လံာ်ပှၤစံၣ်ညီၣ်ကွီၢ် 16:18 - Sgaw Karen Common Bible

¹⁸ ဖဲနီၢ်ဒလံလၤသ့ၣ်ညါသပှၢ်တၢၢ်လၢအဝဲတဲဘၣ်အီၤတၢ်မ့ၢ်တၢ်တီလံန့ၣ်, အဝဲဆှၢလီၤတၢ်ကစီၣ်ဆူပှၤဖလ့ၡသးဖိအစီၤပၤတဖၣ်အအိၣ်ဒီးစံး, “ဟဲကဒီးတဘျီတက့ၢ်. အဝဲတဲဘၣ်ယၤတၢ်မ့ၢ်တၢ်တီ လံ.” တုၤနုၤတစု, အဝဲသ့ၣ်ဟဲဒီးစိာ်ဃုာ်ဒီးတိၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:18 Iomraidhean Croise

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

တၢ်ကတိၤဒိ. 18:8

တၢ်သီၣ်ဝံသဲကလၤပှၤအဂ့ၢ်မ့ၢ်တၢ်လၢအဝံၣ်ဘဲဒိၣ်မးဒီး ပအဲၣ်ဒိးယူၢ်လီၤကွံာ်အီၤဒိၣ်မးလီၤ.

လံာ်တၢ်ဂံၢ် 22:7

မၤသးဒ်န့ၣ်ဒီးပှၤမိၤအးဖိဒီးပှၤမံးဒယၣ်ဖိအခိၣ်အနၢ်တဖၣ် စိာ်ထီၣ်တၢ်အဘူးအလဲလၢတၢ်ဆိၣ်အၢအဂီၢ်ဒီးလဲၤဆူ စီၤဘံးလၣ်အအိၣ်ဒီးတဲဘၣ်အီၤလၢစီၤဘၤလးအတၢ်ကစီၣ်န့ၣ်လီၤ.

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

လံာ်ပှၤစံၣ်ညီၣ်ကွီၢ် 16:17

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”

လံာ်ပှၤစံၣ်ညီၣ်ကွီၢ် 16:19

ဒီးနီၢ်ဒလံလၤမၤမံစီၤၡံၣ်ၡိၣ်လၢအကံၣ်ဒုၣ်အလိၤဝံၤဒီး ကိးန့ၢ်ပှၤတဂၤလၢကလူၤကွံာ်စီၤၡံၣ်ၡိၣ်အခိၣ်သူနွံပျ့န့ၣ်လီၤ. ဒီးပိာ်မုၣ်န့ၣ်စးထီၣ်မၤဆါအီၤနးနးကလဲာ်မ့ၢ်လၢ အဂံၢ်အဘါလီၤမၢ်ကွံာ်ဝဲအဃိလီၤ.

လံာ်ပှၤစံၣ်ညီၣ်ကွီၢ် 16:5

ပှၤဖလ့ၡသးဖိအစီၤပၤယဲၢ်ဂၤလဲၤဆူပိာ်မုၣ်အိၣ်ဒီးစံး, “လွဲန့ၣ်စီၤၡံၣ်ၡိၣ်ဒ်သိးအကတဲဘၣ်နၤလၢ ဘၣ်မနုၤအဃိအဂံၢ်အဘါဆူၣ်ဝဲထဲန့ၣ်ညါဒီးပမၤနၢၤအီၤ, စၢအီၤဒီးမၤစၢ်လီၤအဂံၢ်အဘါကသ့ဒ်လဲၣ်အဂ့ၢ်တက့ၢ်. ပဝဲတဂၤစုာ်စုာ်ကဟ့ၣ်နၤစ့နီၢ်အဘ့ၣ်တကထိတကယၤန့ၣ်လီၤ.”