာ်ဟးဂီၤပကီၢ်ဒီးမၤသံတ့ၢ်ပှၤအါဂၤန့ၣ်လံ.”

လံာ်ပှၤစံၣ်ညီၣ်ကွီၢ် 16:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤပၤအခီၣ်ထံးတဘ့ၣ် 20:12

စီၤပၤဘ့ၣ်ဟဒးဒိးန့ၢ်ဘၣ်စီၤအၤဃာ်အတၢ်စံးဆၢဖဲအဝဲဒီး အသိၣ်အမှံၤတဖၣ်, ပှၤပၢတၢ်အဂၤတဖၣ်, အီသကိးတၢ်လၢအဒဲတဖၣ်အပူၤအခါန့ၣ်လီၤ. အဝဲဟ့ၣ်လီၤအကလုၢ်လၢအပှၤတဖၣ်ကကတဲာ်ကတီၤထီၣ်အသးလၢကလဲၤထီၣ် ဒုးဝ့ၢ်န့ၣ်, သတးဒီးအဝဲသ့ၣ်ဟံးန့ၢ်အလီၢ်လၢကဒုးတၢ်အဂီၢ်န့ၣ်လီၤ.

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

စံးထီၣ်ပတြၢၤ 69:26

အဂ့ၢ်ဒ်အံၤ, အဝဲသ့ၣ်မၤအၢမၤသီပှၤလၢ နသိၣ်ဃီၣ်တ့ၢ်အီၤတဖၣ်, အဝဲသ့ၣ်စံးကတိၤပှၤလၢနမၤဆါတ့ၢ်အီၤ အတၢ်နးတၢ်ဖှီၣ်အဂ့ၢ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်မးသဲ 27:29

တုၤနုၤတစုအဝဲသ့ၣ်မၤန့ၢ်အီၤလၢတၤဆှုၣ်အခိၣ်သလုးတဖျၢၣ်, ဒီးဒုးကၢၢ်ထီၣ်အီၤဝံၤ, ဟ့ၣ်ဒုးစိာ်အီၤတပိၢ်တဘိလၢအစုထွဲတခီန့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢ ယ့ၣ်ၡူးအမဲာ်ညါ, ဒီးဒုၣ်ဒွဲၣ်နံၤဘၣ်ဖၣ်လဲအီၤဒီးစံး, “ပဟ့ၣ်နၤတၢ်ယူးယီၣ် လီၤယူဒၤအစီၤပၤဧၢ.”

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

လံာ်ပှၤစံၣ်ညီၣ်ကွီၢ် 16:24

အဝဲသ့ၣ်မုာ်လၤသးခုသကိးဒီးစံး, “ကိးစီၤၡံၣ်ၡိၣ်ဒီးမ်ပကမၢအမၤသးဖှံပှၤတက့ၢ်.”

လံာ်ပှၤစံၣ်ညီၣ်ကွီၢ် 16:26

စီၤၡံၣ်ၡိၣ်စံးဘၣ်ဖိသၣ်ပိာ်ခွါလၢအဟံးအစုနဲၣ်အီၤကျဲန့ၣ်, “ပျဲယထိးဘၣ်ထူၣ်လၢအစိာ်ဃာ်တၢ်သူၣ်ထီၣ်တက့ၢ်. တၢ်မိၣ်သန့ၤလီၤယသးလၢအီၤလီၤ.”

လံာ်ပှၤစံၣ်ညီၣ်ကွီၢ် 18:20

တၢ်အံၤမၤသးခုပှၤလုၢ်တၢ်အခိၣ်အါမးအဃိအဝဲဟံးန့ၢ် တၢ်အပီးအလီစီဆှံတဖၣ်ဒီးလဲၤဃုာ်ဒီးအဝဲသ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:6

ဒီးပှၤခံဂၤန့ၣ်ဆ့ၣ်နီၤဒီးအီၣ်သကိးအီသကိးတၢ်လီၤ. တုၤနုၤတစု ပိာ်မုၣ်ဖိအပၢ်န့ၣ်စံးဘၣ်အီၤ, “မံဖဲအံၤတနၤဒီးမၤမုာ်နသးတက့ၢ်.”

လံာ်ပှၤစံၣ်ညီၣ်ကွီၢ် 19:9

ဖဲပှၤတဂၤန့ၣ်, ဒီးအသံၣ်မါဒီးအခ့အပှၤကဟးထီၣ်အဆၢန့ၣ်ပိာ် မုၣ်ဖိအပၢ်စံးအီၤ, “ကွၢ်ကွၢ်, ဘူးမုၢ်ကဟါလံ. နကြၢးအိၣ်ကဒီးအသီတနၤလီၤ. တၢ်ကခံးလီၤလီၤ. အိၣ်ဖဲအံၤဒီးမၤမုာ်နသးတက့ၢ်. ခဲမုၢ်ဆ့ၣ်နဂဲၤထၢၣ်ဂီၤဂီၤဒီးက့ၤဆူဟံၣ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.