လံာ်ပှၤစံၣ်ညီၣ်ကွီၢ် 16:16 - Sgaw Karen Common Bible

¹⁶ ဒီးပိာ်မုၣ်န့ၣ်သံကွၢ်ဆူၣ်အီၤတနံၤဘၣ်တနံၤလီၤ. အဝဲအသးအ့န့ဒီးလီၤဘှံးဝဲလၢပိာ်မုၣ်အံၤမၤတံာ်တာ်အီၤ လၢတၢ်န့ၣ်အဃိ,

လံာ်ပှၤစံၣ်ညီၣ်ကွီၢ် 16:16 Iomraidhean Croise

လံာ်စီၤယိၤဘး 21:4

ယဲဒၣ်အံၤယဂ့ၢ်လိာ်ဘှီလိာ်ဒီးပှၤကညီစ့ၢ်ကီးဧါ. ယအိၣ်ဒီးတၢ်အဂ့ၢ်အခၢးလၢ အဂ့ၤလၢ ယသု တသးစူၤတဂ့ၤလီၤ.

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်လူၤကၣ် 11:8

အန့ၣ်ဒီး, တၢ်ကမၤအသးဒ်လဲၣ်. ယစံးဘၣ်တဲဘၣ်သု, အဝဲမ့ၢ်တဂဲၤဆၢထၢၣ်ဒီးဟ့ၣ်နၤကိၣ်လၢနမ့ၢ်အတံၤသကိး အဃိဘၣ်ဆၣ်ဒီး, အဝဲဒၣ်ကဂဲၤဆၢထၢၣ်ဟ့ၣ်နၤတၢ်ခဲလၢာ်ခဲဆ့လၢ နလိၣ်ဘၣ်အီၤမ့ၢ်လၢနဃ့ဝံၤဃ့က့ၤတၢ်န့ၣ်နတမဲာ်ဆှးဘၣ် အဃိလီၤ.

လံာ်လူၤကၣ် 18:5

မ့ၢ်လၢမုၣ်ကမဲတဂၤအံၤမၤတံာ်တာ်ယၤထဲထဲအံၤအဃိယကကွၢ် သုးကျဲၤဒ်သိးအဝဲဒၣ်ကဒိးန့ၢ်ဘၣ်အခွဲးအယာ်တဖၣ်လီၤ. မ့တမ့ၢ်ဘၣ်ဒီး အဝဲဒၣ်ကဟဲဒံးဆူယအိၣ်ထီဘိ, ဒီးလၢခံကတၢၢ်န့ၣ် ကဟ့ၣ်ယၤတၢ်ဘှံးသူၣ်တီၤသးအဒိၣ်အမုၢ်လီၤ.’ ”

လံာ်ပှၤစံၣ်ညီၣ်ကွီၢ် 14:16

မၤသးဒ်န့ၣ်ဒီး, စီၤၡံၣ်ၡိၣ်အမါက့ၤဆူအအိၣ်လၢမဲာ်ထံမဲာ်နိဒီးစံး, “နတအဲၣ်ယၤဘၣ်. နသးဟ့ယၤလီၤ. နတဲဘၣ်တၢ်ပှိၤပှံပှိၤပှီၢ်လၢဒီးနတတဲဘၣ်ယၤ လၢအခီပညီဘၣ်.” စီၤၡံၣ်ၡိၣ်စံး, “ကွၢ်လၢအံၤ, ယမိၢ်ယပၢ်ဒၣ်လဲာ်န့ၣ်ယတတဲဘၣ်အဝဲသ့ၣ်ဘၣ်. ဘၣ်မနုၤလၢယကဘၣ်တဲနၤလဲၣ်.”

လံာ်ပှၤစံၣ်ညီၣ်ကွီၢ် 14:17

ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.

လံာ်ပှၤစံၣ်ညီၣ်ကွီၢ် 16:15

မၤသးဒ်န့ၣ်ဒီး, နီၢ်ဒလံလၤစံးဘၣ်အီၤ, “နတအဲၣ်ယၤနီၢ်နီၢ်ဘၣ် ဒီးနစံးလၢနအဲၣ်ယၤကသ့ဒ်လဲၣ်. နမၤပျုၢ်တ့ၢ်ယၤသၢဘျီ ဒီးနတတဲဘၣ်ဒံးယၤလၢတၢ်မနုၤမၤဆူၣ်ထီၣ် နဂံၢ်နဘါဒိၣ်ဒိၣ်ကလဲာ်အဂ့ၢ်န့ၣ်ဘၣ်.”

လံာ်ပှၤစံၣ်ညီၣ်ကွီၢ် 16:17

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”