လံာ်ပှၤစံၣ်ညီၣ်ကွီၢ် 16:15 - Sgaw Karen Common Bible

¹⁵ မၤသးဒ်န့ၣ်ဒီး, နီၢ်ဒလံလၤစံးဘၣ်အီၤ, “နတအဲၣ်ယၤနီၢ်နီၢ်ဘၣ် ဒီးနစံးလၢနအဲၣ်ယၤကသ့ဒ်လဲၣ်. နမၤပျုၢ်တ့ၢ်ယၤသၢဘျီ ဒီးနတတဲဘၣ်ဒံးယၤလၢတၢ်မနုၤမၤဆူၣ်ထီၣ် နဂံၢ်နဘါဒိၣ်ဒိၣ်ကလဲာ်အဂ့ၢ်န့ၣ်ဘၣ်.”

လံာ်ပှၤစံၣ်ညီၣ်ကွီၢ် 16:15 Iomraidhean Croise

လံာ်တၢ်ကဲထီၣ်အခီၣ်ထံး 29:20

စီၤယၤကိာ်မၤတ့ၢ်တၢ်နွံနံၣ်ဒ်သိးကဒိးန့ၢ်ဘၣ်နီၢ်ရၤဃ့လး အဂီၢ်လီၤ. တၢ်ဆၢကတီၢ်မၤအသးဒ်စှၤနံၤစှၤသီအသိးလၢအဂီၢ်လီၤ. အဂ့ၢ်ဒ်အံၤ, အဝဲအဲၣ်ဘၣ်ပိာ်မုၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:17

စီၤအးဘၡါလိၣ်သံကွၢ်အီၤ, “နတၢ်သူၣ်တီသးရၤဒီနတံၤသကိး ဒီးစီၤဒၤဝံးန့ၣ်ကဲထီၣ်အသးဒ်လဲၣ်. ဘၣ်မနုၤအဃိနတလဲၤပိာ်အဝဲခံန့ၣ်လဲၣ်.”

လံာ်စီၤနဃ့မယၤ 6:4

ဒီးအဝဲသ့ၣ်ဆှၢန့ၢ်ယၤတၢ်ကစီၣ်တမံၤဃီလွံၢ်ဘျီ, ဒီးယစံးဆၢက့ၤအီၤဒ်အလီၢ်လီၢ်အသိးန့ၣ်လီၤ.

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 15:10

သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.

လံာ်ပှၤစံၣ်ညီၣ်ကွီၢ် 14:16

မၤသးဒ်န့ၣ်ဒီး, စီၤၡံၣ်ၡိၣ်အမါက့ၤဆူအအိၣ်လၢမဲာ်ထံမဲာ်နိဒီးစံး, “နတအဲၣ်ယၤဘၣ်. နသးဟ့ယၤလီၤ. နတဲဘၣ်တၢ်ပှိၤပှံပှိၤပှီၢ်လၢဒီးနတတဲဘၣ်ယၤ လၢအခီပညီဘၣ်.” စီၤၡံၣ်ၡိၣ်စံး, “ကွၢ်လၢအံၤ, ယမိၢ်ယပၢ်ဒၣ်လဲာ်န့ၣ်ယတတဲဘၣ်အဝဲသ့ၣ်ဘၣ်. ဘၣ်မနုၤလၢယကဘၣ်တဲနၤလဲၣ်.”

လံာ်ပှၤစံၣ်ညီၣ်ကွီၢ် 16:14

တုၤနုၤတစု, နီၢ်ဒလံလၤမၤမံအီၤ, ဟံးန့ၢ်အခိၣ်သူနွံပျ့ ဒီးထါအီၤလၢထၣ်အပူၤန့ၣ်လီၤ. ဒီးမၤဃံးတံၢ်အီၤလၢနီၣ်ပျၤစူတဘိ ဝံၤကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” ဘၣ်ဆၣ်ဒီးအဝဲပၢၢ်ထီၣ်ဒီးထုးထီၣ်ကွံာ်အခိၣ်သူလၢထၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:16

ဒီးပိာ်မုၣ်န့ၣ်သံကွၢ်ဆူၣ်အီၤတနံၤဘၣ်တနံၤလီၤ. အဝဲအသးအ့န့ဒီးလီၤဘှံးဝဲလၢပိာ်မုၣ်အံၤမၤတံာ်တာ်အီၤ လၢတၢ်န့ၣ်အဃိ,