လံာ်ပှၤစံၣ်ညီၣ်ကွီၢ် 16:11 - Sgaw Karen Common Bible

¹¹ အဝဲစံးဆၢပိာ်မုၣ်န့ၣ်, “အဝဲသ့ၣ်မ့ၢ်စၢယၤလၢပျံၤအသီလၢ ပှၤတသူဘၣ်အီၤနီတဘျီဒံးဘၣ်န့ၣ်ယဂံၢ်ယဘါကစၢ်ဝဲဒ်ပှၤဂၤ အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 16:11 Iomraidhean Croise

တၢ်ကတိၤဒိ. 13:3

ပှၤလၢအပၢၤအထးခိၣ်န့ၣ်ဟံးဃာ်အသးသမူလီၤ. မ့မ့ၢ်ပှၤလၢအကတိၤနါစိၤတၢ်န့ၣ်မၤဟးဂီၤလီၤအသးဒၣ်ဝဲလီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 15:13

အဝဲသ့ၣ်စံး, “ဂ့ၤလံ, ပကစၢဃာ်နၤဒီးဟ့ၣ်လီၤနၤဆူအဝဲသ့ၣ်အစုပူၤလီၤ. ပတမၤသံနၤဘၣ်.” မၤသးဒ်န့ၣ်ဒီးအဝဲသ့ၣ်စၢဃာ်အီၤလၢပျံၤအသီခံဘိဒီးက့ၤစိာ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:10

ဒီးနီၢ်ဒလံလၤစံးဘၣ်စီၤၡံၣ်ၡိၣ်, “ကွၢ်ကွၢ်, နမၤပျုၢ်ယၤဒီးနတတဲဘၣ်ယၤတၢ်မ့ၢ်တၢ်တီဘၣ်. ဝံသးစူၤတဲယၤလၢပှၤစၢဃာ်နၤကသ့ဒ်လဲၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 16:12

မၤသးဒ်န့ၣ်ဒီး, နီၢ်ဒလံလၤမၤန့ၢ်ပျံၤအသီတဖၣ်ဒီးစၢအီၤလီၤ. ဒီးကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” ပှၤပိာ်ခွါတဖၣ်ခိးတၢ်လၢဒၢးအဂၤတဒၢးအပူၤန့ၣ်လီၤ. ဘၣ်ဆၣ်ဒီးအဝဲမၤထီၣ်တဲာ်ကွံာ်ပျံၤတဖၣ်လၢ အစုဒုၣ်အလိၤဒ်လုၣ်ဖျ့ဖိအသိးန့ၣ်လီၤ.