လံာ်ပှၤစံၣ်ညီၣ်ကွီၢ် 16:2 - Sgaw Karen Common Bible

² ဒီးပှၤဂါစၤဖိတဖၣ်သ့ၣ်ညါဝဲလၢစီၤၡံၣ်ၡိၣ်အိၣ်ဖဲန့ၣ်အဃိ အဝဲသ့ၣ်ကဝီၤဃးတၢ်လီၢ်န့ၣ်ဒီးခိးအီၤသီတနၤကျၢၤလၢဝ့ၢ်အပဲတြီန့ၣ်လီၤ. အဝဲသ့ၣ်အိၣ်ဃိကလာ်ဒီနၤဒီးဆိကမိၣ်လၢအသးပူၤ, “ပကခိးတုၤမုၢ်ဆ့ၣ်ထီၣ်ဒီးပကမၤသံကွံာ်အီၤလီၤ.”

လံာ်ပှၤစံၣ်ညီၣ်ကွီၢ် 16:2 Iomraidhean Croise

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်လူၤကၣ် 21:20

ဖဲသုထံၣ်ဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤလၢသုးမုၢ်သံၣ်ဘိ တဖၣ်လံန့ၣ်, သုကဘၣ်သ့ၣ်ညါလၢတယံာ်ဘၣ်ဒီးအဝဲဒၣ်ကဘၣ်တၢ်မၤဟးဂီၤ အီၤန့ၣ်လီၤ.

မၤတၢ် 23:15

လၢတၢ်န့ၣ်အဃိခဲကနံၣ်အံၤ, သုဝဲဒီးကီၣ်ကးမၤလိာ်ရိမ့ၤသုးဖိတကထိအခိၣ်လၢအကဟဲ ဆှၢစီၤပီလူးဆူသုအိၣ်, ပာ်မၤသုသးလၢသုအဲၣ်ဒိးသ့ၣ်ညါလီၤတံၢ်ဂ့ၤထီၣ်အဝဲ အဂ့ၢ်အကျိၤန့ၣ်တက့ၢ်. မ့မ့ၢ်ပဝဲ, ပကအိၣ်ကတဲာ်ကတီၤ ပသးလၢပကမၤသံအီၤတချုးအဝဲဒၣ်ဟဲတုၤဖဲအံၤန့ၣ်လီၤ.”

မၤတၢ် 9:24

ဘၣ်ဆၣ်အဝဲဒၣ်ဘၣ်တၢ်ဒုးသ့ၣ်ညါအီၤလၢအဝဲသ့ၣ် အတၢ်ကူၣ်အၢအီၤအဂ့ၢ်န့ၣ်လီၤ. အဝဲသ့ၣ်အိၣ်ခိးကွၢ်ဟုၣ်တၢ်ဖဲဝ့ၢ်အတြဲၤန့ၣ်လၢမုၢ်ဆါဒီး မုၢ်နၤ, လၢကမၤသံကွံာ်အီၤအဂီၢ်လီၤ.

လံာ်ပှၤစံၣ်ညီၣ်ကွီၢ် 15:18

တုၤနုၤတစု, စီၤၡံၣ်ၡိၣ်အသးသူထံနးမးအဃိအဝဲကိးထီၣ်ယွၤ ဒီးစံး, “နဟ့ၣ်ယၤလၢတၢ်မၤနၢၤဖးဒိၣ်အံၤ, ဒီးခဲအံၤမ့ၢ်ယကဘၣ်သံ လၢယသးသူထံအဃိဒီးဘၣ်တၢ်ဖီၣ်န့ၢ်ယၤလၢပှၤဖလ့ၡသးဖိ လၢတစူၢ်တနာ်ယွၤတဖၣ်န့ၣ်ဧါ.”

လံာ်ပှၤစံၣ်ညီၣ်ကွီၢ် 16:3

ဘၣ်ဆၣ်ဒီးစီၤၡံၣ်ၡိၣ်အိၣ်လၢလီၢ်မံခိၣ်တုၤဒၣ်ဖးဖီမုၢ်လီၤ. ဝံၤဒီးအဝဲဂဲၤဆၢထၢၣ်ဟံးဃာ်ဝ့ၢ်အတြဲၤ, ထုးထီၣ်ကွံာ်အီၤဃုာ်ဒီးတြဲၤတဖၣ်, တြဲၤအထူၣ်တဖၣ်, နီၣ်ဝံၣ်ခံဒီးတၢ်အဂၤခဲလၢာ်လီၤ. အဝဲပာ်ထီၣ်တၢ်တဖၣ်န့ၣ်လၢအဖံဘၣ်ခိၣ်ဒီးစိာ်ကွံာ်အီၤဆူ တၢ်လူၢ်ဒီခိၣ်ဖဲတၢ်ကွၢ်စိဃီၤဝ့ၢ်ဃ့ဘြိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:11

မုၢ်တနၤဃီန့ၣ်, စီၤစီလူးမၢလီၤပှၤလဲၤခိးကွၢ်စီၤဒၤဝံး အဟံၣ်ဒီးမၢအမၤသံကွံာ်အီၤလၢမုၢ်ဆ့ၣ်ထီၣ်န့ၣ်လီၤ. စီၤဒၤဝံးအမါနီၢ်မံကၤလးဟ့ၣ်ပလီၢ်အီၤ, “နမ့ၢ်တဟးထီၣ်ကွံာ်တနၤညါအံၤန့ၣ်, ခဲမုၢ်ဆ့ၣ်နကသံလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:26

စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.