လံာ်ပှၤစံၣ်ညီၣ်ကွီၢ် 16:20 - Sgaw Karen Common Bible

²⁰ တုၤနုၤတစု, ပိာ်မုၣ်န့ၣ်ကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” အဝဲပၢၢ်ထီၣ်ဒီးဆိကမိၣ်ဝဲ, “ယကထူၣ်ဖျဲးထီၣ်ဒ်ကိးဘျီဒဲးအသိးန့ၣ်လီၤ.” အဝဲတသ့ၣ်ညါဝဲလၢယွၤလဲၤသဒၣ်ကွံာ်အီၤလံန့ၣ်ဘၣ်.

လံာ်ပှၤစံၣ်ညီၣ်ကွီၢ် 16:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ဟိၤၡ့ 7:9

ဒီးတသ့ၣ်ညါလီၤက့ၤအသးလၢ, တၢ်သန့ၤထီၣ်သးလၢပှၤတခီ ဘီမုၢ်ဖိတဖၣ်အံၤန့ၣ်, ဂုာ်ဆူၣ်ပျီဆူၣ်ကွံာ်အဝဲသ့ၣ်အ ဂံၢ်အဘါန့ၣ်ဘၣ်. အဝဲသ့ၣ်အမုၢ်နံၤတဖၣ်ဘၣ်တၢ်ဂံၢ်အီၤလံ, ဘၣ်ဆၣ်အဝဲသ့ၣ်တသ့ၣ်ညါဝဲဒၣ်လဲာ်ဘၣ်န့ၣ်လီၤ.

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

လံာ်မးသဲ 17:16

ယဟဲဆှၢဆူနပျဲၢ်နဘီၣ်တဖၣ်အအိၣ်, ဘၣ်ဆၣ်အဝဲသ့ၣ်မၤဘျါအီၤတသ့ဘၣ်.”

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 7:12

အဃိသတးဒီးပှၤအံၣ်စရ့လးဖိဆၢထၢၣ်လၢအဒုၣ်အဒါတဖၣ်အမဲာ်ညါ တသ့ဘၣ်. အဝဲသ့ၣ်ဂုၤက့ၤလၢအဒုၣ်အဒါတဖၣ်အအိၣ်န့ၣ်, မ့ၢ်လၢအဝဲသ့ၣ်အကစၢ်ဒၣ်ဝဲဘၣ်တၢ်စံၣ်ညီၣ်ဃၣ်အီၤဒ်သိးကတုၤဆူ တၢ်ဟးဂီၤအဃိလီၤ. မ့တမ့ၢ်လၢသုမၤဟးဂီၤကွံာ်တၢ်လၢအဘၣ်တၢ်ဆိၣ်အၢတ့ၢ်တဖၣ်ဒီး ယတအိၣ်လၢၤဒီးသုဘၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 16:14

တုၤနုၤတစု, နီၢ်ဒလံလၤမၤမံအီၤ, ဟံးန့ၢ်အခိၣ်သူနွံပျ့ ဒီးထါအီၤလၢထၣ်အပူၤန့ၣ်လီၤ. ဒီးမၤဃံးတံၢ်အီၤလၢနီၣ်ပျၤစူတဘိ ဝံၤကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” ဘၣ်ဆၣ်ဒီးအဝဲပၢၢ်ထီၣ်ဒီးထုးထီၣ်ကွံာ်အခိၣ်သူလၢထၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:19

ဒီးနီၢ်ဒလံလၤမၤမံစီၤၡံၣ်ၡိၣ်လၢအကံၣ်ဒုၣ်အလိၤဝံၤဒီး ကိးန့ၢ်ပှၤတဂၤလၢကလူၤကွံာ်စီၤၡံၣ်ၡိၣ်အခိၣ်သူနွံပျ့န့ၣ်လီၤ. ဒီးပိာ်မုၣ်န့ၣ်စးထီၣ်မၤဆါအီၤနးနးကလဲာ်မ့ၢ်လၢ အဂံၢ်အဘါလီၤမၢ်ကွံာ်ဝဲအဃိလီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:3

ဘၣ်ဆၣ်ဒီးစီၤၡံၣ်ၡိၣ်အိၣ်လၢလီၢ်မံခိၣ်တုၤဒၣ်ဖးဖီမုၢ်လီၤ. ဝံၤဒီးအဝဲဂဲၤဆၢထၢၣ်ဟံးဃာ်ဝ့ၢ်အတြဲၤ, ထုးထီၣ်ကွံာ်အီၤဃုာ်ဒီးတြဲၤတဖၣ်, တြဲၤအထူၣ်တဖၣ်, နီၣ်ဝံၣ်ခံဒီးတၢ်အဂၤခဲလၢာ်လီၤ. အဝဲပာ်ထီၣ်တၢ်တဖၣ်န့ၣ်လၢအဖံဘၣ်ခိၣ်ဒီးစိာ်ကွံာ်အီၤဆူ တၢ်လူၢ်ဒီခိၣ်ဖဲတၢ်ကွၢ်စိဃီၤဝ့ၢ်ဃ့ဘြိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:9

အဝဲအိၣ်ဒီးပှၤတနီၤခိးတၢ်လၢဒၢးအဂၤတဒၢးသတးဒီးကိးပသူ ထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” ဘၣ်ဆၣ်ဒီးစီၤၡံၣ်ၡိၣ်မၤထီၣ်တဲာ်ကွံာ်ချံၣ်အပျံၤတဖၣ်န့ၣ် ဒ်လုၣ်ဖျ့ဖိတဖၣ်တဲာ်ကွံာ်ဖဲအဘၣ်လၢမ့ၣ်အူအခါအသိးန့ၣ်လီၤ. မၤသးဒ်န့ၣ်ဒီး, အဝဲသ့ၣ်တသ့ၣ်ညါစီၤၡံၣ်ၡိၣ်အဂံၢ်အဘါအတၢ်ခူ သူၣ်ဒံးဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:14

ယွၤအသးမုၢ်စီဆှံဟးထီၣ်ကွံာ်လၢစီၤစီလူးအအိၣ်ဒီးသးအအၢ တဖျၢၣ်လၢအဘၣ်တၢ်ဆှၢလီၤအီၤလၢယွၤန့ၣ်မၤနးမၤဖှီၣ်အီၤ လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:10

လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,

လံာ်စီၤၡမူၤအ့လးအခီၣ်ထံးတဘ့ၣ် 18:12

စီၤစီလူးပျံၤဘၣ်စီၤဒၤဝံးလီၤ. အဂ့ၢ်ဒ်အံၤ, ယွၤအိၣ်ဒီးစီၤဒၤဝံးဘၣ်ဆၣ်ဒီးမ့မ့ၢ်အဝဲဒၣ်တခီယွၤညိ ကွံာ်တ့ၢ်အီၤအဃိလီၤ.